1 DATU 20:22 - Sura' Madatu

²² Undinnato saemi tu nabi umpennoloi datu to Israel, anna ma’kada nakua: Melo ke mipamatoto’i tu kalemi, ammi tangnga’i sia la mitimbang apa tu la mipogau’, belanna taun pole la sae tu datu Aram ullaoi pole’komi.

1 DATU 20:22 ပူးပေါင်းရင်းမြစ်များ

2 SAMUEL 11:1

Tonna tituka’mo pentaunan, tu biasa nanii datu tassu’, nasuami Daud tu Yoab sia mintu’ surodadunna sia mintu’ to Israel male ussanggang to Amon sia umpatama limbu tondok Raba. Apa iatu Daud torro dio Yerusalem.

1 DATU 19:10

Mebalimi nakua: Lendu’ tongan malallangna penaangku ungkilalai PUANG, Kapenombanna mintu’ ma’dandan maritik, belanna naboko’i mintu’ to Israel tu basseMi sia narondonni tu mintu’ inan pemalaramMi sia napatei pa’dang tu mintu’ nabimMi, na aku mannamo tinampe sia undaka’mo lalan la ungka’tu sunga’ku.

1 DATU 20:13

Pakalan anna sae tu misa’ nabi umpentireke’i Ahab, datu to Israel, nama’kada nakua: Inde sia tu kadanNa PUANG: Mutiromoraka tu to buda mamak bang? Manassa allo iate Kusorongi tama limammu, ammu issanni kumua Akumo tu PUANG.

1 DATU 20:21

Tassu’mi tu datu to Israel anna sanggangi tu ba’tu pira-pira darang sia kareta, sia papatean tongan dio lu to Aram.

1 DATU 20:26

Iatonna taun pole’ to, napasakka’mi Benhadad tu mintu’ to Aram, anna ke’de’ lako Afek la sirari to Israel.

1 DATU 20:38

Malemi tu nabi iato, anna bendan dio lalan untayan datu, sia nabalili tu rupanna umbimbin matanna.

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

2 DATU 6:12

Nakuami tu misa’ to mase’ponna: Tae’ nasusito, puangku datu, sangadinna Elisa nabi dio Israel umpokadanni datu Israel tu mintu’ kada mipokada, moi nalan inan kamammarammi minii umpokadai.

1 OSSORANNA DATU 20:1

Iatonna taun pole’omo, tu attu nanii datu biasa tassu’ parari, narampunmi Yoab tu mintu’ surodadunna sia nasolan la parari, anna sanggangi tu tondokna to Amon; iatonna mangkato malemi anna patama limbui tu Raba, apa iatu Daud torro dio Yerusalem. Natalomi Yoab tu kota Raba, nasanggangi.

2 OSSORANNA DATU 25:11

Umpabatta’mi kalena tu Amazia, nasolammi tu surodadunna lako Lombok-Ma’sin, napatei tu to Seir sangpulo sa’bu.

2 OSSORANNA DATU 25:8

Apa male bangmokomi, pogau’mi tu iannato, pabatta’i tu kalemi parari: manassa Puang Matua la umbambangangkomi dio tingayona uali, belanna kuasa tu Puang Matua patunduan sia kuasa duka pabambangan.

PA’PUDIAN 27:14

Peagimi tu PUANG, melo ke batta’ko, sia kalebu penaammu. Sia peagimi tu PUANG.

SARAMBU PEADA’ 18:10

Iatu sanganNa PUANG sangtinti to menara matoto’; iatu to malambu’ mallai lako natang matumba-tumba dio.

SARAMBU PEADA’ 20:18

Mintu’ tanan penaa dipalalo tete dio pa’timbangan, iamoto timbang melomi mumane lao parari.

YESAYA 26:11

O PUANG, tie’te’ tu limamMi, apa tae’ anna mengkilala; apa la mengkilala sia masiri’ diona kamakaritutuamMi lako bangsa iato. Ondongpi iatu api ungkande to umbaliKomi, la ungkande duka tau iato mai.

YESAYA 42:8

Akumo tu PUANG, iamoto tu sangangKu sia kamala’birangKu tae’ angKu benni to senga’, sia iatu kadipudiangKu tae’ angKu palulakoi rapang-rapang dipodeata dipa’.

YESAYA 8:9

Maparrangkomi palaoan, e kamu mintu’ bangsa, nake disabu’ikomi; patananni talinga e kamu to randan langi’; selle’i tu la’bo’mi, nake disabu’ikomi; selle’i tu la’bo’mi, nake disabu’ikomi.

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.