1 DATU 20:30 - Sura' Madatu

³⁰ Na iatu tinampenapa mallai lako Afek, tama kota, anna tuanni rinding tembo’ tu tau duangpulo mpitu sa’bu tu torronapa. Attu iato rampo dukami Benhadad tama kota, anna mallai umpasilamban-lamban bilik.

1 DATU 20:30 ပူးပေါင်းရင်းမြစ်များ

2 SAMUEL 18:8

Sakerangan-rangannami tu rari dio lu mintu’ padang iato, naurungan allo iato mintu’ tu tau nasanggang pangala’ mandu buda na iatu to nakande pa’dang.

1 DATU 20:10

Mesua pole’mi tu Benhadad lako nakua: Nasanggangimora’ mintu’ deata sia la narangnganni pole’pa, ke la susinna iatu batu manisak dio Samaria sandai sisangraku’ tu mintu’ surodadu tu undi unturu’na’.

1 DATU 20:20

Pantan napateimi tu balinna, naurunganni mallai nasang tu to Aram naula’ to Israel. Na Iatu Benhadad, datu to Aram, ma’darang umpallaian kalena sola ba’tu pira-pira pakkanarang.

1 DATU 20:26

Iatonna taun pole’ to, napasakka’mi Benhadad tu mintu’ to Aram, anna ke’de’ lako Afek la sirari to Israel.

1 DATU 20:29

Sitingoan bangmi lan pitung allo. Iatonna ma’pitung allomo randukmi sirari, anna taloi to Israel tu to Aram lan sangallo saratu’ sa’bunna to parari ma’lingka.

1 DATU 22:25

Apa ma’kada tu Mikha nakua: Manassa la mutiro sia tu allona, tu la munii mallai membuni dio bilik misa’ lako bilik senga’.

2 DATU 10:24

Mentamami tu tau iato mai la umpennoloan pemala’ pangrere’ sola pemala’ ditunu pu’pu’. Naparandanmi Yehu tu tau karuapulona dio salian nama’kada lako nakua: Minda-mindakomi urrampananni misa’ te tau iate tu kusorongmo lako kalemi, manassa sunga’mi la dipasondana tu sunga’na.

2 DATU 9:2

Iammu rampomo lako, tiroi ba’tu umba nanii tu Yehu, anakna Yosafat, anakna Nimsi. Maleko tama, ammu palakui anna ke’de’ lan tangngana solana, ammu solanni tama inan lendu’ tama.

2 OSSORANNA DATU 18:24

Apa ma’kada tu Mikha nakua: Manassa la mutiro sia tu allona, tu la munii mallai membuni dio bilik misa’ lako bilik senga’.

PA’PUDIAN 18:25

Iamoto anNa papakkannina’ PUANG sitinaya kamaloloangku, sia sitinaya kamasero-pindananna limangku dio oloNa.

YESAYA 24:18

Belanna la dadi, kumua minda-minda tu umpallaian kalena dio mai ongngo’ mepatiramban, la tobang rokko patuang, na minda-minda tu umbelai kendek diong mai patuang, la nadoloan poya; ondongpi mintu’ kalimbuang dao masuanggana la dibungka’ nasang, sia la tigega’ tu parandangan lino.

YESAYA 30:13

iamoto, iatu kasalan iate la dadi kasanggangan lako kalemi susitu ba’tu pira-pira batu la tuan dao mai rinding tembo’ malangka’, tu re’ba, tu tang dikapang anna ta’pa tuan.

YEREMIA 48:44

Minda-minda lussu’ dio mai ma’patirambanna, iamo la tobang rokko patuang, sia minda-minda tu ma’din kendek diongmai patuang, iamo la naala poya, belanna Aku te la umparampoi lako kalena, iamotu lako Moab tu taun kadiukunganna, kadanNa PUANG.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

AMOS 5:19

Susi, ke den misa’ tau mallai dio mai singa, la nadammak beruang; iake rampomi lako banuanna, anna merremme’ lako rinding tembo’ la natotokki ula’.

AMOS 9:3

Sia iake la messu’bui dao botto Karmel, manassa Aku la umparessai sia la unnalai inde to dio mai, moi umbuni kalena dio mai pentiroKu diong salinna tasik, manassa la Kusua tu misa’ ula’ inde to dio mai untotokki.

LUKAS 13:4

Na iatu sangpulo karua tau nasongkai menara dio Siloam namate, misangaraka ondong ia kapuana salana na mintu’ to torro dio Yerusalem?

YOSUA 13:4

rampe lo’na lu; mintu’ padangna to Kanaan sia Meara, lili’na to Sidon, sae lako Afek, sae lako lili’na to Amori;

TO PARENGNGE’ 9:40

Iatonna male mallai, undimi Abimelekh unnula’i, anna buda tau tibambang mate sae lako to’ babangan.

1 SAMUEL 29:1

Napasirampunmi to Filistin tu mintu’ surodadunna dio Afek na iatu to Israel ma’tenda sikandappi’ tu kalimbuang dio Yizreel.