1 DATU 18:32 - Sura' Madatu

³² Anna batu iato nagaragai inan pemalaran siindo’ sanganNa PUANG sia nakalo’i tiku lao tu inan pemalaran iato, silasa dipannii duang sea banne.

1 DATU 18:32 ပူးပေါင်းရင်းမြစ်များ

KADADIAN 12:7

Ta’kala anNa payanmo tu PUANG lako Abram, Nama’kada Nakua: Iate tana la Kuba’giammo lanto mimi’mu. Nagaragami Abram inde to dio tu misa’ inan pemalaran lako PUANG mangka payan lako kalena.

1 DATU 18:33

Napasirundunanni tu kayu, nata’tak-ta’takki tu sapi laki anna patorroi dao to’ kayu iato.

1 DATU 18:35

naurunganni iatu uai lolong tiku lao dio to’ pemalaran, ondongpi naponnoi uai tu kalo’.

1 KORINTUS 10:31

Iamoto, la iake kumandekomi, ba’tu mangiru’, la diona umba-umba misa’ penggaurammi, pogau’i tu mintu’nato situru’ tu la Napomala’bi’na Puang Matua.

KOLOSE 3:17

Na apa-apa mipogau’, la diona kada la diona pengkarangan, mintu’na la mipogau’ lan sanganNa Puang Yesu, ammi ma’kurre sumanga’ langngan Puang Matua, iamotu Ambe’, tete dio Kalena.

TO PARENGNGE’ 21:4

Iatonna masiangmo melambi’ bangsiapa napabendanmi bangsa iato tu misa’ inan pemalaran inde to dio, anna pennoloanni tu pemala’ ditunu pu’pu’ sia pemala’ kasalamaran.

TO PARENGNGE’ 6:24

Inde to dio nanii Gideon umpabendananni PUANG tu misa’ inan pemalaran, anna sangai: PUANGmo tu oto’na kasalamaran. Bendanpa tu inan pemalaran iato sae lako allo iate dio Ofra, tondokna to Abiezer.

TO PARENGNGE’ 6:26

Mangkato pabendanko misa’ inan pemalaran lako PUANG, Kapenombammu, dao buntu ditambakuku iate; pasilolonganni tu inan iato, sia alai tu sapi laki ma’penduanna, ammu pemalaranni dadi pemala’ ditunu pu’pu’ umpokayu tutungan lentong dipodeatanna, tu la mulelleng.

1 SAMUEL 7:17

Iake mangkaomi to suleomi lako Rama, belanna dio tu banuanna sia inde to nanii ullembanganni tu toean to ma’parenta lako to Israel; sia inde dukato dio nanii umpabendanan misa’ inan pemalaran PUANG.

1 SAMUEL 7:9

Naalami Samuel tu anak domba sumusu misa’, napemalaran nasangi lako PUANG, la dadi pemala’ ditunu pu’pu’. Napassambayangammi Samuel tu to Israel lako PUANG, anNa tarimai PUANG tu palakunna.