1 DATU 17:24 - Sura' Madatu

²⁴ Nakuami tinde baine lako Elia: Totemo kuissan tonganmo, kumua taunNakomi Puang Matua, na iatu kadanNa PUANG dio randan pudukmi manappa’.

1 DATU 17:24 ပူးပေါင်းရင်းမြစ်များ

1 DATU 12:22

Apa rampo tu kadanNa Puang Matua lako Semaya, taunNa Puang Matua, nakua:

1 DATU 17:23

Naalami Elia tinde pia, anna solanni dao mai bilik mengkadaoan rokko banua, anna benni indo’na, nakuami Elia: Tiromi, iate anakmi tuo sia.

2 DATU 4:16

Ma’kadami tu Elisa lako nakua: Attu ia bangsiamote, ke taun pole’i, ammu raka’ misa’ pia muane! Mebalimi tu baine nakua: Da mima’kada susito puangku, taunNa Puang Matua, da dikka’ mima’kada tang tongan lako taummi.

2 DATU 4:9

Ma’kadami tu baine iato lako muanena, nakua: Tonganna kuissan, kumua iatu taunNa Puang Matua, tu lendu’ nenne’ lako kaleta, misa’ to masero.

TOMANGADA’ 12:10

Napengkaolai Tomangada’ la ullolongan kada mammi’, sia ussura’ misa’ sura’ tongan sia kada matappa’.

YOHANES 11:15

Sia parannuNa’ belanna kamu, tu tae’ Kudio, kumua ammi ma’patongan; apa maimokomi talao lako.

YOHANES 11:42

Inang Kuissanmo kumua tontongKomi umperangiiNa’, apa belanna iari te to buda bendan untalimbungNa’, angKu pokadai te, anna patonganni kumua Kamu ussuaNa’.

YOHANES 15:24

Iakenna tae’ Kupogau’i dio tingayona tu penggauran tae’ bangpa to senga’ misa’ duka umpogau’i tae’ra nala kasalan tu tau iatu mati’; apa totemo natiromo, anna kabiri’Na’ sola Ambe’Ku.

YOHANES 16:30

Totemo kiissan kumua mintu’ apa Mitandai sia tae’mo namanggi’ tau mekutana lako Kalemi; Iamoto angki patonganni kumua lu dioKomi mai Puang Matua.

YOHANES 2:11

Iamo te tu bunga’na tanda kalle-kallean tu Napogau’ Yesu dio Kana tana Galilea, sia umpa’pekitanan kamala’biranNa; napatonganmi anak gurunNa.

YOHANES 3:2

Sae bongi lako Yesu, nakua lako: O Rabi, kiissan kumua Kamumo misa’ guru lu dio mai Puang Matua, belanna tae’ ia misa’ tau ma’din umpogau’i tu tanda kalle-kallean susitu Mipogau’, ke tae’i Narondongi Puang Matua.

1 TESALONIKA 2:13

Iamo bannangnato anna tae’ duka ka’tungki ma’kurre sumanga’ langngan Puang Matua, belanna iatommi tarimami tu kadanNa Puang Matua, tu kipalolang, tae’ mitarima susii kada tolino, sangadinna susitu tonganna inang den, iamotu kadanNa Puang Matua, tu mengkarang duka lan kalemi, tu kamu ma’patonganna.

1 YOHANES 2:21

Tae’ra kusurasangkomi, belanna tae’ mitandai tu kamanapparan, sangadinna belanna mitandaimo sia belanna tae’ apa tang tongan lu dio mai kamanapparan.