1 DATU 18:36 - Sura' Madatu

³⁶ Iatonna lambi’mi attunna dinii memala’ bongi, tassu’mi tu nabi Elia dio tingayona to buda nama’kada nakua: O PUANG, Kapenombanna Abraham, Ishak na Israel, allo iate melo, ke payanni, kumua Kamumo tu Kapenomban dio lu to Israel, sia akumo tu taumMi, na iatu mintu’ apa kupogau’ te unturu’ kadamMi.

1 DATU 18:36 ပူးပေါင်းရင်းမြစ်များ

KADADIAN 26:24

Iatonna bongi iato, ombo’mi tu PUANG lako kalena, anna ma’kada Nakua: Akumo tu Kapenombanna Abraham, ambe’mu; da mumataku’ belanna Kurondongko sia la Kupamasakkeko sia la Kupopemba’ka’ tu bati’mu tete dio Abraham, taungKu.

KADADIAN 28:13

Manassa den tu PUANG bendan dao anNa ma’kada Nakua: Akumo tu PUANG, Kapenombanna Abraham, nene’mu, sia Kapenombanna Ishak, na iate padang munii mamma’ la Kubenko sia la Kuben bati’mu.

KADADIAN 31:53

Kapenombanna Abraham sia Kapenombanna Nahor, pada Kapenombanna ambe’ta umpaolaiki’ salu! Massumpami tu Yakub ussa’bu’ To napengkaolai Ishak, ambe’na.

KADADIAN 32:9

Ma’kadami tu Yakub nakua: O Kapenombanna nene’ku Abraham, o Kapenombanna ambe’ku Ishak, o PUANG tu mangka ma’kada lako kaleku susite: Sulemoko lako tondokmu sia lako rapummu, Aku la umpatiroiko melo.

KADADIAN 46:3

Ma’kadami Nakua: Akumo tu Puang Matua, Kapenombanna ambe’mu, da mumataku’ lao lako Mesir, belanna dio la Kunii umpadadiko misa’ bangsa kapua.

2 SAMUEL 7:26

Iake susito la mala’bi’ tu sangamMi sae lakona, sia la nagente’ tau, kumua: Iatu PUANGna mintu’ ma’dandan maritik, iamo Kapenombanna to Israel, sia tongkonanna Daud, taumMi, la manda’ dio oloMi.

1 DATU 18:21

Attu iato napentireke’imi Elia tu mintu’ to buda, anna ma’kada nakua: Sangapaporokomi la lumingka sondo’ patomali? Iake PUANG tu Kapenomban, pengkaolaimi, ianna Baal, pengkaolaimi. Moi sangbuku kada tae’ napebalii to buda lako.

1 DATU 18:29

Iatonna lendu’ ma’tangngamo allo, marukkami kandeatan sae lako attu dinii memala’ bongi, apa tae’ tu gamara, sia moi misa’ tau tae’ duka mebali ba’tu umpalanni penaa.

1 DATU 18:35

naurunganni iatu uai lolong tiku lao dio to’ pemalaran, ondongpi naponnoi uai tu kalo’.

1 DATU 18:37

Pebaliina’, o PUANG! pebaliina’, anna issanni te tau buda, kumua Kamuri, o PUANG, Kapenomban, sia kumua Mipatibalikki tu penaanna tau iate mai.

1 DATU 20:13

Pakalan anna sae tu misa’ nabi umpentireke’i Ahab, datu to Israel, nama’kada nakua: Inde sia tu kadanNa PUANG: Mutiromoraka tu to buda mamak bang? Manassa allo iate Kusorongi tama limammu, ammu issanni kumua Akumo tu PUANG.

1 DATU 20:28

Saemi tu taunNa Puang Matua mennolo nama’kada lako datu to Israel, nakua: Inde sia tu kadanNa PUANG: Belanna nakua tu to Aram, kumua iatu PUANG iamo Kapenomban dao lu buntu, tangia ia Kapenomban dio lu merrantena, iamoto angKu sorongi tu to buda tu mamak bang tama limammu, ammi issanni kumua Akumo tu PUANG.

