1 DATU 16:6 - Sura' Madatu

⁶ Mangkato malemi tama batu dilobang tu Baesa sola nene’ to dolona, anna dipeliang dio Tirza na Ela, anakna muane, ussondai dadi datu.

1 DATU 16:6 ပူးပေါင်းရင်းမြစ်များ

1 DATU 14:17

Ke’de’mi tu bainena Yerobeam male, anna rampo lako Tirza. Iatonna mane ullesei tu ampang banua, matemi tu pia.

1 DATU 14:20

Iatu Yerobeam duangpulo ndua taunna ma’parenta. Mangkato malemi tama batu dilobang sola nene’ to dolona na Nadab, anakna muane, ussondai dadi datu.

1 DATU 15:16

Tontong bang tu kasirarianna Asa na Baesa, datu to Israel, temponna ma’parenta.

1 DATU 15:21

Iatonna rangimi Baesa tu iannato, nasoroi’mi umbenteng Rama, anna sule lako Tirza.

1 DATU 15:25

Iatu Nadab, anakna muane Yerobeam, dadi datu umparenta to Israel tonna taun ma’penduan kadatuanna Asa umparenta to Yehuda; umparentami to Israel duang taun.

1 DATU 16:28

Mangkato tamami batu dilobang tu Omri dipasola nene’ to dolona, anna dipeliang dio Samaria, na Ahab, anakna muane, ussondai dadi datu.

1 DATU 16:8

Iatonna taun ma’penduangpulo nnannan tu Asa umparenta to Yehuda, dadimi datu tu Ela, anakna Baesa, umparenta to Israel dio Tirza duang taun.