1 DATU 22:30 - Sura' Madatu

³⁰ Ma’kadami tu datu to Israel lako Yosafat, nakua: La umbalilina’ kaleku tama kasirarian; apa pake bangmi kamu tu pakean kamala’birammi. Umbalilimi kalena tu datu to Israel, anna tama kasirarian.

1 DATU 22:30 ပူးပေါင်းရင်းမြစ်များ

2 SAMUEL 14:2

mesuami Yoab lako Tekoa, untambai dio mai tu misa’ baine malute, anna ma’kada lako nakua: La muangga’-angga’i ma’pote sia ma’pake sanda bolong, da muma’minna’ busarungngu’, sia la unna’ga susiko kalemu misa’ baine masaimo umpassanda bolongan to mate.

1 DATU 14:2

Nakuami tu Yerobeam lako bainena: Melo ke umbaliliko kalemu ammu ke’de’, da natandaiko tau, kumua bainenako Yerobeam, ammu male lako Silo; dio nanii torro tu nabi Ahia, tu mangka umpokadanna’ kumua la diangka’na’ datu umparentai te bangsa iate.

1 DATU 20:38

Malemi tu nabi iato, anna bendan dio lalan untayan datu, sia nabalili tu rupanna umbimbin matanna.

1 DATU 22:10

Pada unnisungmi dao isungan kapayunganna tu datu to Israel na Yosafat, datu to Yehuda, umpake pakean kamala’biranna dio rante panglulluran dio salian babangan Samaria, tonna marassan tu mintu’ nabi ma’nubua’ dio olona.

2 OSSORANNA DATU 18:29

Ma’kadami tu datu Israel lako Yosafat, nakua: La umbalilina’ kaleku tama kasirarian; apa pake bangmi kamu tu pakean kamala’birammi. Umbalilimi kalena tu datu Israel, anna tama kasirarian sola duai.

2 OSSORANNA DATU 35:22

Apa iatu Yosia tae’ namemboko’ dio mai, sangadinna umbaliliora kalena la urrarii; tang naperangiimo tu kadanna Nekho, tu ombo’ dio pudukNa Puang Matua sangadinna randukmo parari dio rante Megido.

PA’PUDIAN 12:2

Karitutui, PUANG, belanna tae’mo to mengkaola, sia madarang sa’pemo tu to maruru’ dio lu mintu’ ma’rupa tau.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

YEREMIA 23:24

Ma’dinraka misa’ tau umbuni kalena lan pembunian, anna tae’ Kutiroi? kadanNa PUANG. Tang umponnoiRa’ka langi’ sola lino? kadanNa PUANG.

1 SAMUEL 28:8

Umbalilimi kalena tu Saul sia nasondai tu pakeanna, anna male sola tau da’dua, anna rampo sola tallui lako baine iato tonna bongi; anna ma’kada Saul, nakua: Tiro-tiroanna’ lalan tete dio bombo to mate, sia pamalimbangunanna’ tu to kupokadangko.