1 DATU 16:8 - Sura' Madatu

⁸ Iatonna taun ma’penduangpulo nnannan tu Asa umparenta to Yehuda, dadimi datu tu Ela, anakna Baesa, umparenta to Israel dio Tirza duang taun.

1 DATU 16:8 ပူးပေါင်းရင်းမြစ်များ

1 DATU 15:16

Tontong bang tu kasirarianna Asa na Baesa, datu to Israel, temponna ma’parenta.

1 DATU 15:33

Iatonna taun ma’pentallunna Asa umparenta to Yehuda, dadi datumi tu Baesa, anakna muane Ahia, umparenta mintu’ to Israel duang pulo nna’pa’ taunna dio Tirza.

1 DATU 16:15

Iatonna taun ma’penduangpulo mpitu tu Asa umparenta to Yehuda, dadimi datu tu Zimri dio Tirza pitung allo; tonna marassan tu to buda umpatama limbu Gibeton, lili’ to Filistin.

1 DATU 16:21

Attu iato tipa’duami tu to Israel; sangsese malang lako Tibni, anakna Ginat, la unnangka’i datu, na iatu sesena malang lako Omri.

1 DATU 16:23

Iatonna taun ma’pentallungpulo mmisa tu Asa umparenta to Yehuda, dadimi datu tu Omri umparenta to Israel, sangpulo dua taunna. Annan taunna ma’parenta dio Tirza.

1 DATU 16:6

Mangkato malemi tama batu dilobang tu Baesa sola nene’ to dolona, anna dipeliang dio Tirza na Ela, anakna muane, ussondai dadi datu.

1 DATU 16:7

Sae dukami tu kadanNa PUANG lako Baesa sia mintu’ bati’na, tu nalopian nabi Yehu, anakna Hanani, belanna mintu’ kakadakean napogau’ dio pentiroNa PUANG sia belanna penggauranna tu umpa’dikki penaanNa Puang, naurunganni iatu kedona susi bati’na Yerobeam, sia belanna ia dukamo mangka umpatei tau iato mai.

1 DATU 16:9

Iatu Zimri, tu taunna, iamo umpangului sangsesena kareta parari, umpaden kasiturusan la unneai. Iatonna marassan mangiru’ dio Tirza lan banuanna Arza, pangulu sandan uai datu dio Tirza, namalango,

2 DATU 15:14

Attu iato ke’de’mi tu Menahem, anakna Gadi, dio mai Tirza, lako Samaria. Anna patei tu Salum, anakna Yabesh, dio Samaria. Anna ia ussondai dadi datu.

2 DATU 15:23

Iatonna taun ma’pellimangpulo kadatuanna Azarya, datu Yehuda, dadimi datu tu Pekahya, anakna Menahem, umparenta to Israel dio Samaria; anna ma’parenta duang taun.

2 DATU 21:19

Iatu Amon tonna dadi datu duangpulomo ndua taunna; ma’parentami dio Yerusalem duang taun. Na iatu indo’na disanga Mesulemet, anakna Harus, dio mai Yotba.

SARAMBU PEADA’ 28:2

Iake pabali-balii tu pa’tondokan, la buda tu arungna, apa tete dio tau unnampui pakita penaa sia tangnga’ kinaa, nanii marendeng tu atoran malambu’.