1 DATU 19:4 - Sura' Madatu

⁴ Apa iatu ia, misa-misa male lako padang pangallaran, lan kalingkan sangallo, narampo unno’ko’ lako to’ garonto’ roten, anna kabariimi tu la mate sia nakua: Lendu’ masangku totemo! Alami tu sunga’ku, o PUANG, belanna iate aku tae’ angku mandu melo na iatu mai to doloku.

1 DATU 19:4 ပူးပေါင်းရင်းမြစ်များ

1 DATU 13:14

Narundu’imi tu taunNa Puang Matua, nalambiranni unno’ko’ diong garonto’ tarpin; anna kuai lako: Kamumoraka tu taunNa Puang Matua, tu sae dio mai Yehuda? Nabalimi, nakua: Akumo.

1 DATU 19:3

Iatonna issanmi Elia tu iannato, ke’de’mi anna male umpallaian kalena, narampo lako Bersyeba, lili’na Yehuda, anna patorroi dio tu taunna.

1 DATU 19:5

Umbambangammi kalena, anna mamma’ diong to’ garonto’ roten. Ta’kala denmi misa’ malaeka’ urremme’i nama’kada nakua: Millikko, kumande.

2 DATU 2:11

Iatonna marassan lumingka sipa’ulelean, ta’kala denmi misa’ kareta api sola darang api umpasisarakki sola duai. Susimoto tu kakendekanna Elia langngan suruga naputu’ talimpuru’.

AYUB 6:8

A’a, dennoupa’ nadipalanda’ siamo tu pengkamoyaku sia Napadadi Puang Matua tu apa kurannuan,

AYUB 6:9

dennoupa’ naalai penaanNa Puang Matua ussanggangna’, anNa e’te’i tu limanNa ungka’tu sunga’ku!

YEREMIA 20:9

Iake ma’kadana’ kukua: Tae’mo kula ungkilalai tu PUANG sia tae’mo kula ma’kada tete dio sanganNa, dadimi lan penaangku tu susi api dukku, tu ussitutu’i kaleku umpatananni, apa tang kukulle.

AMOS 6:2

Malekomi lako Kalne, ammi tiroi, sia ammi ke’de’ inde to dio mai lako Hamat kapua, ammi solo’ rokko Gat, lili’na to Filistin. Mandu meloraka to na iate kadatuan iate, mandu kalua’raka tu lili’na na iatu lili’mi?

YUNUS 4:3

Iamoto, o PUANG, alami tu sunga’ku, belanna kula’biran mate na iatu tuo.

YUNUS 4:8

Iatonna dellekmo allo, pakalan Napadenni Puang Matua tu misa’ angin lu dio mai rampe matallo mapannang tongan, anna nanangi allo tu ulunna Yunus, naurungan malayu tu kalena, sia napalaku, anna matemo, sia ma’kada nakua: Kula’biran mate na iatu tuo.

NAHUM 3:8

Mandu melorokoka na iatu No-Amon, tu dio biring salu kapua, tu natikui uai, tu umpobenteng tasik sia umporinding tembo’ uai?

KADIBILANGAN 11:15

Iake Mipatanggungina’ susito, la’biran Mipateina’, ke unnappa’na’ kamaturu-turuan dio pentiroMi, anna da kutiroi tu kamandasangku.

MATIUS 6:26

Tiro-tiroi tu manuk-manuk dao langi’, tae’ namantanan len sia mepare, ba’tu urrampun kande langngan alang, anNa patuo dukai Ambe’mi dao suruga. Tae’raka milosong na iatu mintu’ manuk-manuk?

YOHANES 4:6

Indemoto tu bubunna Yakub. Belanna mata’ka’ lumingka tu Yesu, unno’ko’ bangmi dio to’ bubun iato, agi-agi te’te’ sangpulo dua tangnga allo.

ROMA 3:9

Dadi umba nakua? Denraka tapolosong? Inang tae’ ia to; belanna pirambongi’ mangkamokan umpasala to Yahudi sia to Yunani duka kumua mengkanorong nasangi lako kasalan;