1 DATU 19:17 - Sura' Madatu

¹⁷ Attu iato minda-minda tu tilendok dio mai pa’dangna Hazael, la napatei Yehu, na minda-minda tu tilendok dio mai pa’dangna Yehu, la napatei Elisa.

1 DATU 19:17 ပူးပေါင်းရင်းမြစ်များ

2 DATU 13:22

Iatu Hazael, datu Aram, umpakario-rio to Israel angge tuona Yoahaz.

2 DATU 13:3

Iamoto re’dekmi ara’Na PUANG lako to Israel, anNa sorongi tu tau iato mai tama limanna Hazael, datu to Aram sia tama limanna Benhadad, anakna Hazael lan mintu’ attu.

2 DATU 8:12

Nakuami tu Hazael: Ma’apai mitumangi’ra? Mebalimi nakua: Belanna kutandai tu mintu’ kadake la migauran to Israel: la miballa tu bentengna sia la mipatei pa’dang tu mai pia muanena sia la miru’puk-ru’puk tu mai pia’-pia’na sia la miballak tu mai baine ma’tambuk.

HOSEA 6:5

Iamoto Kupasisikki kada tu tau iato mai nalopian mintu’ nabi, sia Kupongko kada sun dio pudukKu. Iatu ukungan urrampoikomi susi arrang melambi’.

2 DATU 10:32

Iatonna attu iato Naparandukmi PUANG umpabitti’i tu lili’na Israel, belanna natalo Hazael, tu tau iato mai dio lu mintu’ lili’na to Israel,

KADA OMBO’ LAKO RASULU’ YOHANES 19:21

Sia mintu’ tu to senga’ mate napongko pa’dangna To-ussakei darang iato, iamotu pa’dang sun lan mai pudukNa. Na mintu’ manuk-manuk iato nadia’imo duku’na tau iato mai.

AMOS 5:19

Susi, ke den misa’ tau mallai dio mai singa, la nadammak beruang; iake rampomi lako banuanna, anna merremme’ lako rinding tembo’ la natotokki ula’.

AMOS 2:14

Attu iato iatu mai to malinta’ tang nabelamo umpallaian kalena, iatu to mawatang tang nakullemo umpalalo kamabukuanna sia tu to lalong tae’mo nakullei ullendokan sunga’na.

YEREMIA 1:10

Allo iate Kuangka’ko umpoissan ba’tu pira-pira bangsa sia ba’tu pira-pira kadatuan, la ma’du’dukki sia la mangrondonni sia massanggangi sia ma’pisanni sia la ma’bangun sia la mantanan.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

2 DATU 9:14

Susimo kasipakulu-kuluanna to tu Yehu, anakna Yosafat, anakna Nimsi la umbali Yoram. Na iatu Yoram sola mintu’ to Israel untorroimo Ramot, lili’na Gilead, la umpangeai tu kota iato unnea Hazael, datu Aram.

2 DATU 8:8

Ma’kadami tu datu lako Hazael, nakua: Alai tu apa la mupa’kamasean, ammu male umpessitammui taunNa Puang Matua ammu pekutananni lako PUANG nalopian taunNa Puang Matua, kumua: La matana siapara’ka dio mai te saki iate?

2 DATU 9:2

Iammu rampomo lako, tiroi ba’tu umba nanii tu Yehu, anakna Yosafat, anakna Nimsi. Maleko tama, ammu palakui anna ke’de’ lan tangngana solana, ammu solanni tama inan lendu’ tama.

2 DATU 9:20

Naparampomi to ma’kampa lako nakua: Rampo sia tu to disua, apa tae’ nasule. Iatu tau umpalari tu darang susi bang Yehu, anakna Nimsi, belanna susito bomboan umpalarii.

2 DATU 9:25

Nakuami Yehu lako Bidkar, kamandangna: Angka’i ammu pentibeanni tama pa’lakna Nabot, to Yizreel. Belanna la mukilalai tonta ma’darang sola undi unturu’i tu Ahab, ambe’na, kumua Nasa’bu’mo PUANG te kada iate diona Ahab nakua:

2 DATU 12:17

Malemi tu Hazael, datu to Aram urrarii kota Gat, anna taloi. Mangkato ma’palulakomi Yerusalem la urrarii.

YEREMIA 48:44

Minda-minda lussu’ dio mai ma’patirambanna, iamo la tobang rokko patuang, sia minda-minda tu ma’din kendek diongmai patuang, iamo la naala poya, belanna Aku te la umparampoi lako kalena, iamotu lako Moab tu taun kadiukunganna, kadanNa PUANG.

YEHEZKIEL 15:7

La Kupatampa’i lindoKu tu tau iato mai la unnukungi; moi anna tassu’ lan mai to’ api misa’, manassa la nakandeo api misa’. Ammi tandai, kumua Akumo tu PUANG, ke Kupatampa’i lindoKu tu tau iato mai la unnukungi.

2 DATU 9:24

Natoemi Yehu tu pana, napanai tu Yoram, naruami tu kasiallaran buku sandukna, naurungan natarru’ tinaran tu buana, nasongka dao karetana.