1 DATU 18:7 - Sura' Madatu

⁷ Iatonna marassan tu Obaja lumingka, pakalan nasitammu Elia; iatonna tandaimi tukkumi umpekatabe’i, nakua: Kamuraka te, puangku Elia?

1 DATU 18:7 ပူးပေါင်းရင်းမြစ်များ

KADADIAN 18:12

Iamoto anna metaa tu Sara nama’kada lan penaanna nakua: Ma’dinparaka la diong mai penaangku ke tang pa’belamo’ sia iatu muaneku matua dukamo?

KADADIAN 18:2

Anna bangunan matanna, natiroi den muane tallu bendan dio tingayona; iatonna tiromi, ma’dondomi dio mai to’ ba’ba tendana male untammui tu tau iato mai, anna tukku rapa’ rokko padang.

KADADIAN 44:16

Ma’kadami tu Yehuda nakua: Apara tu la kikua lako kalemi, sia umbara la kikua ma’kada sola nasang sia umbara la kikua sola nasang umpa’tutuan kaleki? Nakabu’tuimo Puang Matua tu kasalanna kaunanmi. Iate kami sola nasang mipokaunanmokan, la kami sola nasang, la iatinde to dinii ungkabu’tui irusan.

KADADIAN 44:20

Kikuami ma’kada lako kalemi: Den siapa tu ambe’ki matuamo, sia misa’ tu anakna muane, anak tampak, tu dadi te matuannamo, iatu kakanna matemo, misa-misamora tu sangindo’, lendu’ napakaboro’na ambe’na.

KADADIAN 44:33

Totemo da’ito na akumo torro inde mipokaunan ussondai te to mangura, eloranni te to mangura male sola mintu’ siulu’na langngan.

KADADIAN 50:18

Undinna sae dukami tu mintu’ siulu’na tukku mennolo dio olona anna ma’kada nakua: Iate kami sola nasang kaunanmimokan!

2 SAMUEL 19:18

Lambanmi tu tau iato mai dio kalambanan, anna palambanni sambali’ mai tu mintu’ to lan tongkonan layukna datu sia napogau’ tu apa naala penaanna datu. Na iatu Simei, anakna Gera tukku menomba dio olona datu, tonna mane la lamban Yordan tu datu,

1 DATU 11:29

Den pissan tassu’mi tu Yerobeam dio mai Yerusalem, anna sitammu nabi Ahia, to Silo, dio lalan, na iatu Ahia ma’bayu lamba’ ba’ru, na ia manna tu tau sola duai dio lu padang.

1 DATU 18:6

Naborongannimi tu tondok la nasalongngi; iatu Ahab la unnola senga’, na iatu Obaja unnola senga’ duka.

1 DATU 18:8

Mebalimi lako nakua: Io, akumo; laokomi umpokadanni puangmi, kumua: Inde sia to tu Elia.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

KADIBILANGAN 12:11

Ma’kadami tu Harun lako Musa nakua: O puangku, da mipapassannikan te kasalan iate, tu kipogau’ diona kabagangki.

MATIUS 11:8

Apara pale’ tu mangka lao mitiro? To ma’pakean meloraka? Iatu to ma’pakean melo lan ia lu banua datu.

MATIUS 3:4

Iatu pakeanna Yohanes bulu unta, sia iatu salipi’ lan ayakna balulang, anna iatu kandena batik sia tallo’ merang pangala’.

1 SAMUEL 20:41

Iatonna malemo tu pia iato, to’long lu lo’mi mai tu Daud, anna tukku rokko padang menomba pentallun; siudungmi sia sitangiran sola duai, naurunganni unni’duk-i’duk tumangi’ tu Daud.