1 DATU 20:7 - Sura' Madatu

⁷ Attu iato natambaimi datu to Israel tu mintu’ pekaamberan lan tondok, nama’kada nakua: Issanmi sia tiromi, kumua tau iate undaka’ bang kadake, belanna iatonna mangkamo ussua tau lako kaleku untuntun mintu’ anakku sia baineku sia mintu’ salaka sia bulaanku, tae’ra kupasisalai.

1 DATU 20:7 ပူးပေါင်းရင်းမြစ်များ

1 DATU 20:6

Apa masiang attu susite totemo, angku sua taungku lako kalemu, anna paressai tu tongkonan layukmu sia iatu mai banuanna to mase’ponmu, anna ala nasangi tu mintu’ apa tang namaseanna penaammu.

1 DATU 20:8

Ma’kadami tu mintu’ pekaamberan sia mintu’ to buda lako datu, nakua: Da miperangii lenni sia da mipalaloi tu pa’porainna.

1 DATU 21:8

Naoki’mi Izebel tu ba’tu pira-pira sura’ tete dio sanganna Ahab, anna ca’i peca’na Ahab, anna pa’peai tu sura’ iato lako mintu’ pekaamberan sia to kapua lan lu kotana, tu sangtondok Nabot.

1 DATU 8:1

Iatonna attu iato narampunmi Salomo tu mintu’ pekaamberanna to Israel sia mintu’ pangulunna sukunna, iamotu to paa dio lu tongkonanna to Israel, mennolo lako datu Salomo dio Yerusalem, la umbaai langngan tu patti basseNa PUANG diong mai tondokna Daud, iamotu Sion.

2 DATU 5:7

Iatonna mangkamo datu to Israel umbasai tu sura’, nase’bu-se’bumi tu tamangkalena, anna ma’kada nakua: Puang Matuara’kate, angku ma’dinra ma’pamate sia ma’patuo, na urunganni te tau iate umparampo kada lako kaleku, kumua la umpamondona’ golenna misa’ tau? Tiromi, manassamo kumua undaka’mo posanga la ungkadakeina’.

1 OSSORANNA DATU 13:1

Sipa’kadami Daud tu mintu’ pangulu to sangsa’bu sia mintu’ pangulu to saratu’ sia mintu’ to la’bi’.

1 OSSORANNA DATU 28:1

Narampunmi Daud lako Yerusalem tu mintu’ pangulu to Israel, iamotu pangulunna mintu’ suku, pangulunna mintu’ golongan tu mengkaola lako datu, kamandangna sangsa’bu tau, kamandangna saratu’ tau sia pangulunna mintu’ apa sia patuoanna datu sia anakna muane, sisola mintu’ to mase’ponna datu, pa’barani sia mintu’ to malinta’ parari.

AYUB 15:35

Susito ungkia’tangan kakadakean sia untibussanan kakelokan sia iatu ba’tengna umpopembua pa’pakena.

PA’PUDIAN 140:2

O PUANG, rampananna’ dio mai to kadake, sia rinding pala’na’ dio mai to masa’ga’,

PA’PUDIAN 36:4

Mintu’ tu kada sun dio pudukna kakadakean manna sia kalando-pa’duan manna, tae’mo anna lolang kinaa sia tae’mo anna pogau’ kameloan.

PA’PUDIAN 62:3

Ia manna buntu batungku sia oto’na kasalamarangku, Iamo tambakukungku, natae’ angku la masang bang tilende’.

PA’PUDIAN 7:14

Sia Napatu’tunnimo pa’bunoNa tu tau iato mai, sia mintu’ tinaranNa Naapii.

SARAMBU PEADA’ 11:14

Iake tae’i pa’timbangan melo, la sanggang tu bangsa, apa dipotilendok tu kabudanna pa’bisara.

SARAMBU PEADA’ 11:27

Minda-minda tu untuntun melona, undaka’ kapaimanan; apa minda-minda unnanga’ bang kadakena, la narampoi duka kakadakean.

SARAMBU PEADA’ 24:2

belanna iatu penaanna untangnga’ bang pa’pakario-rio, sia iatu pudukna umpokada bang kamandasan.

SARAMBU PEADA’ 6:14

tu untannun bang tangnga’ bulituk lan penaanna, sia tontong bang untampa kakadakean, sia umpabu’tu kasigagan.

DANIEL 11:27

Iatu datu iato sola duai pada ma’tangnga’ kadake lan penaanna sia ianna unno’ko’ dio misa’ meda pada la ma’kada tang tongan, apa tae’ nala dadi tu nasanganna, belanna tae’pa nalambi’i tu ma’katampakanna sae lako attu dipamanassa.