1 DATU 21:20 - Sura' Madatu

²⁰ Nakuami Ahab lako Elia: Mukabu’tuimora’ka, e ualingku? Nakuami tu Elia: Tonganna kukabu’tuimokomi, belanna umbalukmokomi kalemi umpogau’ apa kadake dio pentiroNa PUANG.

1 DATU 21:20 ပူးပေါင်းရင်းမြစ်များ

2 SAMUEL 11:27

Iatonna ganna’mo tu mintu’ allo pa’pote dibolongna, nasuami Daud umbaai tama tongkonan layukna, napobainei, anna padadianni baine iato misa’ pia muane. Apa iatu apa napogau’ Daud kadake dio pentiroNa PUANG.

1 DATU 16:30

Iatu Ahab, anakna Omri, umpogau’ apa kadake dio pentiroNa PUANG, mandu kadake anna iatu mintu’ to dolona.

1 DATU 18:17

Iatonna tiromi Ahab tu Elia, nakuami lako: Inderokoka te, e to umpamandasa to Israel?

1 DATU 21:25

Inang tae’ lenpa tau susi Ahab umbaluk kalena la umpogau’ kadake dio pentiroNa PUANG, belanna nasede Izebel, bainena.

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

2 DATU 17:17

Sia api napamaindananni tu anakna muane sia iatu anakna baine sia pakita-kita sia ma’biangi sia nabalukan tu kalena umpogau’ apa kadake dio pentiroNa PUANG, tu umpa’dikki penaanNa.

2 DATU 21:2

Napogau’mi tu apa kadake dio pentiroNa PUANG, susitu penggauran megallianna mintu’ bangsa tu Naula’i PUANG dio mai tingayona to Israel.

2 OSSORANNA DATU 18:17

Ma’kadami tu datu Israel lako Yosafat nakua: Tang kukuaraka mati’, kumua tae’ napa’nubuaranna’ tu apa melo, sangadinna kadakena manna?

2 OSSORANNA DATU 18:7

Ma’kadami datu Israel lako Yosafat nakua: Den siapa misa’ tau, tu tapotete ma’din mekutana lako PUANG, apa kukabiri’ belanna tae’ bang maelona tu napokada diona kaleku, sangadinna kadakena manna, iamotu Mikha, anakna Yimla. Nakuami Yosafat: Da nama’kada susito tu datu.

2 OSSORANNA DATU 33:6

Ondong pissanpi api napamaindananni tu mai anakna muane diong lombok Ben-Hinom, sia umpalalo ma’biangi sia kapakita-kitan sia balik mata, sia napaden tu to sola bombo sia to sola deata. Sia buda napogau’ tu apa kadake dio pentiroNa PUANG, tu umpa’dikki penaanNa.

YESAYA 50:1

Nakua kadanNa PUANG: Umbamira tu sura’ kasitantangan Kuben indo’mi, Kunii ussuai male? ba’tu umbannara tu to umpaindanniNa’ Kunii umbalukkomi? Sangadinna dionari kakelokammi angKu balukkomi sia bannang diori patengkammi anna disua male tu indo’mi.

YESAYA 52:3

Belanna nakua tu kadanNa PUANG: Dibalukkomi, apa tae’ tu allimmi, iamoto ammi la dila’bak, tang dipaolai doi’.

YEREMIA 38:4

Mebalimi tu mintu’ arung lako datu, nakua: Nake dipatei te tau iate, belanna iake susito naparaang tu penaanna mintu’ surodadu, tu torropa lan kota iate sia mintu’ to buda, ke napokadai lako tau iato mai tu kada susito, belanna iate tau iate tae’ nadaka’i tu kameloanna to buda, sangadinna napokadakena.

YEHEZKIEL 14:4

Iamoto ma’kadako sia pokadai lako tau iato mai kumua: Inde sia tu kadanNa Puangta PUANG, Nakua: Minda-minda tu to Israel tu umpalan penaanna rapang-rapang dipodeata sia umpatulangdanni sipatu lindona tu katitodoan sae lako tobang rokko kakadakean, sia sae umpessitammui nabi Akumo, PUANG, tu la umpebalii, ke saei, sitinaya kabudanna rapang-rapang dipodeatanna;

AMOS 5:10

Nakabiri’ tau iato mai tu tau untuntun apa tongan lan lu babangan sia natapa’ tu tau umpokada salunna.

MARKUS 12:12

Undaka’mi lalan tinde tau la untingkan Yesu, apa mataku’ lako tau buda, belanna natandai kumua iatu pa’pasusian iato, gau’na Naparuai. Napopa’elo’nami namale.

ROMA 7:14

Belanna taissan kumua iatu Sukaran aluk mempenaa, apa aku te lanna’ a’gan pa’kalean, dibaluk sia ma’taloan lako kasalan.

GALATIA 4:16

Mipoualimora’ka totemo, tu belanna umpokadana’ tonganna lako kalemi?

EFESUS 4:19

Na belanna tae’mo siri’na, naeloranni tu kalena lako kapassulo-bongian, sia kabarakanna anna pogau’i tu mintu’ gau’ maruttak.

KADA OMBO’ LAKO RASULU’ YOHANES 11:10

Mintu’ tu to untorroi kuli’na padang umpoparannui sia sende-sende sia siben ben apa, belanna iatu nabi sola duai umpakario-rio mintu’ to untorroi kuli’na padang.