1 DATU 18:26 - Sura' Madatu

²⁶ Naalami tau iato mai tu sapi laki, tu nabenni Elia, anna pasakka’i, nametamba ussa’bu’ sanganna Baal tempon dio mai melambi’ sae lako ma’tangngana allo, nakua: O Baal, pebaliikanni! Apa tae’ tu gamara sia moi misa’ tau tae’ duka mebali. Unnondo-ondomi tu tau iato mai untikui inan pemalaran mangka nagaraga.

1 DATU 18:26 ပူးပေါင်းရင်းမြစ်များ

1 DATU 18:24

Mangkato metambamokomi ussa’bu’ sanganna kapenombammi, na iatu aku la metamba dukana’ ussa’bu’ sanganNa PUANG. Na umba-umba tu Kapenomban mebali umbengan api, iamoto tu Kapenomban. Mebalimi tu mintu’ to buda nakua: Melomoto.

1 DATU 18:25

Nakuami Elia lako tu mai nabi Baal: La mipileimo tu anak sapi, ammi pasakka’i dolo, belanna budakomi kamu. Ammi metamba ussa’bu’i tu sanganna kapenombammi, apa da mipadukkui api.

1 DATU 18:27

Iatonna ma’tangngamo allo natellemi Elia nakua: Metamba polekomi umpekapuai gamarammi, belanna kapenomban ia. Manassa marassanpa ma’tangnga’, ba’tu untoyanganpi kalena, ba’tu malepi lao; umbai naleppengpa, iamoto la ditundanpa.

KATASSURAN 8:14

Napopa’tombon-tombonmi tau narampun, naurungan bubosi tu tondok.

YESAYA 37:38

Den pissan tonna menomba lan banuanna Nisrokh tu napodeatanna, napakandeimi bassi mataran anakna, disanga Adramelekh sia Sarezer; anna mallai lussu’ sola duai lako padang Ararat, anna Esarhadon, anakna, dadi datu ussondai.

YESAYA 44:17

Iatu torrona nagaragai misa’ dipa’deatainna, iamotu rapang-rapang dipodeatanna tu dipa’, anna malinguntu’ dio olona sia tukku anna penombai, nakua: Tunduina’, belanna kamumo tu deatangku.

YESAYA 45:20

Sipulungkomi ammi pada sae mengkareke’, e kamu tu tilendokmo dio mai ma’rupa-rupa bangsa. Tae’ tangnga’na tu tau iato mai tu umbaa rapang-rapang dipodeata kayu anna penombai tu deata tang nakulle patunduan.

YESAYA 46:7

Napalangnganmi palempengna tau iato mai, namale umpassanni, anna pabendanni dio inanna; inde to dio nanii ke’de’, tang tiberu dio mai inanna. Moi anna meoli tau lako, tae’ duka napebalii, sia tae’ anna rampananni lan mai kamaparissan.

YEREMIA 10:5

Iatu rapang-rapang dipodeata iato susi payo-payo lan pa’lak katimun tang naissan ma’kada-kada; dibulle bangpi, belanna tang naissan lumingka. Da mikataku’i, belanna tae’ napogau’ kadake, sia umpogau’ kameloan tae’ duka dio kalena.

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

YUNUS 1:5

Mataku’mi tu mintu’ to ma’kappala’ sia pantan metamba lako deatanna, sia iatu apa nabaa kappala’ napembuangammo rokko tasik la umpamaringanni tu kappala’. Apa iatu Yunus mengkalaomo rokko sulluk kappala’, anna bambangan kalena diong sia leppeng mamma’.

HABAKUK 2:18

Apara gai’na tu rapang-rapang dipodeata dipa’, belanna to ma’pa’ unggaragai? Apara gai’na tu rapang-rapang dipodeata dipati’no’, iamotu misa’ panganda’ tang tongan, moi anna posande’ bangi to unggaragai tu panggaraga limanna? Tae’raka nadeata mamang tu nagaragai?

HABAKUK 2:19

Upu’ allona tu to ma’kada lako kayu sanglontok, nakua: Malimbangunko sia lako misa’ batu mamang, nakua: Pana’dingko, Ma’dinraka tu apa iato mai la mangada’? Manassa moi disapu’ bulaan sia salaka, apa tae’ duka penaa lan.

ZEFANYA 1:9

Allo ia dukato la Kuukung tu mintu’ to ungkondongi ampang sia iatu to umponnoi kamasa’garan sia pa’pakena tu banuanna puangna.

MATIUS 6:7

Iammi massambayang, da mirombe-rombei tu kada susi gau’na to kapere’ belanna nasanga kumua iari naditarima pangimbona tu kamalengkoanna kadanna.

1 KORINTUS 12:2

Miissan kumua iatommi kapere’pa, mangkamokomi direnden lako deata mamang, susitu kanasolammi.

1 KORINTUS 8:4

Iatu diona ungkande kande dipemalaran lako deata, taissan kumua iatu deata moi misa’ tae’ lan te lino, sia tae’ kapenomban senga’ sangadinna Misa’ri.

1 SAMUEL 5:3

Apa iatonna melambi’ dio mai namillik tu to Asdod, natiromi tu Dagon songkamo tipessussuk tu lindona rokko padang dio olona pattinNa PUANG. Naangka’mi tu Dagon, napabendan pole’i dio inanna.