1 DATU 2:32 - Sura' Madatu

³² La Napasulean PUANG tu rarana dao botto ulunna, belanna mangka umba’ta sia umpatei pa’dang tu da’dua to malambu’ sia melo anna ia, tu tang naissan ambe’ku Daud, iamotu Abner, anakna Ner, pangulu rarinna to Israel sia Amasa, anakna Yeter, pangulu rarinna to Yehuda.

1 DATU 2:32 ပူးပေါင်းရင်းမြစ်များ

KADADIAN 4:11

Iamoto nasallamoko padang, tu mangka menganga untimang rarana adimmu dio mai limammu.

KADADIAN 42:22

Mebalimi Ruben nakua: Tangkupokadan rokomika kukua: Da mipogau’ kasalan lako te to mangura! Apa tae’ mimorai umperangii; iamoto tiromi: totemo dituntun tu bala’na rarana!

KADADIAN 9:6

Minda-minda umpatibollo rara tolino, la napatibollo duka tolino tu rarana, belanna mangkamo Nakombong Puang Matua tu tolino Napasusi rupanNa.

2 SAMUEL 1:16

Nakuami Daud lako: Iatu raramu ma’indo’ dio iko kalemu, belanna pudukmu kalena ussa’biiko, nakua: umpateina’ to Natokko PUANG.

2 SAMUEL 17:25

Naangka’mi Absalom tu Amasa kamandang surodadu ussonda Yoab. Iatu Amasa anakna misa’ tau disanga Yitra, to Ismael, tu umpobaine Abigal, anakna Nahas, sangbainena Zeruya, indo’na Yoab.

2 SAMUEL 3:29

Iatu rara iato nata’pa daomora ulunna Yoab sia mintu’ rapunna. Lan banuanna Yoab tang la ka’tu tau nakasunni rara sia golenan sia kupi’ anna ma’tekken sia nakande pa’dang sia karorian.

2 SAMUEL 3:37

Allo ia dukato naissanmi mintu’ to buda sia mintu’ to Israel, kumua iatu Abner, anakna Ner, dipatei tangia pesuanna datu.

2 SAMUEL 3:39

Apa totemo malamma’ siapa’ akute, moi angku ditokko dadi datu; tau iato, iamotu anakna Zeruya, mandu masa’ga’ na aku. Na PUANGmora umpakkanni tu to kadake sitinaya kakadakeanna.

2 SAMUEL 4:11

Ondong pissan totemo to bulituk mangkamo umpongko misa’ to malambu’ lan tongkonan layukna dao patindoanna, tang sipaturaka kutuntun tu pakkan rarana dio mai limammi sia kusabu’ikomi dao mai kuli’na padang?

1 DATU 2:44

Sia nakuapa tu datu lako Simei: Muissan duka sia tu mintu’ kakadakean – lan duka sia penaammu – tu mugauran ambe’ku Daud; totemo la Napasule PUANG langngan ulummu tu mintu’ kakadakeammu.

1 DATU 2:5

Muissan dukai tu apa nagauranna’ Yoab, anakna Zeruya, iamotu apa nagauran da’dua pangulu rari to Israel, diona Abner, anakna Ner na Amasa, anakna Yeter, tu umba napakuanni umpatei sia napatibollo tu rarana susito lan tananan ra’, moi anna attu kasitaman, natombangmi rara iato tu salipi’na lan aakna sia sepatunna lan lentekna.

1 DATU 8:32

la Miperangii dao mai suruga, sia Mipogau’i to sia la Mipaolai salunna tu taumMi, amMi pasalai tu to sala sia Mipasule langngan botto ullunna tu penggauranna, amMi sanda-tonganni tu to tongan sia Mipapakkanni sitinaya kamalamburanna.

2 OSSORANNA DATU 21:13

sangadinna unturu’ko bate lalanna tu mai datu Israel, sia unnada’i to Yehuda sia pa’tondokan Yerusalem umpenombai deata susito lan tongkonan layukna Ahab, ondongpi belanna mupatei duka tu mintu’ siulu’mu, tu musangamberan, tu mandu melo na iko, –

2 OSSORANNA DATU 21:14

manassa la Naparampoi PUANG kamandasan tu bangsamu sia mintu’ anakmu muane sia mintu’ bainemu, sia mintu’ iananmu;

ESTER 1:19

Iamoto iake napasiolai puangku, la tassu’ tu misa’ parenta dio mai olona puangku, anna disura’ tu parenta iato lan atoran to Persia sia to Media, tu tang ma’din diriu’ sule, kumua iatu Wasti tae’mo nama’din umpennoloi datu Ahasweros sia iatu kamala’biranna la napa’kamasean puangku lako to senga’, tu mandu melo na ia.

PA’PUDIAN 7:16

Umbo’bokmo patuang lambe’, namukkun ussindungi; apa ia kalena tobang rokko tu patuang nagaraga.

PA’PUDIAN 7:17

Iatu kakadakean la tibalik langngan botto ulunna, sia iatu pa’pakario-riona la unta’pai passaronganna.

YEHEZKIEL 17:19

Iamoto, kadanNa Puangta PUANG: la lelukraka tuoKu, iatu sumpa disa’bu’ tete dio sangangKu, tu napamatuna sia iatu basse ditanan tete dio sangangKu, tu napoka, la Kupasule langngan ulunna.

KADIBILANGAN 32:23

Apa iake tae’i mipogau’i susito, manassa kasalangkomi lako PUANG, sia la miissan, kumua iatu kasalammi la sule langan botto ulummi.

TO PARENGNGE’ 9:24

kumua anna dipapakkanni tu pa’pakario-rio, tu diparampo lako pitungpulo anakna muane Yerubaal, iamotu kadipatibolloanna rarana, belanna Napasule Puang langngan botto ulunna Abimelekh, siulu’na, tu mangkamo umpatei sia Napopa’indo’ duka langngan botto ulunna to Sikhem, tu patunduan umpatei siulu’na Abimelekh.

TO PARENGNGE’ 9:57

Sia ia duka tu mintu’ kakadakeanna to Sikhem Napasule nasang Puang Matua langngan botto ulunna. Susimoto tu pa’tampak ropunna Yotam, anakna muane Yerubaal dipalanda’ lako tau iato mai.

1 SAMUEL 15:28

Nakuami Samuel lako: Allo ia dukate, anNa alai PUANG tu kadatuan Israel dio mai kalemi, Nakamaseanni to senga’ tu melo anna kamu.