1 DATU 18:2 - Sura' Madatu

² Malemi tu Elia la umpa’petiroan kalena lako Ahab. Attu iato karorian pannang dio Samaria.

1 DATU 18:2 ပူးပေါင်းရင်းမြစ်များ

1 DATU 18:1

Iatonna masai allomo lan taun ma’pentallunna, rampomi tu kadanNa PUANG lako Elia, nakua: Maleko umpa’petiroan kalemu lako Ahab, belanna la Kupasaemo tu uran dao te kuli’na padang.

1 DATU 18:3

Iamoto natambaimi Ahab tu Obaja, pangulu sandan uainna. Iatu Obaja, mengkaola tongan langngan PUANG.

2 DATU 1:4

Iamoto, inde sia tu kadanNa PUANG Nakua: Tae’ mula millik dao mai inan kamammarammu tu munii mamma’ dao, sangadinna inang la matemoko. Malemi tu Elia.

2 DATU 6:25

Narampoimi karorian pannang tu Samaria, belanna masai tongan napatama limbu tau iato mai tu kota iato, naurungan misa’ ulu keledai karua pulona sikele’ allinna, na sangtepo ka’ tai bu’ku’ lima sikele’.

PA’PUDIAN 27:1

Pa’pudianna Daud. PUANGmo tu arrangku sia oto’na kasalamarangku, mindapara la kukataku’? PUANGmo tu tambakukunna sunga’ku, mindapa la kukagiang?

PA’PUDIAN 51:4

Pemabaseina’ dio mai kakadakeangku sia seroi pindanna’ dio mai kasalangku.

PA’PUDIAN 56:5

Lako Puang Matua – la kupudi tu kadanNa –, inang lako Puang Matua tu kunii sande’, natae’ kumataku’; apara tu ma’din nagauranna’ batang kalena tau?

SARAMBU PEADA’ 28:1

Iatu to tang mekaaluk male mallai, moi tae’ tau unnula’i, apa iatu to malambu’ manaman bang nasa’ding susito singa mangura.

YESAYA 51:12

Aku, Akumo tu umpakatanako; ma’patumbaroko ammu kataku’ri tu tolino inang la mate, sia ma’rupa tau tu sangtinti riu dibela’i!

YEREMIA 14:18

Iake tassu’na’ lako padang, dio tu mintu’ to mangka nakande pa’dang. Sia iake tamana’ kota, lan tu to la mate mannamo napobua’ karorian! Ondongpi la nabi la to minaa lu lako lu dio mai lan lu tondok sia tae’mo apa natandai.

SURA’ KATOMINAAN 26:20

Anna iatu kamabukuammi mipake sala, belanna iatu padangmi tang la membura sia iatu kayu lan pa’lak tang la membua.

SURA’ KATOMINAAN 26:26

Iake Kuparoto’i tu roti mipopamuntu, la sangpulo baine untunui tu rotimmi lan misa’ dapo’ sia ditimbang tu rotimmi, ke dipasulei, ammi kandei, apa tae’ ammi dia’.