1 DATU 18:5 - Sura' Madatu

⁵ Nakuami tu Ahab lako Obaja: Maleko sumalong lan lu tondok, dio lu to’ kalimbuang sia salu, umbai anta kabu’tui sia riu, anta patuopi te mai darang sia bagala’ sia da tapatei tu ba’tu pira-pira patuoan.

1 DATU 18:5 ပူးပေါင်းရင်းမြစ်များ

1 DATU 18:4

Belanna iatonna rabunni Izebel tu nabinNa PUANG, naala Obaja tu saratu’ nabi, anna bunii, silimangpulo lan ke misa’oi lo’ko’, anna parakai naben roti sola uai.

1 DATU 18:6

Naborongannimi tu tondok la nasalongngi; iatu Ahab la unnola senga’, na iatu Obaja unnola senga’ duka.

PA’PUDIAN 104:14

Napakendek tu riu napotuoi olo’-olo’, sia iatu mai tananan la naposara’ tolino, anna pabu’tui tu tobangan kollong diong mai kuli’na padang.

YEREMIA 14:3

Iatu mintu’ to kapuana ussua pa’kurinanna undaka’ uai; iatonna rampomo lako to’ bubun batu, tae’mo uai naapparan, anna sule lo’bang tu tau iato mai umbaa bussona; kasirisan tu tau iato mai sia maila’ anna umbungku’ ulunna.

YOËL 1:18

A’a, tumbai sarrona tu mintu’ patuoan! Mintu’ tuntunan sapi male-male bang, belanna tae’mo padang kariuanna; sia ia duka tu mintu’ tuntunan domba mandasa.

YOËL 1:20

Ondongpi mintu’ olo’-olo’ dio lu padang mentingara langngan Kalemi ma’peagi, belanna ma’timo tu salu’-salu’ sia napoppongimo api tu kariuanna dio lu padang pangallaran.

YOËL 2:22

Da mimataku’, e mintu’ olo’-olo’ dao lu padang, belanna iatu mai kariuan dio lu padang pangallaran maluna, belanna membuamo tu mai garonto’ kayu sia garonto’ ara sia garonto’ anggoro’ umpatassu’i tu kasebaranna.

AMOS 4:8

Iatu tau lan da’dua ba’tu tallu kota tipa’re’ba-re’ba male lako misa’ kota la unniru’ uai, apa tontong ma’rang. Moi susito, tae’ duka mimengkatoba’ lako Kaleku, kadanNa PUANG.

HABAKUK 3:17

Moi anna tae’ namenta’bi tu garonto’ ara, anna tang membua tu garonto’ anggoro’, sia moi tae’ nama’pakarannu-rannu tu bua garonto’ saitun; moi anna tae’ napakendek burana tu mai pa’lak, sia diula’i tu domba lan mai bala sia tae’ tu sapi lan lu bontong,