1 DATU 21:13 - Sura' Madatu

¹³ Attu iato saemi tu tau da’dua, iamotu to bulituk, unno’ko’ untingoi, anna sa’bii te to bulituk sola duai tu Nabot dio olona to buda, nakua: Ia tinde Nabot umpa’kada solangi Puang Matua sia datu. Nasolammi tau iato mai lako salian kota, anna tumbui batu samatena.

1 DATU 21:13 ပူးပေါင်းရင်းမြစ်များ

1 DATU 21:14

Mangkato mesuami tu tau iato mai umpokadanni Izebel, kumua mangkamo tu Nabot ditumbui batu anna mate.

2 DATU 6:32

Unno’ko’mi tu Elisa lan banuanna sola tu mai pekaamberan. Nasuami datu dolo tu pesua. Iatonna tae’pa narampo tu pesua iato lako Elisa, nakuami Elisa lako pekaamberan: Tae’raka mitiroi tu anak to papatean iate ussua tau la unta’takki ulungku? La mikanandai, iake rampomi pesua iato, la mitutu’i ba’ba ammi pasualei ba’ba tassu’. Tang la tumanuturika tu pentengkana puangna dio boko’na?

2 DATU 9:26

Sangmai’ bongi Kutiroi tu rarana Nabot sola tu mai anakna, kadanNa PUANG. La Kupa’tuntunniko bala’na dao te pa’lak, kadanNa PUANG. Totemo angka’mi, ammu pentibeanni tama pa’lak iate, susitu kadanNa PUANG.

2 OSSORANNA DATU 24:21

Sipakulu-kulumi tu tau iato mai la umpatei anna leba’i batu tete dio pa’parentana datu lan tarampak banuanNa PUANG.

AYUB 1:11

Apa iake Mie’te’i tu limamMi, amMi pata’pai tu mintu’ ianan napoapa, ma’apai nala tang mempayan sorong boko’ dio mai Kalemi?

AYUB 1:5

Ianna upu’omo tu allona pa’maruasan, natambaimi Ayub tu mai anakna, anna pamaseroi; attu iato mela’bik tongan millik, anna pennoloanni pemala’ ditunu pu’pu’ tu mai anakna simisa’-misa’i, belanna natangnga’ Ayub lan penaanna, kumua umbai umpogau’mo kasalan tu anakku sia tang umbilangmo Puang Matua lan penaanna. Susimoto tu tontong na pogau’ Ayub.

AYUB 2:9

Ma’kadami tu bainena ungkuanni, nakua: Tang tilelukparokoka lan kapengkaolammu? Sorong boko’moko dio mai Puang Matua, ammu mate.

AYUB 31:39

iangku peburai anna tae’ kubaya’i tu to sumaro sia kupamapa’di’ penaa tu puangna,

PA’PUDIAN 27:12

Da Misorongna’ lako pa’poraianna mintu’ balingku, belanna ba’tu pira-pira sa’bi tang tongan umbalina’, sia to umpenaan kamasa’garan.

PA’PUDIAN 35:11

Bendanmo ba’tu pira-pira sa’bi bulituk, untanda’na’ diona apa tang kutamai.

KATASSURAN 20:16

Da’ musa’bi tang tongan lako padammu ma’rupa tau.

SARAMBU PEADA’ 19:28

Iatu to sa’bi bulituk untelle bang tonganna, sia iatu puduk to tang mekaaluk unnamma’ bang kakelokan.

SARAMBU PEADA’ 19:5

Misa’ sa’bi tang tongan tae’ nala tang diukung, sia minda-minda umpenaan buttok tae’ nala tilendok len.

SARAMBU PEADA’ 19:9

Misa’ sa’bi tang tongan tae’ nala tang diukung, sia minda-minda umpenaan buttok, la sanggang.

SARAMBU PEADA’ 25:18

Susitu misa’ tarasulu’, pa’dang sia tinaran matata’, susi dukato tu misa’ sa’bi tang tongan lako padanna tolino.

SARAMBU PEADA’ 6:19

tu umpenaan buttok susito sa’bi tang tongan sia umpabu’tu kasigagan dio lu to massiulu’.

