1 DATU 19:8 - Sura' Madatu

⁸ Millikmi anna kumande sia mangiru’ na kande iate napomatoto’ lumingka patangpulo allona patangpulo bonginna sae lako buntunNa Puang Matua, iamotu Horeb.

1 DATU 19:8 ပူးပေါင်းရင်းမြစ်များ

1 DATU 17:6

Saemi kaduaya umbanni roti sia duku’ ke melambi’, susi dukato nabaan roti sia duku’, ke makaroen, anna uai salu nairu’.

1 DATU 19:7

Sae pole’omi tu malaeka’Na PUANG tonna ma’penduan, anna remme’i sia ma’kada nakua: Millikko kumande, kopako manii, belanna mambelapa tu lalanmu.

KATASSURAN 19:18

Mintu’ tu buntu Sinai merambu, belanna songlo’mo tu PUANG lan api sae dao, anna kendek tu rambunna, susi rambu dapo’ sia lendu’ tigega’na tu mintu’ buntu iato.

KATASSURAN 24:18

Malemi tu Musa tama gaun iato, nakendek langngan buntu; anna torro dao buntu iato patangpulo allona patangpulo bonginna.

KATASSURAN 3:1

Iatu Musa ullaai bembe’ sia dombana Yitro, matusanna, to minaa dio Midian. Den pissan tonna baai tu bembe’ sia dombana ullendu’i padang pangallaran, rampomi lako buntunNa Puang Matua, disanga Horeb.

KATASSURAN 34:28

Torromi tu Musa dao sola PUANG patangpulo allona patangpulo bonginna, tang ungkande roti sia tang unniru’ uai; Nasura’mi PUANG dao papan tu mintu’ kada basse, iamotu Sangpulo Kada.

KATASSURAN 4:27

Ma’kadami PUANG lako Harun, Nakua: Maleko sitammu Musa lako padang pangallaran. Malemi naappa’i dio taneteNa Puang Matua, anna udungi.

DANIEL 1:15

Iatonna upu’mo sangpulo allona natiromi kumua mandu maelo ia tu rupanna sia malompo tu kalena tau iato mai anna iatu mintu’ to mangura ungkande kandena datu.

MATIUS 4:2

Iatonna patangpulomo allona patangpulo bonginna Nanii ma’puasa, katampakanna tangdia’mi.

MARKUS 1:13

Patangpulo allona dio tu padang pangallaran naroso deata bulituk anNa sisola bang olo’-olo’ masuru, sia malaeka’ ungkamayai.

LUKAS 4:2

Narosomi deata bulituk patangpulo allona. Iato lan mintu’na allo iato tae’ bang apa Nakande. Iatonna lendu’mo tu allo iato mane tangdia’ri.

2 KORINTUS 12:9

Nakuami ungkuanna’: Silasamo tu pa’kamaseangKu lako kalemu, belanna dipasundun lan kalanggaran tu kamatotorangKu. Iamoto kula’biran ussattuan kalanggarangku, anna torroina’ tu kamatotoranNa Kristus.

PA’TOLE 9:18

Pakalan tukkumo’ menomba dio oloNa PUANG, susitu dolona, patangpulo allona patangpulo bonginna – tang ungkande roti sia tang unniru’ uai – belanna mintu’ kasalan mipogau’, iamotu umpogau’komi apa kadake dio pentiroNa PUANG, sia umpa’dikki penaanNa.