1 DATU 20:6 - Sura' Madatu

⁶ Apa masiang attu susite totemo, angku sua taungku lako kalemu, anna paressai tu tongkonan layukmu sia iatu mai banuanna to mase’ponmu, anna ala nasangi tu mintu’ apa tang namaseanna penaammu.

1 DATU 20:6 ပူးပေါင်းရင်းမြစ်များ

KADADIAN 27:15

Naalami Ribka tu tamangkalena Esau, anak pa’bunga’na, iamotu me’lokna tu napalanna banua, anna papasangi tu Yakub anak bongsunna.

2 SAMUEL 24:14

Ma’kadami tu Daud lako Gad nakua: Lendu’mo pussakku; melomo ke tobang rokkoki’ limanna PUANG, belanna kapua tu kamamaseanNa, podo da angku tobang rokko limanna to lino.

1 DATU 20:5

Mangkato sae pole’mi tinde to guling, anna ma’kada nakua: Inde sia tu kadanna Benhadad: Mangkamo kusua tu tau mati’ kumua: Iatu salakamu sia bulaanmu sia bainemu sia anakmu, inang la muben nasangna’.

1 DATU 20:7

Attu iato natambaimi datu to Israel tu mintu’ pekaamberan lan tondok, nama’kada nakua: Issanmi sia tiromi, kumua tau iate undaka’ bang kadake, belanna iatonna mangkamo ussua tau lako kaleku untuntun mintu’ anakku sia baineku sia mintu’ salaka sia bulaanku, tae’ra kupasisalai.

EZRA 8:27

sia irusan bulaan duangpulo, sangsa’bu dirham magasanna sia da’dua pareanan suasa, pandila-dila susi bulaan, keangga’ pada bulaan.

YESAYA 44:9

Iatu mai to unggaragai rapang-rapang dipodeata, tae’ nasang gai’na sia iatu mai panggaraganna nakamassengi tae’ bua’na: iatu mintu’nato napotanda sa’bi, kumua moi misa’ tae’ natiroi sia moi misa’ tae’ natandai, naurunganni kasirisan tu tau iato.

YEREMIA 25:34

Unnurrukkomi, e mintu’ to manglaa, melallakkomi sia melenten-lentenkomi dio lu to’ barra’-barra’, e mintu’ pangkambi’ domba ma’baanan; belanna nalambi’mo tu allomi, la ditunu. Sia Akumo la untesse-tessekomi, ammi tobang susi pindan mellong.

BATING 1:10

Iatu mai uali umpopengkorongmo limanna lako mintu’ apa keangga’na; ondongpi natiro bang tau iato mai, kumua iatu bangsa iato tama inan maindanna, tu a’ganna mangka Mipa’pepasanan, kumua: iatu tau iato mai tae’ nama’din urreke’komi tama kombongan.

BATING 1:7

Lan allo kamaparrisanna sia kalumioranna, iatu Yerusalem tontong ungkilalai, tu mintu’ apa keangga’, tu mangka naampui lan allo lendu’mo; iatonna tobangmo tu bangsana tama limanna ualinna, sia tae’mo to patunduanna, natiromi ualinna, sia napetaai, belanna kasangganganna.

HOSEA 13:15

Moi anna maloboran dio lu to massiulu’, la sae duka tu angin dio mai rampe matallo, iamo tu anginNa PUANG, tu kendek dio mai padang pangallaran, naurunganni iatu kalimbuangna ma’ti sia iatu mata uainna be’ko’ tongan; narampa tu mai ianan ballo napalumpunni.

YOËL 3:5

Belanna miala tu salakaKu sia bulaanKu sia mibaa tu ianan keangga’Ku tama banua pa’deatammi.