1 DATU 2:4 - Sura' Madatu

⁴ Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

1 DATU 2:4 ပူးပေါင်းရင်းမြစ်များ

KADADIAN 17:1

Iatonna ganna’mo kasera pulona ngkasera taunna tu Abram, ombo’mi tu PUANG lako kalena, sia ma’kada Nakua: Akumo Kapenomban Umpoissan angge maritik; la lolangko dio oloKu sia la lantuk tu penaammu.

KADADIAN 18:19

Belanna mangkamo Kuturo ta’ba, dikua anna patudui tu mai anakna sia bati’na, la ungkaritutui lalanNa PUANG, la umpogau’ kamaloloan sia kamalamburan anNa palanda’i PUANG lako kalena tu apa mangka Napokadanni.

2 SAMUEL 7:25

Totemo, o PUANG Kapenomban, iatu kada tu mangka Mipokada diona te taumMi sia diona bati’na, pabantangi tontong sae lakona, ondongpi parampo randannai susitu kadamMi.

1 DATU 1:48

Sia ma’kada tu datu susite nakua: Mintu’ kadipudian lu langngan nasang PUANG, Kapenombanna to Israel, tu allo iate umpa’kamasean misa’ to unnisungi kapayungangku, tu natiro kalenamo matangku.

1 DATU 11:36

Anna misa’ suku tu la Kuben anakna, kumua anna iatu Daud, taungKu, tontong unnampui misa’ palita dio oloKu lan Yerusalem, iamotu kota mangka Kupilei langsa’ la tontong Kupannii sangangKu.

1 DATU 3:14

Sia iake lolangko unnola lalanKu sia mukaritutui tu mintu’ apa Kupondok sia mintu’ pepasanKu susi kalolanganna Daud, ambe’mu, manassa la Kupamalambe’ tu sunga’mu.

1 DATU 3:3

Sia napapayan Salomo tu kamamaliranna lako PUANG diona unturu’ apa napondok Daud ambe’na; apa dao bangpa inan madao nanii memala’ sia untunu pemala’ ditunu pu’pu’.

1 DATU 6:12

Iate banua mupabendan, ke lolangko unturu’ mintu’ apa Kupondok, sia umpogau’i tu mintu’ atorangKu sia ungkaritutui tu mintu’ pepasanKu ammu pengkaolai, manassa la Kupamatua tu kadangKu lako kalemu, tu mangka Kupokada lako Daud, ambe’mu,

1 DATU 8:23

Sia ma’kada nakua: O PUANG, Kapenombanna to Israel, tae’ tu Kapenomban senga’ sangadinna Kamu manna, la lan langi’ dao la dao kuli’na padang diong, tu umpalanda’ basseMi sia kamasokanamMi lako taumMi, tu lantuk penaanna lolang dio oloMi.

1 DATU 8:25

Na totemo, o PUANG, Kapenombanna to Israel, palanda’mi tu apa mangka Mipokada lako taumMi Daud, ambe’ku, kumua: Tae’ anna ka’tu len tu bati’mu dio oloKu la unnisungi isungan kapayunganna Israel, podo ke ungkaritutui lalanna tu anakmu muane sia lolang dio oloKu susi kalolangammu dio oloKu.

1 DATU 9:5

manassa la Kupabantang tu isungan kadatuammu umparenta to Israel tontong sae lakona, susitu kadangKu lako Daud, ambe’mu, kumua: tae’ len nala ka’tu dio mai kalemu tu misa’ tau tu la unnisung dao kapayunganna Israel.

2 DATU 20:3

nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

2 DATU 23:25

Dolona na iate datu iate tae’ tu misa’ datu ponno penaanna sia deatanna sia kamatotoranna mengkara’pa susito lako PUANG, unturu’ mintu’ sukaran alukna Musa; sia undinna na datu iate tae’mo bu’tu tu sangtende’na.

2 DATU 23:3

Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

2 OSSORANNA DATU 17:3

Narondong PUANG tu Yosafat, belanna unturu’ bang mintu’ bate lalan dolona Daud, nene’ to dolona; sia tae’ nadaka’i tu mintu’ Baal,

2 OSSORANNA DATU 6:16

Na totemo, o PUANG, Kapenombanna to Israel, palanda’mi tu apa mangka Mipokada lako taumMi Daud, ambe’ku, kumua: Tang ka’tu tu bati’mu dio oloKu la unnisungi kapayunganna Israel, podo ke ungkaritutui lalanna tu anakMu muane sia unturu’ Sukaran alukKu susi kalolangammu dio oloKu.

2 OSSORANNA DATU 7:18

manassa la Kupabantang tu isungan kadatuammu, susitu Kuallu’ lako Daud, ambe’mu, kumua: tang la ka’tu dio mai kalemu tu misa’ tau la umparenta to Israel.

PA’PUDIAN 119:9

Umba la nakua ungkaritutui gau’na tu to mangura anna masero? Iapi ke nakaritutui susitu kadamMi.

PA’PUDIAN 37:22

Manassa iatu to Napassakke Puang la umpomana’i tu padang iato, apa iatu to Natampakki ropu la dipisanni.

PA’PUDIAN 37:9

Belanna iatu to umpogau’ kakadakean la dipisanni, apa iatu to umposande’ PUANG, iamo la umpomana’i tu padang iato.

PA’PUDIAN 39:1

Lu lakona pangala sengo; lako Yedutun. Pa’pudianna Daud.

YEREMIA 33:17

Belanna nakua kadanNa PUANG: Tae’ nala ka’tu len dio mai Daud tu misa’ tau tu la unnisung dao isungan kapayunganna to Israel;

SURA’ KATOMINAAN 26:3

Iake mituru’i tu mintu’ aluk Kupondok sia mikaritutui tongan tu pepasanKu,

ZAKHARIA 14:2

Attu iato la Kurampun tu mintu’ bangsa urrarii Yerusalem; iatu mai kota la ditalo, iatu mai banua la dipangrampai sia iatu mai baine la diparuku digau’ sala. Sesena tu pa’tondokan la male dipali’, apa iatu torronapa tu to buda tae’ nala disabu’i lan mai kota iato.

MATIUS 22:37

Nakuami Yesu lako: La ponno penaammu sia mintu’ tangnga’mu sae lako deatammu la ungkamali’ Puang Kapenombammu.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

PA’TOLE 10:12

E to Israel, apara Natuntun PUANG, Kapenombammu, dio mai kalemu, sangadinna la mukasiri’ tu PUANG, Kapenombammu, unturu’i tu mintu’ lalanNa, sia la mukamali’, sia ponno penaammu sia kalebu deatammu umpenombai tu PUANG, Kapenombammu,

PA’TOLE 11:13

Iake miperangii tonganni tu pepasan, tu kupapassanangkomi totemo, miurungan ungkamali’i tu PUANG, Kapenombammi, sia ponno penaammi sia kalebu deatammi umpengkaolai:

PA’TOLE 6:5

La ponno penaammu sia mintu’ deatammu sola mintu’ kamatotorammu la ungkamali’ PUANG, Kapenombammu.

PA’TOLE 7:12

La dadi tu iannato, ke miperangii te atoran sia mikaritutui tongan, tu Napobannang PUANG, Kapenombammu untoe manda’i tu basse mutanan sola sia umpalanda’i tu kamasoka- nanNa, tu Naallu’ lako nene’ to dolomu, tu Napamatoto’ Napalaoi sumpa.

YUDAS 1:24

Na lako Puang, tu kuasa ungkarimmannikomi dio mai katitodoan, anNa popennolo tang sayuangkomi dio olo mala’bi’Na, situang kaparannuan kapua,