1 DATU 20:31 - Sura' Madatu

³¹ Ma’kadami tu mintu’ to mase’ponna datu lako, nakua: Kirangimo sola nasang kumua iatu mintu’ datu to Israel to masokan. Iamoto melo ke massambu’ karoro’kan sia ma’tali ulangkan ammi elorangkan sola nasang male umpennoloi datu to Israel, den sia manii upa’ anna katirinnai tu sunga’mi.

1 DATU 20:31 ပူးပေါင်းရင်းမြစ်များ

KADADIAN 37:34

Naserekmi Yakub tu tamangkalena, anna pododo karoro’ sia ma’barata ba’tu pirang-pirang allo diona tu anakna.

2 SAMUEL 14:2

mesuami Yoab lako Tekoa, untambai dio mai tu misa’ baine malute, anna ma’kada lako nakua: La muangga’-angga’i ma’pote sia ma’pake sanda bolong, da muma’minna’ busarungngu’, sia la unna’ga susiko kalemu misa’ baine masaimo umpassanda bolongan to mate.

2 SAMUEL 3:31

Ma’kadami Daud lako Yoab sia lako mintu’ to nasikandappiran, nakua: Serekki tu pakeammi sia ma’pakean karoro’komi sia lumingkakomi dolo umbatingi batang rabukna Abner. Sia datu Daud kalena duka undi unturu’i tu bulleanna.

1 DATU 20:23

Ma’kadami lako datu Aram tu mintu’ to mase’ponna, nakua: Iatu Kapenombanna tau iato iamotu kapenomban dao lu buntu; iamoto anna sau’kanni. Apa iake kirarii dio lu merrantena, manassa kitaloi.

1 DATU 20:32

Massambu’ karoro’mi tu tau iato, sia napotali tu ulang; anna male umpennoloi datu to Israel. Ma’kadami lako nakua: Inde sia tu kadanna taummi Benhadad, nakua: Katirinnai dikka’ tu sunga’ku. Nakuami tu datu: Tuo siaparaka ia? Siulu’ku to.

2 DATU 5:13

Apa attu iato saemi tu mai to mase’ponna urreke’i, anna ma’kada lako, nakua: O ambe’, ianna den misa’ apa masussa napasanangkomi tu nabi, umba mikua tang la umpogau’i? Ondong polepi totemo nakuan mannakomi: Mendio’komi ammi mondo sule?

2 DATU 7:4

Ianta ma’kada kumua: La maleki’ tama kota, karorian lan kota iato, manassa la mateki’ lan; na ianta la torro bang inde te, manassa la mate dukaki’. Iamoto malekomi mai, tasorong kaleta lako to’ inan surodadu to Aram. Ianna la umpatuoki’, manassa tuoki’, ianna la umpateiki’ manassa la mate dukaki’.

ESTER 4:16

Malekomi mirampunni tu mintu’ to Yahudi lan Susan, ammi ma’puasa tallungallo belanna aku, da mikumande sia mangiru’ la bonginna la allona. Ia duka tu aku sola mintu’ to ma’kamayaku baine la ma’puasakan, namangkato kumane male mennolo lako datu, moi na tangia atoran; iake la kuposanggangi, da’ito kusanggang.

AYUB 2:4

Apa mebali tu deata bulituk lako PUANG, nakua: Kuli’ dipasondana kuli’ sia mintu’ apa naampui tau la nasorong belanna katuoanna.

PA’PUDIAN 69:11

Iatongku parra uai matangku, angku popengkadiongan kaleku ma’puasa, ia duka nabe’seanna’ to.

SARAMBU PEADA’ 20:28

Kamamasean sia kamarurusan ungkarimmanni datu, sia tete dio kamamasean anna pabantangi tu isungan kapayunganna.

YESAYA 16:5

la dipabendan tana’ misa’ isungan kapayungan diparandanganni kamasokanan, anna dao to lan tendana Daud la nanii unnisung situang kamarurusan misa’ to la mangra’ta’ sia untuntun katonganan, tu matira’ umpogau’ sanda salunna.

YESAYA 22:12

Manassa allo iato Natambaimokomi Puang, PUANGna mintu’ ma’dandan maritik, la tumangi’ sia la umbating, sia la ma’galettung sia la ma’pote dibolong.

YESAYA 37:1

Iatonna rangimi datu Hizkia tu iannato, naserek-serekmi tu tamangkalena anna ma’pakean karoro’, male tama banuanNa PUANG.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

KADA OMBO’ LAKO RASULU’ YOHANES 11:3

La Kuben kuasa tu da’dua to ma’katottongingKu tu ma’tamangkale karoro’, ma’nubua’ sangsa’bu duaratu’ annan pulona allona.