1 DATU 22:36 - Sura' Madatu

³⁶ Iatonna la lambunmo allo, denmi tau metamba umpekapuai gamaranna anna silelean lan to’ surodadu, nakua: Melo ke pantan sulei tu tau lako kotana sia lako tondokna.

1 DATU 22:36 ပူးပေါင်းရင်းမြစ်များ

2 SAMUEL 19:8

Ke’de’mi tu datu anna male unnisung tama babangan kota. Napokadami tau lako surodadu, nakua: Malemo tu datu unnisung tama babangan. Saemi tu mintu’ surodadu mennolo lako datu. Apa iatu to Israel pantan mallai lako tendana.

1 DATU 12:16

Iatonna tiromi mintu’ to Israel tu diona datu tang napasiolamo tu palakunna, mebalimi lako datu nakua: Tae’mo tasangbilangan tu Daud, sia tae’mo tasangmana’ tu anakna Isai! E, to Israel, sulemokomi lako tendami! Karitutui kalenami tu tongkonammi, e Daud! Sulemi tu mintu’ to Israel lako to’ tendana.

1 DATU 12:24

Inde sia tu kadanNa PUANG: Da milaoi ba’tu urrarii tu mai sangsiulurammi to Israel, sangadinna pantan la sulekomi lako to’ banuammi, belanna Aku anna dadi tu apa iate. Naturu’mi tau iato mai tu kadanNa PUANG, anna sule, susitu kadanNa PUANG.

1 DATU 22:17

Nakuami tu Mikha: Kutiromo tu mintu’ to Israel sisarak-sarak dao lu tanete butung to domba tae’ to mangkambi’na; anna ma’kada tu PUANG, nakua: Iate mai tau tae’mo puangna, da’ito anna pantan sule marampa’ lako banuanna.

1 DATU 22:31

Iatu datu Aram, mangkamo umpa’parentanni lako kamandang karetana tallungpulo ndua tau, nakua: Da misirari tu mai to bitti’ ba’tu to kapua, sangadinna ia manna tu datu to Israel.

1 DATU 22:35

Apa samasarrang-sarrangna tu rari allo iato sia bendan bang tu datu lan karetana sitingoan to Aram. Apa iatonna makaroenmo matemi sia lolong tu rarana lan mai bangkena rokko sali kareta.

1 DATU 22:37

Susimoto tu kamateanna datu anna baai tau lako Samaria sia nalamun tau iato mai dio Samaria.

2 DATU 14:12

Iatu to Yehuda natalomo to Israel, anna pada mallai sule lako to’ tendana.

TO PARENGNGE’ 21:24

Attu iato ke’de’mi tu to Israel inde to dio mai, anna pantan sule lako sukunna sia pa’rapuanna; ke’de’mi tu tau iato mai inde to dio mai, napantan sule lako taa mana’na.

1 SAMUEL 4:10

Pararimi tu to Filistin, anna taloi tu to Israel, sisarambuammi mallai sola nasangi, pantan sule lako to’ tendana; nalendu’ ia budanna dipongko, naurunganni siapanammo mate tu to Israel tallungpulo sa’bu, iamotu surodadu ma’lingka.