1 DATU 17:20 - Sura' Madatu

²⁰ Metambami langngan PUANG, nakua: O PUANG, Kapenombangku! Miparampoiori kamandasan te baine balu tu kunii rampo mempue, ammi patei tu anakna?

1 DATU 17:20 ပူးပေါင်းရင်းမြစ်များ

KADADIAN 38:10

Iate penggauranna tang Naporai PUANG, iamoto Narabunni dukai PUANG.

KADADIAN 38:7

Apa iatu Er, pa’bunga’na Yehuda tae’ Naporai PUANG tu gau’na, undinna Narabunnimi PUANG.

1 DATU 17:19

Nakuami tu Elia lako: Baanna’ mai tu anakmi. Naalami diong mai rianna, nasolanni langngan bilik mengkadoan, tu nanii torro, anna pamamma’i dao inan mamma’na.

1 DATU 17:21

Umballa’mi kalena pentallun dao pia iato, anna metamba langngan PUANG, nakua: O PUANG, Kapenombangku! pasulemi tama tu penaanna te pia.

2 DATU 19:15

Anna massambayang dio oloNa PUANG, nakua: O PUANG, Kapenombanna to Israel, tu unnisung dao karubion! Kamu, Kamu manna tu Kapenomban, pekapuanganna mintu’ kadatuan dao kuli’na padang; Kamumo tu mangka ungkombong langi’ sola lino.

2 DATU 19:4

Lala sia manii Naperangii PUANG Kapenombammi, tu mintu’ kadanna kamandang lompo, tu nasua puangna, datu Asyur umparampoangki’, kumua anna be’sei tu Puang Matua matontongan, anna ukkungi Puang tu belanna kada iato Narangimo PUANG, Kapenombammi; melo ke mipassambayanganni tu to torrona siapa, tu denna siapa.

2 DATU 20:11

Metambami tu nabi Yesaya lako PUANG, Nakondorammi sule sangpulo pellesean tu bayo-bayo solo’mo dio pellesean eranna Ahas.

2 DATU 4:33

Iatonna lanmo tu Elisa nasalli’mi tu ba’ba dio boko’na sola duai, anna massambayang lako PUANG.

PA’PUDIAN 99:6

Iatu Musa sola Harun tama bilangan to minaanNa, na iatu Samuel tama bilanganna to umpengkamoyai sanganNa; mintu’i sola nasang pada meongli’ lako PUANG, sia Natanannimo talinga tu tau iato mai.

KATASSURAN 17:4

Attu iato meongli’mi tu Musa langngan PUANG, nakua: Apara la kugauranni te bangsa iate? Sattu’mora naleba’na’ batu.

YEREMIA 12:1

TonganKomi Kamu o PUANG, ke la sikara-karaki’; apa moi susito, moraina’ la sipa’kada Puang diona tu mai apa malambu’, kumua: Ma’apai anna maupa’ tu lalan to tang mekaaluk, sia manaman bang ia tu mintu’ to ma’kedo tang maruru’?

MATIUS 17:21

(Apa iatu ianna te tae’ nama’din sun moi dipatumba, sangadi massambayangpiki’ sia ma’puasa.)

MATIUS 21:22

Sia apa-apa mipalaku lan passambayangmi, ke mikatappa’i, manassa miappa’.