1 DATU 16:9 - Sura' Madatu

⁹ Iatu Zimri, tu taunna, iamo umpangului sangsesena kareta parari, umpaden kasiturusan la unneai. Iatonna marassan mangiru’ dio Tirza lan banuanna Arza, pangulu sandan uai datu dio Tirza, namalango,

1 DATU 16:9 ပူးပေါင်းရင်းမြစ်များ

KADADIAN 15:2

Ma’kadami Abram nakua: O PUANG Puangku, apara tu la Mikamaseanna’, belanna la tontong bangna’ susito, tang la keanak, na iatu Eliezer, to Damsyik, iamo la umpomana’ barang apangku?

KADADIAN 24:10

Naalami tinde kaunan tu untana puangna sangpulo, namale; iatu mai iananna puangna lan pala’na; ke’de’mi male lako Mesopotamia; tondokna Nahor.

KADADIAN 24:2

Ma’kadami tu Abraham lako ruranan matuanna lan banuanna sia umpoissan mintu’ apanna nakua: Padiongi to’ garonto’ pupungku tu limammu.

KADADIAN 39:4

naporaimi tu Yusuf, nasuai umparakai sia nadullu umpoissan mintu’ barang apa nasorong lako Yusuf.

KADADIAN 39:9

Ia duka ia tu ia lan te banua tae’ anna mandu madoan na aku sia mintu’ barang apa tae’ napasalian lako kaleku sangadinna kamu manna, belanna bainenakomi; ma’apai angku la umpogau’i te kakadakean kapua sia kasalan langngan Puang Matua!

1 DATU 15:27

Iatu Baesa, anakna Ahia, dio mai rapu Isakhar, umpaden kasiturusan la unneai. Napatei Baesa dio Gibeton, lili’ to Filistin, tonna patama limbui Nadab sola mintu’ to Israel tu Gibeton.

1 DATU 16:10

tamami tu Zimri, naba’tai anna mate, tonna taun ma’penduangpulo mpitu tu Asa umparenta to Yehuda, na Zimri ussondai dadi datu.

1 DATU 16:8

Iatonna taun ma’penduangpulo nnannan tu Asa umparenta to Yehuda, dadimi datu tu Ela, anakna Baesa, umparenta to Israel dio Tirza duang taun.

1 DATU 18:3

Iamoto natambaimi Ahab tu Obaja, pangulu sandan uainna. Iatu Obaja, mengkaola tongan langngan PUANG.

1 DATU 20:12

Narangimi Benhadad te kada iate, tonna marassan unno’ko’ sangpangirusan tu mai datu lan tenda nama’kada lako mintu’ to mase’ponna, nakua: Tiangka’mokomi ullaoi! Ke’de’mi la ullaoi tu kota iato.

1 DATU 20:16

Tassu’mi tu tau iato mai tonna ma’tangnga allo, tonna marassan tu Benhadad unno’ko’ mangiru’ samalangona lan tenda sola tu mai datu, tallungpulo ndua, tu to untundui.

2 DATU 12:20

Iatu mai to mase’ponna ke’de’mi sipakulu-kulu, anna patei tu Yoas lan banuanna Milo, diong se’pon lalan rokko Sila.

2 DATU 15:10

Umpadenmi kasipakulu-kuluan tu Salum, anakna Yabesh, unneai napatei dio tingayona to buda. Na ia ussondai dadi datu.

2 DATU 15:25

Iatu Pekah, anakna Remalya, kamandangna, sipakulu-kulu limangpulo tau dio mai Gilead unnea datu, anna patei dio Samaria, lan tambakukunna tongkonan layuk sola Argob sia Arye; napateimi anna ia ussondai dadi datu.

2 DATU 15:30

Iatu Hosea, anakna Ela, umpadenmi kasipakulu-kuluan unnea Pekah, anakna Remalya; napateimi anna ia ussondai dadi datu tonna taun ma’penduangpulo kadatuanna Yotam, anakna Uzia.

2 DATU 9:14

Susimo kasipakulu-kuluanna to tu Yehu, anakna Yosafat, anakna Nimsi la umbali Yoram. Na iatu Yoram sola mintu’ to Israel untorroimo Ramot, lili’na Gilead, la umpangeai tu kota iato unnea Hazael, datu Aram.

SARAMBU PEADA’ 31:4

Tang sipatu tu mai datu, e Lemuel, tang sipatu tu mai datu, ke pa’anggoro’i, sia iatu mai to paa ungkaduangi pangiru’ palango,

YEREMIA 51:57

Sia la Kupamalango tu mai arungna sia to matarru’na sia to marayanna sia to ma’parentana sia pa’baraninna, naurunganni tarru’ leppeng sae lakona sia tang pandiu len, kadanNa Datu, tu digente’ PUANGna mintu’ ma’dandan maritik.

DANIEL 5:30

Iatonna bongi ia bangsiamoto, napateimi tau tu Belsazar, datu to Kasdim.

NAHUM 1:10

Belanna, moi sibintan susi duri, sia malango susito kabiasanna malango –, inang la dimangsanni tarru’ tu tau iato mai susi dalame marangke.

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.