1 DATU 2:3 - Sura' Madatu

³ Sia pogau’i tu mintu’ Natuntunna PUANG, Kapenombammu: iamotu unturu’ lalanNa sia ungkaritutui mintu’ apa Napondok sia pepasanNa sia atoranNa sia pangadaranNa, susitu mintu’ apa disura’ lan sukaran alukna Musa, ammu palolang marampa’i tu mintu’ apa mupogau’ sia mintu’ apa mukarang.

1 DATU 2:3 ပူးပေါင်းရင်းမြစ်များ

2 SAMUEL 8:14

Sia napao’ko’i surodadu ma’kampa lan tu Edom; lan mintu’ tondok Edom napao’ko’i surodadu ma’kampa, naurunganni lumbang baka direngnge’ tu mintu’ to Edom lako Daud. Susimoto tu PUANG ungkamasei Daud kapataloan umba-umba nanii male.

2 SAMUEL 8:6

Sia napao’ko’imi Daud surodadu ma’kampa lan tu ba’tu pira-pira tondok dio Aram lili’na Damsyik, anna lumbang baka direngnge’ tu to Aram lako Daud sia umbaya’ sima. Susimoto tu PUANG ungkamasei Daud kapataloan umba-umba nanii male.

1 DATU 3:3

Sia napapayan Salomo tu kamamaliranna lako PUANG diona unturu’ apa napondok Daud ambe’na; apa dao bangpa inan madao nanii memala’ sia untunu pemala’ ditunu pu’pu’.

2 DATU 18:7

Iamoto Narondongi PUANG; umba-umba tu nanii male, inde to nanii maupa’. Nabalimo tu datu Asyur sia tae’mo napengkaolai.

1 OSSORANNA DATU 29:19

Sia kamaseanni anakku Salomo tu penaa bulo lollong la ungkaritutui tu pepasanMi sia pangadaramMi sia iatu apa Mipondok sia la unturu’i tu mintu’na sia la umbangunni tu tambakuku, tu kupasakka’mo oonganna.

PA’PUDIAN 119:111

Mintu’ kasa’biamMi kualamo kupokataanan matontongan, belanna naposende penaangku.

PA’PUDIAN 119:138

Iatu kasa’biamMi Mipalao situang kamaloloan sia kamarurusan tongan.

PA’PUDIAN 119:2

Maupa’ mintu’ to unnanna rara’i tu kasa’bianNa, sia to kalebu tallang penaanna undaka’ Puang.

PA’PUDIAN 19:7

Iatu kadellekanna dio mai randan langi’, sia kamenggulilinganna landa’ lako randan sangbalinna, na moi misa’ apa tae’ kalalunan dio mai kamapannanganna.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

SURA’ KATOMINAAN 8:35

La torrokomi dio to’ ba’ba Tenda Kasitammuan la allona la bonginna lan to pitung allo, sia la ungkaritutuikomi atoranNa PUANG, da mimate, belanna susimoto tu dipepasanan lako kaleku.

MALEAKHI 4:4

La mikilalai tu Sukaran alukna Musa, taungKu, tu Kupokadanni dao Horeb, anna karitutui mintu’ to Israel, iamotu apa dipondok sia atoran.

PA’TOLE 29:8

sia tarampa tu tondokna, anta benni Ruben, Gad sia sangsese suku Manasye, la napotaa.

PA’TOLE 29:9

Karitutui tonganni tu kada basse iate, ammi maupa’ umpalanda’i tu apa mipogau’.

PA’TOLE 4:1

Totemo, e to Israel, perangii te aluk dipondok sia atoran tu kuadarangkomi, kumua ammi turu’i, ammi tuo sia male tama tondok sia mipoapai, tu la Nabenkomi PUANG, Kapenombanna nene’ to dolomi.

PA’TOLE 4:45

Iamote tu apa dipamanassa, aluk dipondok sia atoran, tu mangka napokada Musa lako to Israel dio kalingkanna, tonna tassu’ lan mai Mesir,

PA’TOLE 4:5

Manassa mangkamokomi kuada’i tu aluk dipondok sia atoran, susitu mangka Napasan PUANG, Kapenombangku, lako kaleku, kumua ammi pogau’i susito lan tondok, tu la miala, mipoapai.

PA’TOLE 4:8

Sia bangsa kapua umbara, tu unnampui aluk dipondok sia atoran susi malambu’na mintu’ sukaran aluk iate, tu kupa’perangian lako kalemi totemo?

PA’TOLE 5:1

Natambai Musa tu mintu’ to Israel, sirampun nama’kada lako nakua: Perangii, e to Israel, tu aluk dipondok sia atoran, tu kupa’perangian allo iate, kumua ammi pelada’i sia mikaritutui.

YOSUA 22:5

Ia manna la mikaritutui tongan tu pepasan sia Sukaran aluk, tu napasan Musa, taunNa PUANG, lako kalemi, kumua la mikamali’ tu PUANG, Kapenombammi, la mituru’ tu mintu’ bate lalanNa, sia la mikaritutui tu mintu’ pepasanNa, sia la la’ka’komi lako Puang, sia la ponno penaammi sia deatammi umpengkaolai.

YOSUA 23:6

Iamoto la mipabatta’ tongan tu penaammi ungkaritutui sia unturu’i tu mintu’ apa disura’ lan sura’ Sukaran alukna Musa, da misepang lako kanan ba’tu kairi.

1 SAMUEL 18:14

Iatu Daud maupa’ dio lu mintu’ lalanna, belanna Narondong PUANG.

1 SAMUEL 18:30

Ianna tassu’ tu mintu’ datu to Filistin, ke tassu’oi tu tau iato mai, inang Daud tu mandu maupa’ na iatu mintu’ taunna Saul, naurungan mandu dipakala’bi’ tu sanganna.

1 SAMUEL 18:5

Ianna tassu’ male tu Daud, ke nasuaoi Saul, tontong bang patalo; iamoto anna angka’i Saul pangulu surodadu. Na iatu iannato naala penaanna to buda sia mintu’ to naala parea Saul.