1 DATU 18:40 - Sura' Madatu

⁴⁰ Ma’kadami tu Elia lako tau iato mai nakua: Tingkanni tu mintu’ nabi Baal, moi misa’ tae’ nama’din lussu’. Natingkanmi anna solan nasangi Elia rokko salu Kison, napatei inde to.

1 DATU 18:40 ပူးပေါင်းရင်းမြစ်များ

1 DATU 18:41

Undinnato ma’kadami tu Elia lako Ahab nakua: Malemokomi, kumande sia mangiru’, belanna denmo to ongngo’na uran kamban.

1 DATU 19:1

Iatonna pokadami Ahab lako Izebel tu mintu’ apa mangka napogau’ Elia, sia diona mintu’ nabi napatei pa’dang,

2 DATU 11:18

Iatu mintu’ pa’tondokan male lako banua dinii umpenombai Baal anna rondonni; sia natesse tu mai inan pemalaranna sola rapang-rapang dipodeatanna sia napatei duka tu Matan, to minaanna Baal, dio tingayo inan pemalaran. Nasuami to minaa tu tau ungkampai banuanNa PUANG.

2 OSSORANNA DATU 23:15

Natingkanmi tau iato mai, na iatonna rampo lako babangan Darang dio tongkonan layuk kadatuan, napateimi tau.

2 OSSORANNA DATU 23:17

Iatu mintu’ pa’tondokan male lako banua dinii umpenombai Baal, anna rondonni sia natesse tu mai inan pemalaranna sola rapang-rapang dipodeatanna sia napatei duka tu Matan, to minaanna Baal, dio tingo inan pemalaran.

KATASSURAN 22:20

Minda-minda memala’ lako deata, natae’ na lako manna PUANG, manassa la disabu’i.

YEREMIA 48:10

Tampakan ropu tu to langga’ umpogau’ pengkaranganNa PUANG; sia sapuan pala’ tu to umpadapa pa’dangna dio mai to’doan rara.

PA’TOLE 13:5

Apa iatu nabi ba’tu to mangimpi iato manassa la dipatei, belanna naada’imoko memboko’ dio mai PUANG, Kapenombammu, tu ussolangko lan mai tondok Mesir sia ullendokangko dio mai inan munii dipokaunan, – la umpasepangko dio mai lalan, tu Napepasanan PUANG, Kapenombammu lako kalemu la muturu’i. Susimoto la munii umpa’dei tu apa kadake dio lu kamu.

PA’TOLE 13:6

Iake nanaran buniko siulu’mu, tu nadadian indo’mu, ba’tu anakmu muane, ba’tu anakmu baine, ba’tu baine kalemu, ba’tu sangmane tongan-tonganmu, nama’kada nakua: Tamalemo umpenombai kapenomban senga’, tu kapenomban tang mutandaipa la iko la nene’ to dolomu,

PA’TOLE 18:20

Apa iake den misa’ nabi umpamadao penaanna la umpokada misa’ kada tete dio sangangKu, tu tang Kusua umpokadai, ba’tu ma’kada tete dio sanganna kapenomban senga’ – manassa nabi iato la mate.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 20:10

Iatu deata bulituk umpapusa tau iato mai, dipembuangan tama limbong api sia solo’, tu naninna olo’-olo’ sia nabi tang tongan lan, na tau iato mai, la narua parri’ keallo kebongi sae lakona.

TO PARENGNGE’ 4:13

Iamoto narampunni Sisera tu mintu’ karetana, kasera ratu’na kareta parari bassi sia iatu mintu’ tau nasolan dio mai Haroset-Hagoyim sae lako salu’-salu’ Kison.

TO PARENGNGE’ 4:7

Na dio biring salu’-salu’ Kison la Kunii umpasaeangko tu Sisera, kamandang lompona Yabin sola mintu’ kareta pararinna sia surodadunna, sia la Kusorong tama limammu.

TO PARENGNGE’ 5:21

Iatu salu’-salu’ Kison untallananni tu tau iato mai, tu salu’-salu’ inang den dolo-dolonapa tu salu’-salu’ Kison – tarru’ liumoko e sumanga’ku situang kamatotoran! –