1 DATU 2:2 - Sura' Madatu

² La malemo’ unnola lalanna mintu’ issinna lino, iamoto la batta’ko sia la tenko misa’ muane.

1 DATU 2:2 ပူးပေါင်းရင်းမြစ်များ

2 SAMUEL 10:12

La baraniko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

2 SAMUEL 12:23

Apa totemo matemo tu pia, apapa gai’ku la ma’puasa? Ma’dinraka la kuala pole’opa sule? Tonganna akumira la male lako, apa ia tae’mo nala sule lako kaleku.

1 DATU 3:7

Na totemo, o PUANG, Kapenombangku, Kamu Kalenamo unnangka’i datu te taumMi ussonda ambe’ku Daud, moi angku misa’ to mangura; tang kuissanpa tu torro ke’de’ku.

1 OSSORANNA DATU 22:13

Manasa la maupa’ko, ke muingaranni sia mukaritutui tonganni tu mintu’ apa mangka Napondok PUANG sia mintu’ atoran, mangka Napasan PUANG lako Musa, anna papassananni to Israel. La batta’ko sia la baraniko; da mumataku’ sia da mutiramban.

1 OSSORANNA DATU 22:16

iamotu mai pareanan bulaan, salaka, tambaga sia bassi. La muparandukmo mukarang! Na PUANGmora urrondongko.

1 OSSORANNA DATU 28:10

Pengkilalai meloi kumua Natonno’ko PUANG la umbangun misa’ banua dipoinan maindan; pabatta’i tu penaammu sia pogau’i to.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

AYUB 16:22

Belanna sidi’ bangri tu taun la sae, angku olai tu lalan, tu tae’ angku la unnolai sule.

AYUB 30:23

Ondongpi kuissan, kumua Puang ussolanna’ lako kamatean, lako to’ inan kasirampunanna mintu’ apa kepenaa.

PA’PUDIAN 89:48

Kilalai kumua tumba madenge’na tu sunga’ku, tumba torro salana tu kaungkombongamMi rupa tau?

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

1 KORINTUS 16:13

Mareakomi, tontongkomi tumanan umposissarean kapatonganan, umpapiamuanekomi kalemi, sia mawatangkomi.

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.

PA’TOLE 31:23

Sia Napasan Puang tu Yosua, anakna Nun, nakua: La matoto’ko sia barani, belanna ikomo la ussolanni tu to Israel tama tondok, tu mangka Kualluranni Kupalaoi sumpa, sia Aku la urrondongko.

1 TIMOTIUS 4:12

Da naden tau untunaiko belanna mangurako, sangadinna la dadiko misa’ sangka’ to ma’patongan, la diona buangan kada, la diona gau’, la diona pa’kaboro’, la diona kapatonganan ba’tu kamaseroan.

2 TIMOTIUS 2:1

Iamoto, e anakku, mananna’ko lan pa’kamasean tete dio Kristus Yesu.

IBRANI 9:27

Susitu tolino manassamo den pissan nala mate, namangkato namane dipaolai salunna,

YOSUA 23:14

Manassa aku te la sulena’ umpolalan lalan malute, tu naola mintu’ to lino; iamoto la kalebu penaammi sia deatammi unnakui, kumua moi sangbuku kada tae’ tang dadi tu mintu’ pangallu’ melo tu Napokadangkomi PUANG Kapenombammi. Mintu’na to dadi nasangmo lako kalemi. Iatu mintu’nato moi misa’ tae’ tang dadi.