1 DATU 22:28

Nakuami tu Mikha: Iake sule marampa’komi, manassa tae’ PUANG ma’kada tete dio pudukku. Sia nakuapa: Perangii, e kamu mintu’ bangsa.

1 DATU 8:43

la Miperangii dao mai suruga inan matontongamMi, sia pasituru’i tu mintu’ apa napengkamoyai tu to sae lako Kalemi, anna mintu’ bangsa dao kuli’na padang untandai tu sangamMi, naurunganni umpangke’Komi tu tau iato mai, susi taumMi to Israel, sia anna tandai, kumua sangamMimo tu disa’buranni te banua iate, tu mangka kupabendan.

2 DATU 1:10

Mebalimi tu Elia lako tinde kamandang ungkapalai limangpulo surodadu, nakua: Iake tonganna taunNana’ Puang Matua da’ito nasae tu api dao mai langi’, anna sappiikomi sola tu taummi limangpulo.

2 DATU 1:3

Apa ma’kada tu Malaeka’Na PUANG lako Elia, to Tisbe, nakua: Ke’de’moko, mumale umpessitammui tu pesuanna datu Samaria, sia ma’kada lako tau iato mai, kumua: Tae’raka Puang Matua dio lu to Israel, ammi malera mekutana lako Baal-Zebub, deatanna to Ekron?

2 DATU 1:6

Nakuami tu tau iato mai lako: Den misa’ tau sae umpessitammuikan sia ma’kada lako kaleki nakua: Sulemokomi lako datu tu ussuakomi, ammi ma’kada lako kumua: Inde sia tu kadanNa PUANG: Tae’raka Puang Matua dio lu to Israel ammu malera mekutana lako Baal-Zebub, deatanna to Ekron? Iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

2 DATU 20:11

Metambami tu nabi Yesaya lako PUANG, Nakondorammi sule sangpulo pellesean tu bayo-bayo solo’mo dio pellesean eranna Ahas.

2 DATU 5:15

Mangkato sulemi lako taunNa Puang Matua la ia la mintu’ to unturu’i. Iatonna rampomo, bendanmi dio tingayona sia ma’kada nakua: Tonganna, totemo kutandaimo, kumua lan mintu’ lino tae’ Puang Matua sangadinna dio manna lu bangsa Israel. Tarimami te pa’kamasean dio mai taummi.

2 DATU 5:8

Iatonna rangii Elisa, taunNa Puang Matua, tu diona datu to Israel usse’bu-se’bu pakeanna, nasuami tu pesua lako datu, nakua: Ma’apai ammi se’bu-se’bui tu tamangkalemi? Melo ke saei lako kaleku tu tau iato, anna issanni, kumua den nabi dio lu to Israel.

1 OSSORANNA DATU 29:18

O PUANG, Kapenombanna Abraham, Ishak na Israel, nene’ to doloki, pamanda’i te pa’inaan iate lan penaanna taumMi sae lakona sia popengkaolai tu penaanna tau iato mai lako Kalemi.

2 OSSORANNA DATU 30:6

Malemi tu pebaa sura’ malinta’ umbaa sura’na datu sia mintu’ pangulunna umpasilamban-lamban Israel sia Yehuda sia ma’kada susi pepasanna datu nakua: E kamu mintu’ to Israel, tibalikmokomi sule lako PUANG. Kapenombanna Abraham, Ishak, sia Israel, anNa tibalik duka sule lako to torrona siapa, tu tilendok dio mai kuasanna to Asyur.

PA’PUDIAN 141:2

Tarimai tu passambayangku butung to pemala’ butagari, sia pempala’ku tu butung pemala’ karoen.

