1 DATU 20:23 - Sura' Madatu

²³ Ma’kadami lako datu Aram tu mintu’ to mase’ponna, nakua: Iatu Kapenombanna tau iato iamotu kapenomban dao lu buntu; iamoto anna sau’kanni. Apa iake kirarii dio lu merrantena, manassa kitaloi.

1 DATU 20:23 ပူးပေါင်းရင်းမြစ်များ

1 DATU 14:23

Napabendan duka tau iato mai tu inan madao sia batu dipodeata sia lentong kayu dipodeata dao lu mintu’ tanete madao sia diong lu mintu’ garonto’ kayu makampu.

1 DATU 20:24

Melo ke mipogau’i susite: Tassu’i tu mai datu dio mai pangka’na ungkamandangi surodadu ammi angka’i tu to maraa la ussondai.

1 DATU 20:28

Saemi tu taunNa Puang Matua mennolo nama’kada lako datu to Israel, nakua: Inde sia tu kadanNa PUANG: Belanna nakua tu to Aram, kumua iatu PUANG iamo Kapenomban dao lu buntu, tangia ia Kapenomban dio lu merrantena, iamoto angKu sorongi tu to buda tu mamak bang tama limammu, ammi issanni kumua Akumo tu PUANG.

1 DATU 20:31

Ma’kadami tu mintu’ to mase’ponna datu lako, nakua: Kirangimo sola nasang kumua iatu mintu’ datu to Israel to masokan. Iamoto melo ke massambu’ karoro’kan sia ma’tali ulangkan ammi elorangkan sola nasang male umpennoloi datu to Israel, den sia manii upa’ anna katirinnai tu sunga’mi.

2 DATU 19:12

Nakulleraka tu deatanna mintu’ bangsa, tu nasabu’i nene’ to doloku, ullendokanni tu tondok iato mai: iamotu Gozan sia Haran sia Rezef sia to umpa’tondokki Eden, lili’na Telasar?

YESAYA 36:20

Mindara tu deatanna mintu’ tondok iato tu ungkullei ullendokan tondokna lan mai kuasangku, anNa la PUANG ungkullei ullendokan Yerusalem lan mai kuasangku?

YESAYA 42:8

Akumo tu PUANG, iamoto tu sangangKu sia kamala’birangKu tae’ angKu benni to senga’, sia iatu kadipudiangKu tae’ angKu palulakoi rapang-rapang dipodeata dipa’.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

1 SAMUEL 4:8

A’a mandasamoki’, belanna mindapara la urrampanangki’ dio mai limanna tu deata sumpu makuasa iato? Iamora te deata iate tu umparampoi to Mesir ma’rupa-rupa kamaparrisan dio padang pangallaran.