1 DATU 21:7 - Sura' Madatu

⁷ Ma’kadami tu Izebel bainena lako, nakua: Kamu tu datu umparenta to Israel totemo! Millikkomi ammi kumande, pamatanai tu penaammi; aku la umbenkomi tu pa’lak anggoro’na Nabot, to Yizreel.

1 DATU 21:7 ပူးပေါင်းရင်းမြစ်များ

2 SAMUEL 13:4

Ma’kadami lako Amnon, nakua: Ma’apai anna melambi’oi samadodong-dodongnako, datu lolo; tae’raka mula umpokadanna’? Mebalimi Amnon lako nakua: Masinnana’ lako Tamar, anak daranna Absalom, siulu’ku.

1 DATU 21:6

Mebalimi lako nakua: Dikua mangkamo’ sipa’kada-kada Nabot, to Yizreel sia kukua lako: Benna’ tu pa’lak anggoro’mu, kubaya’ doi’i tu allinna, ba’tu iake musangai melo, la kubenko misa’ pa’lak anggoro’ sondana. Apa mebali nakua: Tae’ kula ussorongi lako kalemi tu pa’lak anggoro’ku.

SARAMBU PEADA’ 30:31

Na iatu asu pangula’, ba’tu bembe’ laki, sia misa’ datu tu sisola surodadunna.

TOMANGADA’ 4:1

Kutiro pole’omi tu mintu’ pa’pakario-rio tu dipogau’ lan naarrang matanna allo, tiromi tu uai matanna mintu’ to dipakario-rio, namoi misa’ tae’ tau umpakatanai tu tau iato mai; rampe dio tu to ma’pakario-rio den kakuasan – namoi misa’ tae’ tau umpakatanai tu tau iato mai.

TOMANGADA’ 8:4

Belanna patalo tu kadanna datu sia mindara ma’din ma’kada lako kalena. Kumua: Matumbari tu penggaurammi?

AMOS 6:12

Ma’dinraka tu mai darang ma’dondo dao lu buntu batu ba’tu ma’dinraka tu tasik natengko tau sapi? Apa kamu umpopembali rasunni tu salunna sia umpopembali apsantinni tu kamalamburan?

MIKHA 7:3

Matira’ tu limanna tau iato mai umpogau’ kadake; iatu arung ma’tuntun bang sia iatu to ma’paolai salu untarima pappe’, sia iatu mai to kapua tae’ bang namasiri’ umpokada pa’poraian kalena; susimoto tu tau iato mai unnalai tu apa nakaduangi.

TO PARENGNGE’ 19:6

Unno’ko’mi sola duai anna kumande sia mangiru’. Nama’kada tu ambe’na baine mangura iato lako tinde muane nakua: Melo ke mipasiolapi te ammi torropa ma’bongi anna parannu tu penaammi.

RUT 3:7

Iatonna mangkamo tu Boas kumande sia mangiru’ sia parannumo tu penaanna, malemi umbambangan kalena dio to’ garonto’ patuku. Napela’-pela’mi tu Rut sae, nabungka’i tu parramba’ diong to’ lentekna, anna mamma’ dio.

1 SAMUEL 8:14

Sia mintu’ bela’mi sia mintu’ pa’lak anggoro’mi sia mintu’ pa’lak saitunmi tu mandunna melo la naala, nabenni taunna.

1 SAMUEL 8:4

Iamoto anna sirampun tu mintu’ pekaamberan to Israel, anna male nasang mennolo lako Samuel dio Rama.