1 DATU 2:6 - Sura' Madatu

⁶ La lolang kinaako, da mueloranni tu ubanna male marampa’ rokko lino to mate.

1 DATU 2:6 ပူးပေါင်းရင်းမြစ်များ

KADADIAN 42:38

Apa nakua tu Yakub: Iate anakku tae’ na la lao sola kamu, belanna iatu kakanna matemo na misa-misa mira totemo; iake matumba-tumbai lako lalan tu la miolainna, manassa la mipatama liang tu ubanku natumang kamapa’diranna penaangku.

KADADIAN 9:5

Tonganna tongan kumua iatu rarami la Kupembalaran, la Kupembalaran lako mintu’ olo’-olo’ sia lako duka tolino, lako mintu’ tolino la Kupembalaran rarana padanna tolino: la Kupembalaran tu sunga’na tolino.

KADADIAN 9:6

Minda-minda umpatibollo rara tolino, la napatibollo duka tolino tu rarana, belanna mangkamo Nakombong Puang Matua tu tolino Napasusi rupanNa.

2 SAMUEL 3:39

Apa totemo malamma’ siapa’ akute, moi angku ditokko dadi datu; tau iato, iamotu anakna Zeruya, mandu masa’ga’ na aku. Na PUANGmora umpakkanni tu to kadake sitinaya kakadakeanna.

1 DATU 2:7

Apa iatu mai anakna Barzilai to Gilead, la mutiroan kameloan, sia la sangisungangko sola kumande tu tau iato mai, belanna susito tu tau iato mai tonna sae umpessitammuina’, tongku mallai dio mai kakammu Absalom.

1 DATU 2:9

Apa totemo da mueloranni tu salana tang diukung belanna misa’ko to kinaa; manassa muissan tu apa sipatu la mugauranni, kumua ammu parokkoi lino to mate tu ubanna sitombang rara.

1 DATU 3:12

manassa la Kupogau’ susitu kadammu; tonganna la Kukamaseangko penaa kinaa sia kamatarrusan, naurunganni tae’ padammu te attu lendu’ sia iate attu mutingayo lako tae’ la bendan tu padammu.

2 DATU 22:20

Manassa la Kupasisolako nene’ to dolomu; la dipatama marampa’ko liangmu, sia tae’ nala untiro lenni matammu tu kasanggangan tu la Kuparampo lako inan iate. Naparampomi tau iato mai lako datu te pebali iate.

PA’PUDIAN 37:37

Palan ara’i tu to sallo’ penaanna sia tiroi tu to bulo lollong, belanna iatu to ungkabarii kamarampasan la membati’.

SARAMBU PEADA’ 20:26

Iatu misa’ datu kinaa unta’pii to tang mekaaluk, sia napalullu’i roda panglulluran.

SARAMBU PEADA’ 28:17

Iatu tau untanggungi rarana tau tu napatibollo, la mallai sae lako panglamunan; da nadampai tau.

TOMANGADA’ 8:11

Belanna tae’ namadomi’ dipaolai ukungan tu penggauran kadake, iamoto na iatu penaanna mintu’na ma’rupa tau morai bang la umpogau’ kadake.

YESAYA 48:22

Iatu to tang mekaaluk, tae’ kamarampasanna, kadanNa PUANG.

YESAYA 57:2

la male situang kamarampasan; iatu to lolang malambu’ la melayo diong dali’ patindoanna.

YESAYA 57:21

Iatu to tang mekaaluk tae’ karapasanna, kadanNa Kapenombangku.

YESAYA 65:20

Iatu pia sumusupa lan tae’mo nala kondi’ sunga’, ba’tu to matua tae’mo tu tang la umpasundun kadadianna, belanna iatu to saratu’mo taunna anna mate, kalollerannapa, moi na iatu to umparri-parri kasalan, saratu’pi taunna namane urruai tampak ropu.

KADIBILANGAN 35:33

Susimoto da’ mipakasarembanganni tu tondok minii ma’tondok, belanna iatu rara umpakasarembangan tondok, sia tae’ nama’din dipadenan kadiseroian kasalan tu tondok diona rara tu dipatibollo lan tondok iato, sangadinna tete dio rarana to mangkamo umpatibollo rara iato.