1 DATU 20:34 - Sura' Madatu

³⁴ Ma’kadami tu Benhadad lako datu nakua: Iatu mintu’ tu narampa ambe’ku dio mai ambe’mi, la kupasulemo; sia dieloran dukakomi untanan pasa’ dio Damsyik, susitu natanan ambe’ku dio Samaria, sia la untananki’ misa’ basse angku messiman dio mai kalemi. Untananmi basse sola duai, anna eloranni Ahab male.

1 DATU 20:34 ပူးပေါင်းရင်းမြစ်များ

1 DATU 15:20

Napasiolami Benhadad tu kadanna datu Asa, anna suai tu pangulu rarinna ullaoi tu mai kota to Israel, natalomi tu kota Iyon sia Dan sia Abel-Bet-Maakha sia lili’na Kinerot sia mintu’ lili’na tondok Naftali.

1 DATU 20:33

Nakanassaimi tau iato tu tanda melo iate, namadomi’ unnarra’i tu kadanna, nakua: Tonganna iatu Benhadad siulu’na puangki. Nakuami tu datu: Malekomi untambai tu puangmi dio mai. Tassu’mi tu Benhadad sae umpessitiroi datu, anna pakendekki datu langngan kareta.

1 DATU 20:42

Ma’kadami tinde nabi lako datu, nakua: Inde sia tu kadanNa PUANG: Belanna murampanan male tu to Kupamanassa pepayu, iamoto iatu sunga’mu la ussonda sunga’na, sia bangsamu la ussonda bangsana.

1 DATU 22:31

Iatu datu Aram, mangkamo umpa’parentanni lako kamandang karetana tallungpulo ndua tau, nakua: Da misirari tu mai to bitti’ ba’tu to kapua, sangadinna ia manna tu datu to Israel.

2 OSSORANNA DATU 16:4

Napasiolami Benhadad tu kadanna datu Asa, anna suai tu pangulu rarinna ullaoi tu mai kota Israel; natalomi tu Iyon, Dan, Abel-Maim na mintu’ kota pa’palumpunan dio Naftali.

2 OSSORANNA DATU 18:30

Iatu datu Aram mangkamo umpa’peparentanni lako mintu’ kamandang karetana, nakua: Da misirari tu mai to bitti’ ba’tu to kapua, sangadinna ia manna tu datu to Israel.

YESAYA 26:10

Moi anna dikatirinnai tu to tang mekaaluk, inang tae’ anna pelada’i tu kamaloloan, sangadinna umpogau’ kakelokan illan tondok nanii kamalamburan sia tae’ duka anna tiroi tu kamala’biranNa PUANG.

YESAYA 8:12

Da misa’bu’ lenni tu kasiturusan pepayunna tu nasanga kasiturusan pepayu te bangsa iate, sia da mikataku’i tu nakataku’na sia da mikagiangi.

PA’TOLE 7:2

sia iake Nasorongammoko PUANG, Kapenombammu, tu tau iato mai, ammu taloi, manassa la musabu’i nasang. Da musibasse tau iato sia da mukamasei.

1 SAMUEL 11:1

Ta’kala saemi tu Nahas to Amon umpatama limbu tondok Yabesy dio lili’na Gilead. Ma’kadami tu mintu’ to Yabesy lako Nahas, nakua: La untananki’ misa’ basse, angki lumbang baka direngnge’ sola nasang lako kalemi.

1 SAMUEL 15:8

Natingkan tuomi tu Agag, datu to Amalek, apa mintu’ to buda nasabu’i pa’dang butung pepayu.

1 SAMUEL 15:9

Napatuomi Saul sola mintu’ to budanna tu Agag sia iatu mai domba sia sapi tu me’lokna sia tu melona, sia tu mintu’ anak domba, sia iatu mintu’ mandu keangga’na; manoka tu tau iato mai ussabu’i butung pepayu. Sangadinna mintu’ tu tang keangga’na sia kadakena nasabu’i.