1 DATU 18:19 - Sura' Madatu

¹⁹ Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.

1 DATU 18:19 ပူးပေါင်းရင်းမြစ်များ

1 DATU 15:13

Moi na iatu Maakha, indo’na, natassu’i dadi datu baine, belanna unggaragai rapang-rapang megallian, iamotu Asyera. Nata’tak-ta’tak Asa tu rapang-rapang megallian iato sia naballa diong lombok Kidron.

1 DATU 16:33

Sia nagaraga siapa Ahab tu lentong kayu dipodeata; napatarru’ bangmi Ahab tu penggauran susito, naurunganni umpa’dikki penaanNa PUANG, Kapenombanna to Israel, mandu pole’ na iatu mintu’ datu to Israel dolona.

1 DATU 18:20

Napa’pesuammi Ahab tu mintu’ to Israel sirampun sia narampun duka tu mintu’ nabi langngan buntu Karmel.

1 DATU 18:22

Nakuami tu Elia lako tau buda: Aku mannamo tinampe tu nabinNa PUANG, apa iatu nabinna Baal, a’pa’ ratu’ llimangpulo.

1 DATU 22:6

Napasipulungmi datu to Israel tu mai nabi, agi-agi a’pa’ ratu’ tau, anna mekutana lako tau iato mai, nakua: La laoraka kurarii tu Ramot dio Gilead, da’i bangmiraka to? Mebalimi tu tau iato mai nakua: Laomokomi, belanna la Nasorong PUANG tu kota iato tama limanna datu.

2 DATU 10:19

Iamoto tambai nasangmi tu mai nabi Baal sia iatu mai to umpengkaolai sia mintu’ to minaanna, moi misa’ tae’ tang la dioren, belanna la kupogau’ tu misa’ pemala’ kapua lako Baal. Minda-minda tang ma’dioren, tae’ nala dipatuo. Iate napogau’ Yehu ma’pakena bangri, kumua namangsanni nasangi tu to umpengkaolai Baal.

2 DATU 13:6

Apa tae’ naboko’i tu mintu’ kasalanna bati’na Yerobeam, tu napa’pesuan lako to Israel umpogau’i sangadinna napatarru’ bang tau iato mai. Sia tontong duka bendan dio Samaria tu lentong kayu dipodeata.

2 DATU 2:25

Ke’de’mi tu Elisa inde to dio mai, namale lako buntu Karmel na inde to dio mai nanii sule lako Samaria.

2 DATU 3:13

Apa ma’kada tu Elisa lako datu to Israel nakua: La siapariki’? Malemokomi lako tu mai nabinna ambe’mi sia lako tu mai nabinna indo’mi. Apa nakua tu datu to Israel lako: Da mima’kada susito, belanna Natambaimo PUANG tu datu tallu la Nasorong tama limanna to Moab.

2 DATU 9:22

Iatonna tiromi Yoram tu Yehu, pakalan ma’kadami nakua: Salama’ siarokoka, Yehu? Mebalimi nakua: Umba la takua salama’, ke tontongpi tu gau’ salana Izebel, indo’mi sia mintu’ issan-issan makambanna?

NEHEMIA 5:17

Iatu to Yahudi sia mintu’ pangulu agi-agi saratu’ limangpulo tau sia iatu to sae lako kaleki dio mai tu mintu’ bangsa tiku lao, kupakande.

PA’TENDENG BALLO 7:6

– Lendu’ maelona tu kamamaliran; lendu’ mala’bi’na tu mintu’na apa nakamorai tau!

YEREMIA 23:13

Tonganna Kutiro tu apa umpa’dikki penaa dio lu mintu’ to minaa Samaria: iatu tau iato mai ma’nubua’ tete dio Baal sia umpapusa taungKu Israel.

YEREMIA 46:18

La lelukraka tuoKu, kadanNa Datu, tu diganti PUANGna mintu’ ma’dandan maritik, kumua: Susitu buntu Tabor dio lu mintu’ buntu sia buntu Karmel dio randan tasik, susimo kasaeanna to.

AMOS 1:2

Inde sia tu kadanna, nakua: Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni mario-rio tu padang kariuanna to mangkambi’ sia marangke tu botto Karmel.

AMOS 9:3

Sia iake la messu’bui dao botto Karmel, manassa Aku la umparessai sia la unnalai inde to dio mai, moi umbuni kalena dio mai pentiroKu diong salinna tasik, manassa la Kusua tu misa’ ula’ inde to dio mai untotokki.

YOSUA 19:26

Alamelekh, Amad na Misal; dio rampe matampu’ tu’tun sae lako Karmel sia biring salu’-salu’ Libnat.

2 PETRUS 2:1

Apa den dukamo dolona ba’tu pira nabi mo’rang dio lu to Israel, susi duka tu kamunna la bu’tu ba’tu pira guru ma’papusa, la umbaa buni pangadaran sala, tu untumang tau, sia napeonganni tu Puang mangka ulla’bakki’, sia umpasae kasanggangan madoi’ lako kalena.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 2:20

Apa den apa Kusayuangko, iamotu mupopa’elo’na tu baine disanga Izebel ungganti kalena nabi, sia mangada’ anna umpapusa mintu’ taungKu ma’gau’ sala sia ungkande apa dipemalaran lako deata.

1 SAMUEL 15:12

Mangkato millik melambi’mi tu Samuel, namale sitammu Saul; napokadami tau lako Samuel, nakua: Rampomo tu Saul lako Karmel, anna osokan kalena misa’ batu dipotanda; iatonna sepang senga’mo, tarru’mi male rokko Gilgal.