1 DATU 20:40 - Sura' Madatu

⁴⁰ Iatonna marassan lu lako lu dio mai masara’ tu taummi, pa’demi. Ma’kadami tu datu to Israel lako nakua: La susimoto tu kara’tasanna kara-karamu; iko kalena urra’ta’i.

1 DATU 20:40 ပူးပေါင်းရင်းမြစ်များ

2 SAMUEL 12:1

Nasuami PUANG tu Natan male mennolo lako Daud. Malemi mennolo lako datu anna ma’kada nakua: Lan misa’ kota anu den da’dua tau, misa’ sugi’ na misa’ bongko.

2 SAMUEL 14:13

Nakuami tu baine iato: Ma’apari mipalanri penaammi tu tangnga’ susite tu diona taunNa Puang Matua? Belanna iatommi mangkamo umpokadai te kada iate, puangku kalena tu butung to sala, belanna tae’ naeloranni puangku tu to ditibe sule sae.

1 DATU 20:39

Iatonna lendu’ tu datu, metambami tinde nabi lako nakua: Iatonna tassu’ tu taummi anna tama kasirarian, ta’kala saemi misa’ tau untambaina’ lendu’, tu ussolan misa’ tau lako kaleku sia ma’kada nakua: Kampai te tau iate; ianna pa’de, moi umba-umba nakua, manassa sunga’mu la ussonda sunga’na, boko’ ke mubaya’na’ salaka misa’ talenta.

1 DATU 20:41

Natikaraimi tinde nabi unnalai tu pebimbin dio mai to’ matanna, anna tandai datu to Israel, kumua ia misa’i dio mai mintu’ nabi.

AYUB 15:6

Lilamu kalena umpasalako, tangia aku; ondongpi pudukmu kalena ussa’biiko, kumua salako.

YEREMIA 48:10

Tampakan ropu tu to langga’ umpogau’ pengkaranganNa PUANG; sia sapuan pala’ tu to umpadapa pa’dangna dio mai to’doan rara.

LUKAS 19:22

Nakuami tu puangna lako: E kaunan kadake, la kuparundu’i ukungammu tu sunna dio pudukmu! Muissanmo kumua aku te to makarra’ penaangku, unnala bangna’ tang pangannaku, umpeburai bangna’ tang pantananku.