1 DATU 18:18 - Sura' Madatu

¹⁸ Mebalimi nakua: Tae’ kupamandasai tu to Israel, sangadinna kamu kalena sia sangdadianna ambe’mi, belanna umboko’ikomi pepasanNa PUANG, ammi pengkaolai tu mintu’ Baal.

1 DATU 18:18 ပူးပေါင်းရင်းမြစ်များ

1 DATU 16:31

Iatu unturu’ kasalanna Yerobeam, anakna Nebat, maringnganpa, apa natompoi pole, belanna umpobaine Izebel, anakna Etbaal, datu to Sidon, sia male umpengkaolai Baal sia tukku umpenombai.

1 DATU 16:32

Napabendanammi Baal tu misa’ inan pemalaran lan banua Baal, tu nagaragai dio Samaria.

1 DATU 21:25

Inang tae’ lenpa tau susi Ahab umbaluk kalena la umpogau’ kadake dio pentiroNa PUANG, belanna nasede Izebel, bainena.

1 DATU 21:26

Iatu gau’na megallian liu, belanna mengkaola lako deata, lan mintu’na tu napogau’ to Amori, tu Naula’i PUANG dio mai olona to Israel.

1 DATU 9:9

La napebalii tau nakua: Belanna tau iato mai untampemo PUANG, Kapenombanna, tu mangka ussolan nene’ to dolona tassu’ lan mai tondok Mesir anna la’ka’ lakomo kapenomban senga’ tu penaanna, sia tukkumo umpenombai sia umpengkaolai, iamoto Naparampoi PUANG lako kalena te mintu’ kasanggangan iate.

2 OSSORANNA DATU 15:2

Malemi umpessitammui Asa, nama’kada lako nakua: Perangiina’, e Asa, sia mintu’ to Yehuda sia to Benyamin. Narondongkomi PUANG, ke mengkara’pakomi lako Kalena; iake midaka’I, manassa la miappa’; apa iake miboko’i, manassa la Naboko’i dukakomi.

2 OSSORANNA DATU 28:19

Belanna Napamadiongammo PUANG tu to Yehuda napobua’ Ahas, datu Israel, belanna ussede to Yehuda palutu tombang sia mandu tang maruru’ unturu’ PUANG.

SARAMBU PEADA’ 11:19

Iatu kamaloloan tongan umpatu katuoan, apa minda-minda tu untuntun bang kakadakean, umpadenan kalena kamatean.

SARAMBU PEADA’ 13:21

Iatu kakadakean unnula’ tokadake gau’na, apa lako to malambu’ la Napakkan Puang kameloan.

SARAMBU PEADA’ 28:4

Iatu to umboko’i sukaran aluk, umpudi to tang mekaaluk, apa minda-minda ungkaritutui sukaran aluk napomatana’ tu tau iato.

SARAMBU PEADA’ 5:22

Iatu to tang mekaaluk la napungo kalena kakadakeanna, sia la napurru’ poya kasalanna.

YESAYA 3:11

Upu’ allona tu to tang mekaaluk, la narampoi kakadakean tu tau iato, belanna la dipasisurung kande limanna.

YEREMIA 2:13

Belanna napogau’mo taungKu tu da’dua penggauran kadake: Iatu Aku, kalimbuang boba, tu natampemo tau iato mai, anna paran bubun batu kalena, iamotu bubun batu rutu’, tu tang nanii sampe uai.

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.

YEREMIA 23:13

Tonganna Kutiro tu apa umpa’dikki penaa dio lu mintu’ to minaa Samaria: iatu tau iato mai ma’nubua’ tete dio Baal sia umpapusa taungKu Israel.

YEREMIA 38:4

Mebalimi tu mintu’ arung lako datu, nakua: Nake dipatei te tau iate, belanna iake susito naparaang tu penaanna mintu’ surodadu, tu torropa lan kota iate sia mintu’ to buda, ke napokadai lako tau iato mai tu kada susito, belanna iate tau iate tae’ nadaka’i tu kameloanna to buda, sangadinna napokadakena.

YEHEZKIEL 3:8

Iamoto la Kupamakarra’ tu lindomu susi tau iato mai sia la Kupamakarra’ tu batu kidemu susi tau iato mai.

MATIUS 14:4

Belanna mangkamo ma’kada lako Herodes tu Yohanes nakua: Pemali ke mipobainei.

PENGGAURANNA RASULU’ 24:13

Sia tae’ duka nabelai umpokadangki’ manassana tu nanii umparapa’na’ totemo te.

PENGGAURANNA RASULU’ 24:20

Apa tae’ dio ren tu tau iato, dadi da’ito na ia bangmo te tau iate mai umpokadai tu salaku tu natirona tongku bendan dio olona Ada’,

PA’TOLE 31:16

Ma’kadami tu PUANG lako Musa, Nakua: Manassa la malemoko tama batu dilobang dipasola nene’ to dolomu, na iatu bangsa iate la male unturu’ kapenomban senga’na tondok, tu nanii tama, susito pasandak salu lako rampanan kapa’ sia la umboko’iNa’ sia umpoka basseKu, tu mangka Kutanan sola.

1 SAMUEL 14:29

Nakuami Yonatan: Ambe’ku umpamandasai tu tondok! Tiromi matumbai mase’rokna matangku tongku lepa’i sidi’ tu tani’ enoan.