TOMANGADA’ 10:20

Da mugatai tu datu, moi nalan pa’tangngarammu, sia da mugatai tu tosugi’ lan bilik kamammarammu, nabaa manii manuk-manuk dao langi’ tu gamarammu sia napa’peissanan manii dassi tu apa mupokadanna.

TOMANGADA’ 4:1

Kutiro pole’omi tu mintu’ pa’pakario-rio tu dipogau’ lan naarrang matanna allo, tiromi tu uai matanna mintu’ to dipakario-rio, namoi misa’ tae’ tau umpakatanai tu tau iato mai; rampe dio tu to ma’pakario-rio den kakuasan – namoi misa’ tae’ tau umpakatanai tu tau iato mai.

YESAYA 8:21

Sangadinna la palong bang umperasai parri’ sia mangelo; ia anna topomo, maredemi tu ara’na sia unggatai datunna sia Kapenombanna. Ke mentingarai langan langi’,

AMOS 7:10

Ta’kala mesuami tu Amazia, to minaa dio Betel mennolo lako Yerobeam, datu Israel, nakua: Iatu Amos umpaden misa’ kasipakulu-kuluan la unneakomi dio lu mintu’ to Israel; tae’mo nabelai tondok la umpassanni tu mintu’ kadanna.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

MATIUS 9:3

Denmi ba’tu pira-pira pandita Sura’ dio, tu ma’tangnga’ lan penaanna kumua: Ma’kada solang Ia te Tau iate.

LUKAS 23:2

Randukmi umparapa’I, nakua: Kilambiran te tau iate unnada’i sala solaki, Nagagai massima lako datu kapua, Nakua Ia kalena Ia Kristus sia datu.

YOHANES 19:12

Randuk tonna iato naundaka’ lalan tu Pilatus la urrampananNi, apa ramban tu to Yahudi metamba, nakua: Iake mirampananNi te Tau iate, tae’mo misisangmane datu kapua; minda-minda tu unnangka’ datu kalena, iamo unnea datu kapua.

PENGGAURANNA RASULU’ 24:5

Belanna mintu’kan ungkabu’tui te tau iate butung ropu, apa iamo umpadenan kamarukkan mintu’ to Yahudi lan mintu’ lino, sia dadi pangulunna to sangserekan, iamotu to Sarani.

PENGGAURANNA RASULU’ 6:11

Naada’imi ba’tu pira-pira tu tau la umpokadai kumua: Kirangimo umpokadai tu kada solang lako Musa sia Puang Matua.

PA’TOLE 13:10

La mutumbui batu, anna mate; belanna undaka’mo lalan umpopemboko’ko dio mai PUANG, Kapenombammu, tu mangka ussolangko lan mai tondok Mesir, lan mai inan munii dipokaunan.

PA’TOLE 21:21

Attu iato iatu mintu’ muane lan kotana ussileba’i batu, naurunganni mate. Susimoto la munii umpa’dei tu kadake dio lu kamu; narangimi mintu’ to Israel sia mataku’.

PA’TOLE 22:21

manassa iatu baine mangura iato la nabaa tau lako to’ ba’ba banuanna ambe’na, anna sileba’i batu muane lan kotana, naurungan mate – belanna umpogau’ kabagan mesirisan dio lu Israel, iamotu ma’gau’ sala lan banuanna ambe’na. Susimoto la munii umpa’dei tu kakadakean dio mai kamu.

PA’TOLE 22:24

manassa la misolan sola duai lako babangan kota iato, ammi sileba’i batu naurungan mate; iatu baine, belanna tae’ nametamba umpalaku pa’tunduan sia iatu muane, belanna ullamban bainena solana. Susimoto la munii umpa’dei tu kakadakean dio mai kamu.

PA’TOLE 5:20

Da’ musa’bi tang tongan lako padammu ma’rupa tau.

IBRANI 11:37

Sia ditumbui batu, sia digare’ge’, sia diroso, sia mate dipongko pa’dang, sia salamba-salao ma’tamangkale balulang domba sia balulang bembe’, nakapu’duran sia dipakario-rio sia dipakitai pa’di’.