PA’PUDIAN 83:18

Da’ito anna kasirisan tu tau iato mai sia tiramban tontong sae lakona, sia da’ito anna maila’ sia anna sanggang.

KATASSURAN 3:6

Sia Nakua dukapa: Akumote tu Kapenombanna ambe’mu, iamotu Kapenombanna Abraham sia Kapenombanna Ishak sia Kapenombanna Yakub. Nabungku’mi Musa tu lindona, belanna mataku’ untiro Puang Matua.

KATASSURAN 4:5

anna patonganni tu tau iato mai kumua paanmo lako kalemu tu PUANG, Kapenombanna nene’ to dolona, iamotu Kapenombanna Abraham, sia Kapenombanna Ishak, sia Kapenombanna Yakub.

YESAYA 37:20

Iamoto, o PUANG, Kapenombangki, lendokangkan dio mai limanna, anna issanni mintu’ kadatuan lan te lino, kumua Kamu mannari, o PUANG, misa-misa tu Puang Matua.

YEHEZKIEL 36:23

La Kupamadatu tu sanga pasareongangKu tu mangka dipamatuna dio lu mintu’ bangsa, sia tu mangka mipamatuna dio lu mintu’ bangsa, kumua Akumo tu PUANG, kadanNa Puangta PUANG, ke Kupamanassai dio pentirona tau iato mai, kumua Akumo tu To madatu.

YEHEZKIEL 39:7

La Kupa’petandan tu sanga madatungKu dio lu to Israel, taungKu, tae’mo angKu la unneloranni tu sanga madatungKu, la dipamatuna; anna tandai mintu’ bangsa, kumua Akumo tu PUANG, tu masero dio lu to Israel.

DANIEL 12:11

Randuk dio mai pemala’ nenne’ bang kiallo-kiallo dipa’dei sia dipabendan tu apa megallian ma’kasanggang, den sangsa’bu dua ratu’ ngkasera pulona allona.

DANIEL 8:13

Kurangimi tu misa’ to masero ma’kada, namisa’ to masero senga’ ma’kada lako tu to mangkamo ma’kada nakua: La sangapa dadi tu apa ditiro lan patiro mendeata iate, diona tu pemala’ allo-allo sia kapatodo-tintingan metakuran, inan maindan tae’ nadipamaindan sia iatu ma’dandan maritik dilullu’.

DANIEL 9:21

marassan bangsiapa’ ma’kada tongku massambayang, saemi tu misa’ muane, iamotu Gabriel, tu mangka kutiro dolona lan patiro mendeata, matira’ tongan mentia’ umperreke’ina’, tonna attu pemala’ karoen.

MATIUS 22:32

Akumote tu Puangna Abraham, sia Puangna Ishak, sia Puangna Yakub? Iatu Puang Matua tangia Puangna to mate, sangadinna to tuo.

YOHANES 11:42

Inang Kuissanmo kumua tontongKomi umperangiiNa’, apa belanna iari te to buda bendan untalimbungNa’, angKu pokadai te, anna patonganni kumua Kamu ussuaNa’.

PENGGAURANNA RASULU’ 10:30

Nakuami Kornelius: Dikua patang bongi’, susimo allo to, te’te’ tallu makaroen, angku massambayang lan banuangku; pakalan denmi tau misa’ ke’de’ dio tingayoku ma’pakean pandillak-dillak,

PENGGAURANNA RASULU’ 3:1

Malemi tu Petrus sola Yohanes langngan Banua Kabusungan, tonna attu kapassambayangan te’te’ tallu makaroen.

EFESUS 1:17

kumua anna KapenombanNa Puangta Yesu Kristus, iamotu Ambe’ oto’na mintu’ kamala’biran, umpa’kamaseanni lako kalemi tu Penaa kakinaan sia kaNapamanassan untandai Puang Matua.

EFESUS 3:14

Iamo bannangnato, angku malinguntu’ malaku langngan Ambe’,