1 DATU 17:18 - Sura' Madatu

¹⁸ Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

1 DATU 17:18 ပူးပေါင်းရင်းမြစ်များ

KADADIAN 44:16

Ma’kadami tu Yehuda nakua: Apara tu la kikua lako kalemi, sia umbara la kikua ma’kada sola nasang sia umbara la kikua sola nasang umpa’tutuan kaleki? Nakabu’tuimo Puang Matua tu kasalanna kaunanmi. Iate kami sola nasang mipokaunanmokan, la kami sola nasang, la iatinde to dinii ungkabu’tui irusan.

KADADIAN 50:15

Iatonna tiromi siulu’na Yusuf iatu ambe’na matemo, sipa’kadami kumua: Umbai nakabiri’miki’ Yusuf sia napakkanni tu mintu’ kakadakean mangka tagauranni!

KADADIAN 50:17

Susite la mipokada lako Yusuf: Pagarri’i tu kapatodo-tintinganna mintu’ siulu’mi sia kasalanna, belanna mangkamo bulituk lako kalemi! Apa totemo pagarri’mi tu salana taunNa Kapenombanna ambe’mi! Tumangi’mi tu Yusuf tonna pokadanni lako te.

2 SAMUEL 16:10

Apa nakua datu: La siapariki’, e anakna Zeruya? Da’ito natampakkina’ ropu! Iake Nakuai PUANG lako: Tampakki ropu tu Daud, mindaopa la ma’kada kumua: Ma’apai mupogau’i to?

2 SAMUEL 19:22

Apa nakua Daud: La siapariki’, e anakna Zeruya? Belanna allo iate dadikomi to umbalina’. Ma’apai anna la den misa’ tau dipatei allo iate dio lu to Israel. Belanna inang kuissan, kumua allo iate dadi pole’mo’ datu lako mintu’ to Israel.

1 DATU 12:22

Apa rampo tu kadanNa Puang Matua lako Semaya, taunNa Puang Matua, nakua:

1 DATU 13:1

Pakalan saemi misa’ taunNa Puang Matua tete dio kadanNa PUANG dio mai Yehuda lako Betel, tonna marassan bendan tu Yerobeam dio olo inan pemalaran la untunu pemala’.

1 DATU 17:17

Undinnato masakimi tu anakna te baine ampu banua iato, mandarra’ tongan, naurungan tae’ bangmo penaa lan.

1 DATU 17:19

Nakuami tu Elia lako: Baanna’ mai tu anakmi. Naalami diong mai rianna, nasolanni langngan bilik mengkadoan, tu nanii torro, anna pamamma’i dao inan mamma’na.

1 DATU 18:9

Apa nakua tu Obaja lako: Apara salaku te, ammi sorongra’ tama limanna Ahab, kumua anna pateina’?

1 DATU 20:28

Saemi tu taunNa Puang Matua mennolo nama’kada lako datu to Israel, nakua: Inde sia tu kadanNa PUANG: Belanna nakua tu to Aram, kumua iatu PUANG iamo Kapenomban dao lu buntu, tangia ia Kapenomban dio lu merrantena, iamoto angKu sorongi tu to buda tu mamak bang tama limammu, ammi issanni kumua Akumo tu PUANG.

2 DATU 1:9

Nasuami datu lako tu misa’ kamandang ungkapalai surodadu limangpulo sola tu surodadunna limangpulo. Kendekmi langngan Elia, belanna iatu Elia unno’ko’ dao botto tanete, sia ma’kada lako nakua: E taunNa Puang Matua, napa’parentan datu, kumua mengkalaokomi!

2 DATU 3:13

Apa ma’kada tu Elisa lako datu to Israel nakua: La siapariki’? Malemokomi lako tu mai nabinna ambe’mi sia lako tu mai nabinna indo’mi. Apa nakua tu datu to Israel lako: Da mima’kada susito, belanna Natambaimo PUANG tu datu tallu la Nasorong tama limanna to Moab.

2 OSSORANNA DATU 35:21

Napake’de’mi tu sumbungan puduk lako kalena, nakua: La siapariki’, e datu Yehuda? Allo iate tangia kamu, tu kulaoi, sangadinna iari tu tongkonan, tu kusirarian, anna mangkamo ma’kada tu Puang Matua lako kaleku, Nakua: madomi’ko. Iamoto toreimi unnea Puang Matua, tu urrondongna’, da Nasanggangkomi.

AYUB 13:23

Sangapara tu kakelokangku sia kasalangku? Paissannina’ tu kapatodotintingangku sia kasalangku.

AYUB 13:26

miurungan ullampakanna’ toto’ mapalla, sia Mipakkan tu kakelokangku tongku mangura,

KADIBILANGAN 5:15

la nasolan tu bainena umpennoloi to minaa anna pennoloan duka pemala’ tu la napopemala’ bainena, pissanna taa sangpulona epa ta’pung dalle sisikan, tu tae’ nadibolloi minna’ sia tae’ nadiparokkoi dupa, belanna iamoto tu kande dipemalaran diona kapangimburuan, iamotu pemala’ kapengkilalan, umpakilalai tu diona kakadakean.

MATIUS 8:29

Melalla-lallami sola duai nakua: La siaparaki’, e AnakNa Puang Matua? Iaraka Misae te, la saeKomi umpakario-riokanni dolo namane attunna?

MARKUS 5:7

sia mukkun melalla-lalla umpemandui gamaranna nakua: La siapariki’, e Yesu, Anakna Puang Patodoranna! Massumpana’ ussa’bu’ sanganNa Puang Matua umpalakui lako Kalemi da’ amMi pakario-riona’.

MARKUS 6:16

Apa iatonna rangii Herodes tu iannato, nakuami: Iamotu Yohanes kuta’takki ulunna to, dipatuomo sule.

LUKAS 4:34

Popa’elo’nakan kami, la siapariki’ e Yesu, to Nazaret! SaeroKomika la ussanggangkan? Kuissan sia kumua mindaraKomi, iamora To masallo’ lu dio mai Puang Matua.

LUKAS 5:8

Iatonna tiromi Simon Petrus tu iannato, lumbangmi rokko to’ guntu’Na Yesu, nakua: O Puang, toyang-toyangKomi dio mai kaleku, belanna aku te to kasalanna’!

LUKAS 8:28

Iatonna tiromi tu Yesu, melallak-lallakmi nasongka dio tingayoNa sia bassa’ bang metamba-tamba, nakua: La siapariki’ e Yesu, AnakNa Puang Patodoranna? Kupalaku lako Kalemi da Mipakario-riona’.

YOHANES 2:4

Nakuami Yesu lako: E baine, apamora la mituntun dio mai Kaleku? natae’pa nalambi’i attungKu.

TO PARENGNGE’ 13:6

Malemi tu baine iato umpokadanni muanena, nakua: Den misa’ taunNa Puang Matua sae lako kaleku, kutiro susito misa’ malaeka’Na Puang Matua, metakuran tongan. Tae’ kukutanai umbara nanii sae, sia tae’ duka napokadanna’ sanganna.

1 SAMUEL 16:4

Napogau’mi Samuel susitu kadanNa PUANG, anna male lako Betlehem. Pada saemi sipa’parondoan tu mintu’ pangulunna tondok iato, anna ma’kada nakua: Melo siaraka tu misaean?