1 DATU 18:27 - Sura' Madatu

²⁷ Iatonna ma’tangngamo allo natellemi Elia nakua: Metamba polekomi umpekapuai gamarammi, belanna kapenomban ia. Manassa marassanpa ma’tangnga’, ba’tu untoyanganpi kalena, ba’tu malepi lao; umbai naleppengpa, iamoto la ditundanpa.

1 DATU 18:27 ပူးပေါင်းရင်းမြစ်များ

1 DATU 18:26

Naalami tau iato mai tu sapi laki, tu nabenni Elia, anna pasakka’i, nametamba ussa’bu’ sanganna Baal tempon dio mai melambi’ sae lako ma’tangngana allo, nakua: O Baal, pebaliikanni! Apa tae’ tu gamara sia moi misa’ tau tae’ duka mebali. Unnondo-ondomi tu tau iato mai untikui inan pemalaran mangka nagaraga.

1 DATU 18:28

Metambami tu tau iato mai, umpekapuai tongan gamaranna sia natori’-tori’ pa’dang sia doke tu mai kalena susitu ada’na, naurunganni umpentombang rara.

1 DATU 22:15

Iatonna saemo lako datu, ma’kadami tu datu lako nakua: E Mikha ma’dinrakannika lao urrarii Ramot, lili’na Gilead, ba’tu da’i bangmiraka to? Mebalimi nakua: Ke’de’mokomi, manassa la maupa’komi, belanna la Nasorong PUANG tama limanna datu.

2 OSSORANNA DATU 25:8

Apa male bangmokomi, pogau’mi tu iannato, pabatta’i tu kalemi parari: manassa Puang Matua la umbambangangkomi dio tingayona uali, belanna kuasa tu Puang Matua patunduan sia kuasa duka pabambangan.

PA’PUDIAN 121:4

manassa, iatu To pasareonganna to Israel, inang tae’ anNa tikkaru’du’ ba’tu leppeng.

PA’PUDIAN 39:3

Kupakari’pi bangmo tu kaleku tang ma’kada sia kupakappa, ma’loko-loko bangna’ sisayuran melona, apa sakerangngan-rangnganna karossoangku.

PA’PUDIAN 44:23

Apa tu belanna Kamumora angki dipatei keallo-keallo, dipasusikan domba la ditunu.

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

YESAYA 41:23

pokadai apa tu la sae undinna, angki issanni, kumua kamumo deata. Pogau’mi tu apa melo, ba’tu kadake, angki pada mangnga sitiro situang kamatakuran.

YESAYA 51:9

MatangkinKomi, matangkinKomi, pakei tu kamawatangammi e takia’Na PUANG! MatangkinKomi susito pirambongi’, tonna linona to dolo-dolo. Tae’raka na Kamu tu umba’ta Rahab sia urrok naga tasik?

YEHEZKIEL 20:39

Na kamu, e to Israel, kadanNa Puangta PUANG, da’ito ammi pantan lao umpenombai rapang-rapang dipodeatanna. Apa undinna la miperangiiNa’ sia tae’mo mila umpamatuna sanga madatungKu tete dio pamengan pemala’mi sia rapang-rapang dipodeatammi.

MATIUS 26:45

Namane sule lako anak gurunNa sia Nakua ungkuanni: Mamma’ bangmokomi ammi pamondo ta’ka’mi; totemo mandappi’mo attunna la disorong tu Anak rampan dilino lako to kadake.

MARKUS 14:41

Saemi tonna ma’pentallunna Nama’kada lako tinde tau Nakua: Mamma’ bangmokomi mipamondo ta’ka’mi; totemo ganna’mo; nalambi’mo attunna; tiromi tu Anak rampan dilino disorong lako to kasalan.

MARKUS 7:9

Sia Nakua lako tu tau: Tangpada manarangmi misuale tu ParentaNa Puang Matua, kumua ammi toe aluk panganna to dolomi.