1 DATU 20:13 - Sura' Madatu

¹³ Pakalan anna sae tu misa’ nabi umpentireke’i Ahab, datu to Israel, nama’kada nakua: Inde sia tu kadanNa PUANG: Mutiromoraka tu to buda mamak bang? Manassa allo iate Kusorongi tama limammu, ammu issanni kumua Akumo tu PUANG.

1 DATU 20:13 ပူးပေါင်းရင်းမြစ်များ

2 SAMUEL 10:13

Tassu’mi lako tingayo tu Yoab sia mintu’ tu surodadu nasolan la sirari to Aram, anna mallai tu to Aram dio mai tingayona.

1 DATU 18:39

Iatonna tiroi to buda tu iannato, tukkumi sae rokko padang, nama’kada nakua: PUANG, Iamo Kapenomban, PUANG, Iamo Kapenomban.

1 DATU 20:14

Ma’kadami tu Ahab nakua: Mindara? Nakuami tu nabi: Inde sia tu kadanNa PUANG: Iamotu mai pia muane arungna lembang. Mekutanaomi tu datu nakua: Mindara tu la umparandukki ullaoi dolo? Mebalimi nakua: Kamu.

1 DATU 20:22

Undinnato saemi tu nabi umpennoloi datu to Israel, anna ma’kada nakua: Melo ke mipamatoto’i tu kalemi, ammi tangnga’i sia la mitimbang apa tu la mipogau’, belanna taun pole la sae tu datu Aram ullaoi pole’komi.

1 DATU 20:28

Saemi tu taunNa Puang Matua mennolo nama’kada lako datu to Israel, nakua: Inde sia tu kadanNa PUANG: Belanna nakua tu to Aram, kumua iatu PUANG iamo Kapenomban dao lu buntu, tangia ia Kapenomban dio lu merrantena, iamoto angKu sorongi tu to buda tu mamak bang tama limammu, ammi issanni kumua Akumo tu PUANG.

2 DATU 13:23

Apa Nakarimmanni PUANG tu tau iato mai sia Nakamasei, anna pessailei belanna basseNa sola Abraham, Ishak na Yakub; tae’ Namorai ussanggangi sia tae’pa Nasualei tu tau iato mai dio mai oloNa.

2 DATU 3:18

Iate penggauran iate bitti’pa dio pentiroNa PUANG, iatu la ma’iringanna iamotu la ussorong Moab tama kuasammi.

2 DATU 7:1

Attu iato ma’kadami tu Elisa nakua: Perangii te kadanNa PUANG. Inde sia tu kadanNa PUANG nakua: Masiang susite, iatu ta’pung melo sangsea misa’ sikele’ allinna sia duang sea dalle sisikan misa’ sikele’ allinna dio to’ babangan Samaria.

2 OSSORANNA DATU 20:15

nama’kada nakua: Perangii, e mintu’ to Yehuda sia pa’tondokan Yerusalem sia kamu, datu Yosafat! Inde sia tu kadanNa PUANG lako kalemi: Da mimataku’ sia da mitiramban lako tu kaponan surodadu pada budannato, belanna tangia rarimmi to, sangadinna rarinNa Puang Matua.

2 OSSORANNA DATU 20:17

Tae’ mila manggi’ parari lan kasirarian iato: la bendankomi dio inanmi, ammi tiroi tu kapataloan Nakamaseangkomi PUANG. E to Yehuda sia to Yerusalem, da mimataku’ sia da mitiramban; masiang la milaoi tu tau iato mai, belanna PUANG urrondongkomi.

PA’PUDIAN 83:18

Da’ito anna kasirisan tu tau iato mai sia tiramban tontong sae lakona, sia da’ito anna maila’ sia anna sanggang.

KATASSURAN 14:18

La naissan mintu’ to Mesir kumua Akumo tu PUANG, ke umpatarompo’Na Kaleku lako Firaun sia lako mintu’ surodadunna sia mintu’ pakkanarangna.

KATASSURAN 16:12

Kurangimo tu pa’nuku-nukunna to Israel; pokadanni, kumua iate makaroen iate la ungkandekomi duku’, anna masiang melambi’ la dipedia’ikomi roti, ammi issanni, kumua Akumo tu PUANG, Kapenombammi.

YESAYA 37:20

Iamoto, o PUANG, Kapenombangki, lendokangkan dio mai limanna, anna issanni mintu’ kadatuan lan te lino, kumua Kamu mannari, o PUANG, misa-misa tu Puang Matua.

YEHEZKIEL 20:14

Apa Kupalalomo tu penggaurangKu belanna sangangKu, kumua da nadipamatuna dio pentirona mintu’ bangsa, tu dio pentirona Kunii umpatassu’i tu tau iato mai.

YEHEZKIEL 20:22

Sia Kuriu’ sule tu limangKu sia Kupogau’ susito belanna sangangKu, kumua da nadipamatuna dio pentirona mintu’ bangsa, tu dio pentirona Kunii umpatassu’i tu tau iato mai.

YEHEZKIEL 6:7

Iatu to mate la torro tibambang lan lu tangngami, ammi tandai, kumua Akumo tu PUANG.

YOËL 3:17

Sia la miissan, kumua Akumo tu PUANG, Kapenombammi tu unnisung dao Sion, buntu maindanKu, sia Yerusalem la dadi misa’ inan maindan sia tae’mo nala unnolai lendu’ to tama sae.

YOSUA 10:8

Ma’kadami PUANG lako Yosua, Nakua: Da mukataku’i tu tau iato mai, belanna la Kusorong tama kuasammu, moi misa’ tu tau iato tang nasara bendan dio tingayomu.