1 DATU 19:14 - Sura' Madatu

¹⁴ Mebalimi nakua: Lendu’ tongan malallangna penaangku ungkilalai PUANG, Kapenombanna mintu’ ma’dandan maritik, belanna naboko’imo mintu’ to Israel tu basseMi, sia narondonni tu mintu’ inan pemalaramMi sia napatei pa’dang tu mintu’ nabimMi, na aku mannamo tinampe sia undaka’mo lalan la ungka’tu sunga’ku.

1 DATU 19:14 ပူးပေါင်းရင်းမြစ်များ

1 DATU 18:22

Nakuami tu Elia lako tau buda: Aku mannamo tinampe tu nabinNa PUANG, apa iatu nabinna Baal, a’pa’ ratu’ llimangpulo.

1 DATU 18:30

Nakuami tu Elia lako mintu’ to buda: Mareke’komi mai. Sae nasangmi tu tau umpentireke’i. Napemeloi sule tu inan pemalaranNa PUANG, tu mangka disanggang.

PA’PUDIAN 78:37

Belanna tae’ anna ma’to’ tu penaanna lako Puang sia tae’ anna toe manda’i tu basseNa.

YESAYA 1:4

Upu’ allona tu to kasalan, tu bangsa natondon kakadakeanna, bati’ to kadake sia taruk to bulituk! Natampe tu PUANG, sia nabelle’ tu To maserona to Israel sia memboko’.

YESAYA 62:1

Belanna Sion, anna tae’ kuma’pakappa sia belanna Yerusalem anna tae’ kutorroi ma’kada sae lako dellekna susi arrang masero tu kasalamaranna sia katilendokanna susi sulo marorrong.

YEREMIA 22:9

Anna mebali nakua: Belanna naboko’imo tau iato mai tu basseNa PUANG, Kapenombanna, sia tukku umpenombai sia umpengkaolai deata senga’.

DANIEL 11:30

la sae kappala’ to Kitim unneai, anna selang penaanna; apa iatonna sule la umpasau kare’dekan ara’na lako basse masero, anna palalo penggauranna, sia iatonna sulemo, napapatuimi penaa tu to umboko’i tu basse masero iato.

DANIEL 3:18

Apa iake susinna tae’ Nabelai la miissan, e datu, kumua tae’ kila umpakarayai tu mai deatammi sia umpenombai tu rapang-rapang dipodeata bulaan, tu mangka mipabendan.

HOSEA 6:7

Apa untengkaimo basse tu tau iato mai susi Adam; inde to dio nanii umpogau’ tang maruru’ lako Kaleku.

ROMA 11:3

O Puang, napongkomo tu mai nabimMi sia naseran tu mintu’ inan pemalaramMi; aku mannamo misa-misa sia natuntunni bang tu penaangku.

PA’TOLE 29:25

Mebalimi tu tau nakua: Belanna natampemo tu basseNa PUANG, Kapenombanna nene’ to dolona, iamotu basse natanan sola Puang, tonna solanni lan mai tondok Mesir,

PA’TOLE 31:20

Belanna la Kusolan tu tau iato mai lako tondok, tu mangka Kuallu’ lako nene’ to dolona Kupalaoi sumpa, tondok sebo pangandu’ sia tani’ enoan. La kumande sadia’na sia ma’pelompo, apa la sumepang lako kapenomban senga’ sia napengkaolai. Na iatu Aku la napamatuna sia iatu basseKu la napoka.

IBRANI 8:9

Tae’ nasusi tu basse mangka Kutanan sola nene’ to dolona, tongKu toei tu limanna, angKu rendenni tassu’ lan mai tondok Mesir. Belanna tae’ nakaritutui tu basseKu, anna tae’ Kupoinaai, kadanNa Puang.