1 DATU 18:39 - Sura' Madatu

³⁹ Iatonna tiroi to buda tu iannato, tukkumi sae rokko padang, nama’kada nakua: PUANG, Iamo Kapenomban, PUANG, Iamo Kapenomban.

1 DATU 18:39 ပူးပေါင်းရင်းမြစ်များ

1 DATU 18:21

Attu iato napentireke’imi Elia tu mintu’ to buda, anna ma’kada nakua: Sangapaporokomi la lumingka sondo’ patomali? Iake PUANG tu Kapenomban, pengkaolaimi, ianna Baal, pengkaolaimi. Moi sangbuku kada tae’ napebalii to buda lako.

1 DATU 18:24

Mangkato metambamokomi ussa’bu’ sanganna kapenombammi, na iatu aku la metamba dukana’ ussa’bu’ sanganNa PUANG. Na umba-umba tu Kapenomban mebali umbengan api, iamoto tu Kapenomban. Mebalimi tu mintu’ to buda nakua: Melomoto.

1 DATU 20:13

Pakalan anna sae tu misa’ nabi umpentireke’i Ahab, datu to Israel, nama’kada nakua: Inde sia tu kadanNa PUANG: Mutiromoraka tu to buda mamak bang? Manassa allo iate Kusorongi tama limammu, ammu issanni kumua Akumo tu PUANG.

1 DATU 8:60

Anna issanni mintu’ bangsa dao kuli’na padang, kumua PUANGmo tu Kapenomban, tae’ senga’na,

1 OSSORANNA DATU 21:16

Mentingarami tu Daud natiroi tu malaeka’Na PUANG bendan dio kasiallaranna langi’ na tana, sitangke pa’dang tinonok, umpopange’te’ limanna lako Yerusalem; attu iato tukkumi menomba rokko padang tu Daud sola tu mai pekaamberan umpennammu’ karoro’.

2 OSSORANNA DATU 33:13

anna massambayang lako Puang. Attu iato Natanannimi talinga Puang tu passambayangna sia Naperangii tu pengkamoyana, anNa pasulei lako Yerusalem sia tama kadatuanna. Naakumo Manasye, kumua PUANG tu Kapenomban.

2 OSSORANNA DATU 7:3

Iatonna tiromi mintu’ to Israel tu api sia iatu kamala’biranNa PUANG songlo’ dao banua iato, malinguntu’mi tu tau iato mai natukku sae rokko padang diong sali, anna menomba umpudi-pudi PUANG, nakua: Belanna masokan Ia, belanna iatu kamasokananNa tang leluk sae lakona.

EZRA 1:3

Minda-mindakomi tu naala bilangan golonganna taunNa Narondongmira Kapenombanna, anna ke’de’ lako Yerusalem, lili’na Yehuda, anna bangunni tu banuanNa PUANG, Kapenombanna to Israel, Iamo Puang Matua unnisungi Yerusalem.

PA’PUDIAN 100:3

Issanni kumua iatu PUANG, iamo Puang Matua. Iamo ungkombongki’ na kita te kombongNaki’, taunNaki’ sia domba nalaai.

PA’PUDIAN 118:27

Iatu PUANG Iamo Puang Matua, sia Iamo umpatiroiki’ masiang. Ulangi tu pemala’ tu la ditunu lan pa’gauran sae lako to’ tanduk inan pemalaran.

PA’PUDIAN 50:7

Perangii, e taungKu, angKu ma’kada, e Israel, la Kupakanassangko, kumua: Akumo Kapenomban, tu Kapenombammu.

PA’PUDIAN 94:16

Mindara tu la untunduina’ unnea to umpogau’ kakadakean? Sia mindara tu la umpessula’ina’ unnea to sakka’ gau’?

KATASSURAN 20:2

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan.

YEHEZKIEL 20:5

ammu ma’kada lako kumua: Inde sia tu kadanNa Puangta PUANG Nakua: Iatongku pilei langsa’i tu to Israel, umposumpaNa’ misa’ sumpa lako bati’na rapunna Yakub, sia Kupapayan tu Kaleku lako tau iato mai dio tondok Mesir; tonganna umposumpaNa’ misa’ sumpa, Kukua: Akumo tu PUANG, Kapenombammu.

SURA’ KATOMINAAN 9:24

Tassu’mi tu api dio mai oloNa PUANG ungkandei tu pemala’ ditunu pu’pu’ sia iatu mintu’ lompo tiira’na dao inan pemalaran; iatonna tiromi bangsa iato tu iannato, siarrakammi anna tukku sae rokko padang.

YOHANES 5:35

Iatu Yohanes iamo misa’ palita dukku sia parrang; apa kamu te sattu’rokomi la umpasende penaammi lan arrangna.

PENGGAURANNA RASULU’ 2:37

Iatonna rangii susito, tibaliangmi ara’na sola nasangi nama’kada lako Petrus sia iatu mai rasulu’ senga’, nakua: E kamu to kisangsiuluran, apara tu sipatu la kipogau’?

PENGGAURANNA RASULU’ 4:16

nakua: Apara la tagauranni te tau iate? Belanna napadenmo tu tanda kalle-kallean manassa, tu lele lako mintu’ tau lan Yerusalem natae’mo tabelai unte’ge’i.

TO PARENGNGE’ 13:20

Iatonna marassan tu api dukku diong mai inan pemalaran ma’lantang-lantang langngan langi’, kendekmi tu Malaeka’Na PUANG lan to’ dukku api diong mai inan pemalaran. Iatonna tiromi Manoah sola bainena tu iannato tukkumi sae rokko padang.