1 DATU 2:7 - Sura' Madatu

⁷ Apa iatu mai anakna Barzilai to Gilead, la mutiroan kameloan, sia la sangisungangko sola kumande tu tau iato mai, belanna susito tu tau iato mai tonna sae umpessitammuina’, tongku mallai dio mai kakammu Absalom.

1 DATU 2:7 ပူးပေါင်းရင်းမြစ်များ

KADADIAN 40:14

Apa kilalai siana’, ke torro melomokomi, katuru-turuina’ sia pokada melona’ lako Firaun, ammi patassu’na’ lan mai te banua pa’pattangan.

2 SAMUEL 19:28

Moi anna mintu’ rapunna ambe’ku ussangai, kumua to la napatei nasang puangku datu, natarima dukamo’ puangku tama bilanganna to kumande sola puangku. Apapara la kutuntun sia kupokada lako datu?

2 SAMUEL 9:10

La mukarangan tu pa’lak iato, iko sia anakmu muane sia mintu’ kaunammu, sia la muposara’ tu burana, anna kandei anakna puangmu. Iatu Mefiboset, anakna puangmu, la tontongna’ kumande sola. Iatu Ziba sangpulo lima tu anakna muane, anna duangpulo tu kaunanna.

2 SAMUEL 9:7

Ma’kadami Daud lako kalena nakua: Da mumataku’, belanna inang la umpogau’na’ kamasokanan lako kalemu belanna ambe’mu, Yonatan, la kupasule nasang tu mintu’ pa’lakna nene’mu, sia tontong dukaki’ la kumande sola.

2 DATU 25:29

Naelorammi datu Babel ussondai tu pakean pa’tarungkuanna, sia kumande dio medana datu lan mintu’ katuoanna.

2 DATU 25:30

Sia tontong nabalantai datu pada tu silasanna napake kiallo-kiallo lan mintu’ katuoanna.

EZRA 2:61

sia dio mai mintu’ bati’na to minaa: bati’na Habaya, bati’na Hakos na bati’na Barzilai, tu mangka unnala misa’ baine, bati’na Barzilai, to Gilead, napobainei sia naala tu sanganna tau iato naposangai.

SARAMBU PEADA’ 27:10

Da mutampei tu sangmanemu sia sangmanena ambe’mu, apa da mulese banuanna siulu’mu, ke naruako kamandasan. Mandu melo tu sangbanua mandappi’ na iatu misa’ siulu’ mambela.

YEREMIA 52:33

Naelorammi datu Babel ussondai tu pakean pa’tarungkuanna, sia kumande dio medana datu lan mintu’ katuoanna.

LUKAS 12:37

Maupa’ tu kaunan iato, ke sulei tu puangna, natae’ namamma’ nakarampoi. Manassa nakua kadangKu lako kalemi, ia kalena la ma’tambeke’, nasuai unno’ko’ kumande na ia sae umparakai.