1 DATU 22:15 - Sura' Madatu

¹⁵ Iatonna saemo lako datu, ma’kadami tu datu lako nakua: E Mikha ma’dinrakannika lao urrarii Ramot, lili’na Gilead, ba’tu da’i bangmiraka to? Mebalimi nakua: Ke’de’mokomi, manassa la maupa’komi, belanna la Nasorong PUANG tama limanna datu.

1 DATU 22:15 ပူးပေါင်းရင်းမြစ်များ

1 DATU 18:27

Iatonna ma’tangngamo allo natellemi Elia nakua: Metamba polekomi umpekapuai gamarammi, belanna kapenomban ia. Manassa marassanpa ma’tangnga’, ba’tu untoyanganpi kalena, ba’tu malepi lao; umbai naleppengpa, iamoto la ditundanpa.

1 DATU 22:12

Susi dukato tu mintu’ nabi ma’nubua’ nakua: Melo ke ke’de’komi lako Ramot, lili’na Gilead, sia la maupa’komi, belanna la Nasorong PUANG tu kota iato tama limanna datu.

1 DATU 22:16

Apa ma’kada tu datu lako nakua: Pempiran bangra’ la umpopassumpakomi, kumua da mipokadai lako kaleku, ke tae’i natonganna tete dio sanganNa PUANG?

1 DATU 4:13

na Ben-Geber dio Ramot dio Gilead, tu umparenta mintu’ tondokna Yair, anakna Manasye dio Gilead sia mintu’ lili’na Argob dio Basan, annanpulona kota kapua tu dirinding tembo’ sia disalli’ tambaga;

2 DATU 3:13

Apa ma’kada tu Elisa lako datu to Israel nakua: La siapariki’? Malemokomi lako tu mai nabinna ambe’mi sia lako tu mai nabinna indo’mi. Apa nakua tu datu to Israel lako: Da mima’kada susito, belanna Natambaimo PUANG tu datu tallu la Nasorong tama limanna to Moab.

2 OSSORANNA DATU 18:14

Iatonna saemo lako datu, ma’kadami tu datu lako nakua: E Mikha! ma’dinrakannika lao urrarii Ramot dio lili’na Gilead, ba’tu da’i bangmiraka to? Mebalimi nakua: Ke’de’mokomi, manassa la maupa’komi; iatu tau iato mai la disorong tama limammi.

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

YEREMIA 37:17

Nasuami datu Zedekia tu tau lao unnalai, anna kutanai bunii datu lan tongkonan layukna, nakua: Denraka kada dio mai PUANG? Mebalimi tu Yeremia nakua: Den; sia nakuapa: La disorongkomi tama limanna datu Babel.

YEHEZKIEL 13:6

Pa’pakena sia pa’biangan balle tu mai apa natiro, tu ma’kada nakua: Susito tu kadanNa PUANG natae’ anna sua lenni PUANG; moi susito natayan siapa tau iato mai la dipalanda’ tu kada iato!

MATIUS 26:45

Namane sule lako anak gurunNa sia Nakua ungkuanni: Mamma’ bangmokomi ammi pamondo ta’ka’mi; totemo mandappi’mo attunna la disorong tu Anak rampan dilino lako to kadake.

TO PARENGNGE’ 10:14

Malemokomi ammi metamba lako tu mintu’ deata mipilei, na iamora urrampanangkomi lan mai kapussakammi.