1 DATU 22:17 - Sura' Madatu

¹⁷ Nakuami tu Mikha: Kutiromo tu mintu’ to Israel sisarak-sarak dao lu tanete butung to domba tae’ to mangkambi’na; anna ma’kada tu PUANG, nakua: Iate mai tau tae’mo puangna, da’ito anna pantan sule marampa’ lako banuanna.

1 DATU 22:17 ပူးပေါင်းရင်းမြစ်များ

1 DATU 22:16

Apa ma’kada tu datu lako nakua: Pempiran bangra’ la umpopassumpakomi, kumua da mipokadai lako kaleku, ke tae’i natonganna tete dio sanganNa PUANG?

YESAYA 13:14

Tau iato mai la ten kijang diula’ sia la sangtinti domba tang dikambi’ pantan la sule umpengkara’pai bangsana sia pantan mallai umpengkaa’i tondokna.

YEREMIA 28:8

Iatu mintu’ nabi dolo-dolona, tu dolo na aku sia dolo na iko ma’nubua’ diona ba’tu pira-pira tondok matoto’ sia ba’tu pira-pira kadatuan kapua, kumua la narampoi kasirarian sia kamandasan sia ropu.

YEREMIA 50:17

Iatu Israel butung to misa’ domba dipakasingkiran, tu naula’ ba’tu pira-pira singa. Pamulanna naampello’ datu Asyur, ma’katampakanna totemo iatu bukunna nale’to-le’to Nebukadnezar, datu Babel.

YEREMIA 50:6

Iatu taungKu butungmo to domba pusa tu napapusa pengkambi’na sia nasolan langngan buntu; sia salamba-salao tu tau iato mai dio mai misa’ buntu lako misa’ tanete, naurungan tae’mo nakilalai tu inan nanii mari’pi.

YEHEZKIEL 1:4

Kutiromi, tonganna den misa’ talimpuru’ lu daa mai ulunna salu, iamo tu sangkombong gaun makamban, nanii api mellepa’-lepa’ lan sia natikui misa’ arrang; inde to lan, iamo tu lan tangnga api den tu apa ditiro susi batu bulaan sirau salaka pandila-dila.

NAHUM 3:18

Mintu’ tu to mangkambi’mu mamma’mo, e datu Asyur, sia iatu to kapuammu timbambangmo; iatu taummu tisambo’mo dao lu mintu’ buntu, sia moi misa’ tau tae’mo urrampunni.

ZAKHARIA 10:2

Belanna iatu balo’ tau umpokada apa tae’ bua’na, iatu to pakita-kita untiro patiro mendeata kamorang-morang, unnulelean ba’tu pira-pira tindo ma’pakena, sia umpokada pa’pakatana tae’ gai’na. Iamoto nasalamba-salao lu lako lu dio bang mai tu tau iato mai susito tuntunan domba, tu lan kapussakan, belanna tae’ to mangkambi’na.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

KADIBILANGAN 24:3

Naparandukmi umpokadai tu kada peada’na sia ma’kada nakua: Kada peada’na Bileam, anakna Beor, sia kada peada’na muane, tu millikmo matanna;

KADIBILANGAN 24:4

kada peada’na tu to umperangiimo kadanNa Puang Matua, tu to untiromo patiroNa To umpoissan angge maritik, tonna matindo tibungka’ matanna.

KADIBILANGAN 27:17

tu lu tama lu lan mai dio tingayona tau iato mai sia iatu ussolanni tassu’ sia ussolanni sule tu tau iato, kumua da nasusi to domba tae’ panglaana tu kasirampunanNa PUANG.

MATIUS 9:36

Iatonna tiroi tu to buda, tilaomi masseNa lako tau iato mai, belanna mauyu bangmo sia bo’yok susi domba tae’ to mangkambi’na.

MARKUS 6:34

Iatonna mengkalao Yesu dao mai lembang, Nakitami tu tau lendu’ budanna tilaomi massena lako tinde tau, belanna ia tinde tau sola nasangi butung domba tae’ panglaana, Naparandukmi unnada’i buda pangadaran tu tau iato mai.

1 SAMUEL 9:9

Iatonna dolo-dolona dadi ada’mo dio lu to Israel, ke laoi tau ungkutanai Puang Matua, nakuami: Talao lako to patanda-tandan, belanna iatu to disanga nabi totemo, disanga to patanda-tandan dolo-dolona.