1 DATU 17:15 - Sura' Madatu

¹⁵ Malemi anna pogau’i susitu kadanna Elia; anna kumande la baine iato la Elia la to lan banuanna.

1 DATU 17:15 ပူးပေါင်းရင်းမြစ်များ

KADADIAN 12:4

Ke’de’mi tu Abram susitu kadanNa PUANG lako kalena, sia ia duka tu Lot male sola; iatonna ke’de’ dio mai tana Haran tu Abram pitungpulomo llima taun dadinna.

KADADIAN 22:3

Melambi’mi millik tu Abraham, nalapikki tu keledainna anna solanni tu solana da’dua sia iatu Ishak, anakna, sia napiak tu kayu la napantunuan pemala’ ditunu pu’pu, anna ke’de’ male lako to’ inan mangka Napokadanni Puang Matua.

KADADIAN 6:22

Napogau’mi Nuh tu mintu’ apa Napasan Puang Matua lako kalena, susimoto napogau’.

1 DATU 17:14

Belanna inde sia tu kadanNa PUANG, Kapenombanna to Israel: Iatu ta’pung lan kurin tae’ nala pura sia iatu minna’ lan tonde tae’ nala tappu sae lako allo Nanii PUANG umpasae uran dao kuli’na padang.

1 DATU 17:16

Iatu ta’pung lan kurin tae’ anna pura sia iatu minna’ lan tonde tae’ anna tappu, susitu kadanNa PUANG tu mangka Napokada nalopian Elia.

2 DATU 4:5

Malemi natampe baine iato, anna salli’i tu ba’ba dio boko’na sia dio boko’na anakna muane: na anakna tu nenne’ umbaai tu busso lako, na ia nenne’ untua’i tama.

2 OSSORANNA DATU 20:20

Iatonna masiang melambi’, ke’de’mi tu tau iato mai lako padang pangallaran Tekoa. Iatonna ke’de’, malemi lako tingayo tu Yosafat sia ma’kada nakua: Perangiina’, e to Yehuda sia to untongkonni Yerusalem, katappa’i tu PUANG, Kapenombammi, ammi dipamanda’, katappa’i tu mai nabinNa, ammi maupa’.

MATIUS 15:28

Mebalimi Yesu, sia Nakua lako: E baine! matoto’ tongan kapatonganammu; dadimo lako kalemu susitu mukamorainna. Matana bangsiami tu anakna baine to attu iato.

MARKUS 12:43

Natambaimi tu anak gurunNa sia Nakua lako: Kukua lako Kalemi: Tonganna losong ia napa’bengan te baine balu kalala’ iate na iatu tau mintu’, tu umpatamanna doi’ tama te patti doi’ pa’kamasean.

YOHANES 11:40

Nakuami Yesu ungkuanni: Tang mangkamoraka Kukua mati’, iake ma’patonganko la untiroko kamala’biranNa Puang Matua?

IBRANI 11:17

Bannang dio dukamora kapatonganan anna pemalaranni Abraham tu Ishak, tonna disudi, sia tae’ anna tipodo’ tinde to mangka untarima mintu’ pangallu’ umpemalaran anak tungga’na,