1 DATU 20:1 - Sura' Madatu

¹ Narampunmi Benhadad, datu to Aram, tu mintu’ surodadunna sia iatu datu duangpulo ntallu nasolan sola darang sia kareta. Ke’de’mi umpatama limbu Samaria, sia sirari pa’tondokanna.

1 DATU 20:1 ပူးပေါင်းရင်းမြစ်များ

1 DATU 15:18

Attu iato naala nasangmi Asa tu mai salaka sia bulaan tu tinampena siapa lan bilik pangnannanna banuanNa PUANG sia iatu lan bilik pangnannanna banuanna datu, anna sorongi lako to mase’ponna, nasuai datu Asa lao umbaai lako Benhadad, anakna muane Tabrimon, anakna muane Hezion, datu to Aram, dio Damsyik, nakua:

1 DATU 15:20

Napasiolami Benhadad tu kadanna datu Asa, anna suai tu pangulu rarinna ullaoi tu mai kota to Israel, natalomi tu kota Iyon sia Dan sia Abel-Bet-Maakha sia lili’na Kinerot sia mintu’ lili’na tondok Naftali.

1 DATU 16:24

Naallimi tu tanete Samaria da’dua talenta salaka dio mai Semer, nabangunni tu kota dao tanete iato, nasangai Samaria, napasikona sanganna Semer, puangna tanete iato.

1 DATU 20:16

Tassu’mi tu tau iato mai tonna ma’tangnga allo, tonna marassan tu Benhadad unno’ko’ mangiru’ samalangona lan tenda sola tu mai datu, tallungpulo ndua, tu to untundui.

1 DATU 20:2

Nasuami tu ba’tu pira-pira to guling lu tama kota, lako Ahab, datu to Israel,

1 DATU 20:24

Melo ke mipogau’i susite: Tassu’i tu mai datu dio mai pangka’na ungkamandangi surodadu ammi angka’i tu to maraa la ussondai.

1 DATU 22:31

Iatu datu Aram, mangkamo umpa’parentanni lako kamandang karetana tallungpulo ndua tau, nakua: Da misirari tu mai to bitti’ ba’tu to kapua, sangadinna ia manna tu datu to Israel.

2 DATU 6:8

Iatu datu Aram sirarimo to Israel. Sipa’kadami datu to Aram tu mintu’ to mase’ponna, nakua: Dio anu la kupannii tu inan surodadungku.

2 DATU 8:5

Marassan naulelean lako datu tu umba nakua umpatuoi sule tu misa’ to mate, pakalan saemi tu baine, tu umpoanakki tu pia napatuo sule, la ma’parapa’ lako datu tu diona banuanna sia pa’lakna. Nakuami tu Gehazi: O puangku datu, iamora te tu baine, na iamote tu anakna, tu napatuo Elisa sule.

EZRA 7:12

Iate sura’ iate lu dio mai Artahsasta, datunna mintu’ datu lako tominaa Ezra, to matarru’ lan mintu’ Sukaran alukNa Puang Matua dao suruga, sia senga’-senga’na.

KATASSURAN 14:7

Sia nabaapa tu annan ratu’ kareta pa’tonno’ sia mintu’ tu kareta senga’ dio tondok Mesir, iatu mintu’nato ganna’ nasang surodadunna.

YESAYA 10:8

Belanna nakua tu kadanna: Tang sibaaraka datu tu mintu’ arungku?

YESAYA 37:24

Tete dio pudukna kalena taummu ammu be’sei tu PUANG, mukua: Kabudanna karetaku angku kendekki tu buntu malangka’ sae langngan bottona Libanon sia kulelleng tu mintu’ garonto’ arasi’ kalandona, sia mintu’ sanoba’ mellongna; sia la rampona’ langngan botto malangka’na sia tama pangala’ tamman makampunna.

YEREMIA 49:27

La Kupadukku tu misa’ api rampe tamanna rinding tembo’ Damsyik, tu la unnimbakan mintu’ tongkonan layukna Benhadad.

YEHEZKIEL 26:7

Belanna inde sia tu kadanNa Puangta PUANG, Nakua: Manassa la Kupake’de’ daa mai tu Nebukadnezar, datu Babel, datunna mintu’ datu, sola darang, kareta, pakkanarang, sia surodadu lumingka buda tongan, sae ullaoi Tirus.

DANIEL 2:37

Kamumo, o datu, datunna mintu’ datu, tu Nakamaseimo Puang Matua dao suruga kadatuan sia kuasa sia kamatotoran sia kamala’biran,

SURA’ KATOMINAAN 26:25

sia la Kuparampoikomi pa’dang, anna pabala’i tu basse mipoka; iammi sirampunmo lan kotami, manassa la Kupasaeangkomi ropu, ammi disorong lako ualimmi.

AMOS 1:4

iamoto angKu la umpasae api tama banuanna Hazael naurungan unnimbakanni tu mintu’ bentengna Benhadad.

PA’TOLE 20:1

Iake la ke’de’ko lao parari ullaoi ualimmu, ammu tiroi tu mai darang sia kareta, iamotu misa’ bangsa mandu buda anna iko, manassa da mukataku’i, belanna iatu PUANG, Kapenombammu, urrondongko, tu ussolangko sun lan mai tondok Mesir.

PA’TOLE 28:52

La naparampoiko kapussakan lan mintu’ kotamu, sae lako rondon tu tembo’ tambakuku malangka’, tu muposande’ lan mintu’ tondokmu. Manassa la naparampoiko kapussakan lan mintu’ kotamu, lan mintu’ tondok tu la Nabenko PUANG, Kapenombammu.

TO PARENGNGE’ 1:7

Ma’kadami Adoni-Bezek, nakua: Pitungpulo tu datu tu dita’takki indo’ taruno limanna sia indo’ taruno lentekna, urruruk kande rondon diong sulluk medaku. Umba susitu penggaurangku lako kalena, susi dukamoto Napapakkanni Puang Matua lako kaleku. Nasolammi tau lako Yerusalem, namate dio.

TO PARENGNGE’ 4:3

Meongli’mi tu to Israel lako PUANG, belanna iatu Sisera iato unnampui kasera ratu’na kareta parari bassi sia napakario-rio tongan tu to Israel situang kamasa’garanna lan duangpulo taunna.

1 SAMUEL 13:5

Iatu mintu’ to Filistin sirampunmo la sirari to Israel; iatu kareta pararinna den tallungsa’bu anna iatu pakkanarangna annan sa’bunna na iatu lumingkanna susito karangan dio biring tasik. Ke’de’mi tu tau iato mai sola nasang, anna pabendan tendana dio Mikhmas rampe matallona Bet-Awen.