1 DATU 22:14 - Sura' Madatu

¹⁴ Apa mebali tu Mikha nakua: La lelukraka tuoNa PUANG, manassa apa tu Napokada PUANG lako kaleku, ia dukamoto tu la kupokada.

1 DATU 22:14 ပူးပေါင်းရင်းမြစ်များ

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

1 DATU 18:10

La lelukraka tuoNa PUANG, Kapenombammi, manassa tae’ tu misa’ bangsa sia kadatuan nasala nanii puangku ussua tau lako undaka’komi; ianna kuai tu tau iato mai, kumua: tae’ ia inde, nasuami tu bangsa sia kadatuan iato umpalao sumpa, kumua tae’ naappa’komi.

1 DATU 18:15

Nakuami tu Elia: La lelukraka tuoNa PUANGna mintu’ ma’dandan maritik, tu kupengkaolai, manassa la umpa’pekitananna’ kaleku te allo iate lako kalena.

1 DATU 22:13

Iatu to disua untambai Mikha nakua lako: Iatu kadanna mintu’ nabi, misa’ri sia melo tu napokada lako datu; iatu kadammi la susi duka kadanna simisa’-misa’ tua iato sia ma’kada melokomi.

YEREMIA 23:28

Iatu nabi mangimpi la napokada tu pangimpinna sia iatu to nanii kadangKu la napokada situru’ kamanapparan; samaraka tu dalame anna gandung? kadanna PUANG.

YEREMIA 34:6

Naparampomi nabi Yeremia te mintu’ kada iate lako Zedekia, datu Yehuda dio Yerusalem,

YEREMIA 42:4

Mebalimi nabi Yeremia lako tau iato mai, nakua: Kuturu’mo tu palakummi; manassa la massambayangna’ lako PUANG, Kapenombammi, susitu kadammi, sia iatu mintu’ kada tu Napebalian PUANG lako kalemi, la Kupokadangkomi; moi sangbuku kada tae’ angku la umbuniangkomi.

KADIBILANGAN 22:18

Mebalimi tu Bileam sia ma’kada lako to mase’ponna Balak nakua: Moi nabenna’ Balak ponno banuanna tu salaka sia bulaan, tae’ duka kuma’din ullendai parentaNa PUANG, Kapenombangku, la umpogau’ misa’ apa bitti’ ba’tu misa’ apa kapua.

KADIBILANGAN 22:38

Apa mebali tu Bileam lako Balak nakua: Manassa, saemo’ lako kalemi totemo. Ma’dinra’ka la umpokada misa’ kada? Iatu kada la Napatama Puang Matua pudukku, iamo la kupokada.

KADIBILANGAN 22:8

Ma’kadami tu Bileam lako tau iato mai nakua: Ma’bongikomi indete bongi iate, angku pebaliikomi susitu la Napokadanna’ PUANG. Torromi tu arungna Moab sola Bileam.

KADIBILANGAN 24:13

Moi nabenna’ Balak ponno banuanna tu salaka sia bulaan, tae’ duka kuma’din ullendai parentaNa PUANG la umpogau’ kalenai tu misa’ apa melo ba’tu kadake; apa tu Napokada PUANG, iamoto tu la kupokada.

2 KORINTUS 2:17

Belanna kami te tae’ kisusitu tau pira tu umpopandakaran kadanNa Puang Matua, sangadinna malambu’ tongankan ma’kada-kada, susitu lu diona mai Puang Matua, sia dio oloNa Puang Matua kinii umpokadai tete dio Kristus.

2 KORINTUS 4:2

sangadinna kirampanammo tu mintu’ apa kabunian, tu umpabu’tunna kamasirisan, sia tae’ kipogau’i tu pakira-kira ba’tu untuka’i kadanNa Puang Matua, sangadinna umpamanassakan tonganna, angki pa’petandan kaleki lako sukaran inaanna mintu’ tau dio oloNa Puang Matua.

GALATIA 1:10

Na totemo ussedera’ka tolino, ba’tu Puang Matua? Ba’tu undaka’ra’ka lalan kumua anna poraina’ tolino? Iake mukkunna’ undaka’ lalan kumua anna poraina’ tolino, manassa tangiana’ taunNa Kristus.