1 DATU 21:10 - Sura' Madatu

¹⁰ Ammi paunno’ko’ da’dua to bulituk untingoi, la ussa’bii kumua: Umpa’kada solangi Puang Matua sia datu. Solanni lako salian kota, ammi tumbui batu samatena.

1 DATU 21:10 ပူးပေါင်းရင်းမြစ်များ

2 SAMUEL 20:1

Sirupangmi den dio tu misa’ to bulituk, disanga Seba, anakna Bikri, to Benyamin, umpannonimi napiri tanduk anna ma’kada nakua: Iatu kita tae’ tasangbilangan tu Daud, sia tae’ tasangmana’ tu anakna Isai; e to Israel pada sulemokomi lako tendami.

1 DATU 21:11

Napogau’mi sangtondokna, iamotu pekaamberan sia to kapua, tu torro lan kotana, susitu napesuanna Izebel lako, susitu disa’bu’ lan sura’ dipa’pea lako tau iato mai.

1 DATU 21:9

Inde sia tu kada lan sura’ iato, nakua: Metambakomi, anna ma’puasa mintu’ tau, ammi paunnisungi tu Nabot dao inan mala’bi’na dio olona to buda.

2 DATU 6:32

Unno’ko’mi tu Elisa lan banuanna sola tu mai pekaamberan. Nasuami datu dolo tu pesua. Iatonna tae’pa narampo tu pesua iato lako Elisa, nakuami Elisa lako pekaamberan: Tae’raka mitiroi tu anak to papatean iate ussua tau la unta’takki ulungku? La mikanandai, iake rampomi pesua iato, la mitutu’i ba’ba ammi pasualei ba’ba tassu’. Tang la tumanuturika tu pentengkana puangna dio boko’na?

AYUB 1:5

Ianna upu’omo tu allona pa’maruasan, natambaimi Ayub tu mai anakna, anna pamaseroi; attu iato mela’bik tongan millik, anna pennoloanni pemala’ ditunu pu’pu’ tu mai anakna simisa’-misa’i, belanna natangnga’ Ayub lan penaanna, kumua umbai umpogau’mo kasalan tu anakku sia tang umbilangmo Puang Matua lan penaanna. Susimoto tu tontong na pogau’ Ayub.

KATASSURAN 22:28

Da mugantanni tu Puang Matua sia da mutangdoi tu mai arungmu.

SARAMBU PEADA’ 6:19

tu umpenaan buttok susito sa’bi tang tongan sia umpabu’tu kasigagan dio lu to massiulu’.

YESAYA 59:14

Dipasorong boko’ tu katonganan sia iatu kamaloloan torro mambela, belanna iatu tonganna titodo dio lu tana lapang, sia tang narandan kabulo-lollongan.

SURA’ KATOMINAAN 24:14

Baai tu tau ma’tampak ropu lako salian to’ tenda, anna mintu’ tu to urrangimi urremme’i lima tu ulunna, na iatu mintu’ kasirampunan ussileba’i batu.

YOHANES 10:33

Nakuami tu to Yahudi mebali lako: Iatu penggauran melo tae’ ia na ia la kinii untumbuiKomi batu, apa iari tu umpa’kada solangiKomi Puang Matua, sia iatu to linoKomi amMi papada Puang Matua KaleMi.

PENGGAURANNA RASULU’ 6:11

Naada’imi ba’tu pira-pira tu tau la umpokadai kumua: Kirangimo umpokadai tu kada solang lako Musa sia Puang Matua.

PENGGAURANNA RASULU’ 6:13

Sia napopentingayo tu sa’bi tang tongan, tu umpokadai kumua: Tae’ natorei te tau iate umpasunanni kada solang te inan maindan sia Sukaran aluk,

PA’TOLE 13:13

Den tu to kadake bu’tu dio lu kamu, tu umpopemboko’i tu to umpa’tondokki kotana, ma’kada nakua: Tamalemo umpenombai kapenomban senga’, tu tae’pa mitandai –

PA’TOLE 19:15

Iake misa’ri to sa’bi, tae’ nama’din bendan umpasala misa’ tau diona sala umbanna kakadakean ba’tu kasalan, tu disanga napogau’; tete dio kasa’bianna da’dua ba’tu tallu tau la manassamo to tu misa’ kara-kara.

TO PARENGNGE’ 19:22

Iatonna marassan parannu-rannu kumande, saemi tu pa’tondokan, to bulituk, untalimbung tamai tu banua iato, anna undedek ba’ba sia ma’kada lako to matua, puangna banua, nakua: Patassu’i mai salian tu muane, sae ma’bongi lan banuammi angki sangampa’.

1 SAMUEL 2:12

Iatu mai anakna muane Eli sala’ kedo, tae’ nadampangi tu PUANG sia iatu katongananna sia taana to minaa, ke to buda sae memala’.