1 DATU 2:29 - Sura' Madatu

²⁹ Napokadami tau lako datu Salomo kumua iatu Yoab mallai tama tendaNa PUANG, nabendan dio sa’de inan pemalaran. Nasuami Salomo tu Benaya, anakna Yoyada, nakua: Maleko ammu ba’tai.

1 DATU 2:29 ပူးပေါင်းရင်းမြစ်များ

2 SAMUEL 8:18

na iatu Benaya, anakna Yoyada, pangulunna to Kreti sia to Pleti sia iatu anakna muane Daud iamo to minaa.

1 DATU 2:25

Nasuami datu tu Benaya, anakna Yoyada, umba’tai anna mate.

1 DATU 2:30

Malemi tu Benaya tama to’ tendaNa PUANG, nama’kada lako Yoab nakua: Nakua kadanna datu: Tassu’ko. Mebalimi nakua: Tae’, la’bi’ mate indena’ te. Naparampomi Benaya tu kada iate lako datu, nakua: Susite tu kadanna Yoab sia susimote tu nabalianna’.

1 DATU 2:31

Nakuammi datu: Pogau’mi susitu kadanna, ba’tai ammu lamunni, ammu sapui dio mai kaleku sia dio mai tongkonan layukna ambe’ku tu rara to tang sala tu napatibollo Yoab.

1 DATU 2:46

Nasuami datu tu Benaya, anakna Yoyada, anna male umba’tai tu Simei, naurunganni mate. Dipabantangmi tu kadatuan tete dio limanna Salomo.

KATASSURAN 21:14

Apa iake denni tau umpogau’ kadake la ussanggangi padanna ma’rupa tau sia natangnga’ la umpatei, sipatu la miala moi nadio mai to’ pemalarangKu, anna dipatei.

SARAMBU PEADA’ 28:17

Iatu tau untanggungi rarana tau tu napatibollo, la mallai sae lako panglamunan; da nadampai tau.

YEHEZKIEL 9:6

Iatu mai to matua, pia muane, anak dara, pia’-pia’ sia baine manassa la mipatei sia misanggang; apa moi misa’ tu tau den tandana da mirumbui: manassa la miparanduk dio to’ inan maindanKu. Naparandukmi tau iato mai dio lu muane, iamotu mai pekaamberan, tu dio tingayo Banua Kabusungan.

1 PETRUS 4:17

Belanna nalambi’mo attunna tu to lan banuanNa Puang Matua randuk dipaolai salunna, apa iake kita te tu nanii randuk, apara katampakanna tu mintu’ to tang unturu’ Kareba-kaparannuanNa Puang Matua?