1 DATU 16:31 - Sura' Madatu

³¹ Iatu unturu’ kasalanna Yerobeam, anakna Nebat, maringnganpa, apa natompoi pole, belanna umpobaine Izebel, anakna Etbaal, datu to Sidon, sia male umpengkaolai Baal sia tukku umpenombai.

1 DATU 16:31 ပူးပေါင်းရင်းမြစ်များ

KADADIAN 30:15

Mebalimi tu Lea nakua lako: Tae’paraka nasilasa tu mualaina’ muaneku? La morai siaporokoka unnala bua mandragorana anakku? Nakuami tu Rahel: Iamoto anna la sangamparangko te bongi, sonda bua mandragorana anakmu.

KADADIAN 6:2

natiromi anak Puang Matua tu baine bati’ tolino, kumua melo tu pantarisanna, anna pobainei minda-minda tu naala penaanna.

1 DATU 18:18

Mebalimi nakua: Tae’ kupamandasai tu to Israel, sangadinna kamu kalena sia sangdadianna ambe’mi, belanna umboko’ikomi pepasanNa PUANG, ammi pengkaolai tu mintu’ Baal.

1 DATU 18:19

Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.

1 DATU 18:4

Belanna iatonna rabunni Izebel tu nabinNa PUANG, naala Obaja tu saratu’ nabi, anna bunii, silimangpulo lan ke misa’oi lo’ko’, anna parakai naben roti sola uai.

2 DATU 10:18

Narampunmi Yehu tu mintu’ to buda, anna ma’kada lako nakua: Iatu Ahab ke menombai lako Baal, kurang siapa, apa iatu Yehu la losong ia ke menombai.

2 DATU 17:16

Naboko’i tu mintu’ pepasanNa PUANG, Kapenombanna, anna garaganni kalena tu rapang-rapang dipodeata dipati’no’, iamotu da’dua anak sapi; nagaragai duka tu ba’tu pira-pira lentong dipodeata, sia tukku umpenombai tu mintu’ ma’dandan maritik dao langi’ sia Baal.

2 DATU 21:3

Sia napabendan sule tu inan madao, tu mangka nasanggang Hizkia, ambe’na, sia nabangunan Baal tu inan pemalaran sia nagaragai tu lentong kayu di podeata, susi mangka napogau’ Ahab, datu Israel, sia tukku menomba dio tingayona mintu’ ma’dandan maritik dao langi’ sia mengkaola lako.

2 DATU 3:2

Napogau’mi tu apa kadake dio pentiroNa PUANG, apa tae’ nasusi ambe’na sia indo’na; naputtai ia tu batu Baal dipodeata tu nagaragai ambe’na.

2 OSSORANNA DATU 17:4

sangadinna Kapenombanna nene’ to dolona; anna lolang unturu’ mintu’ pepasanNa sia iatu penggauranna tae’ nasusi to Israel.

2 OSSORANNA DATU 21:13

sangadinna unturu’ko bate lalanna tu mai datu Israel, sia unnada’i to Yehuda sia pa’tondokan Yerusalem umpenombai deata susito lan tongkonan layukna Ahab, ondongpi belanna mupatei duka tu mintu’ siulu’mu, tu musangamberan, tu mandu melo na iko, –

YESAYA 7:13

Nakuami: Perangiimi totemo, e kamu bati’na Daud! Misanga tang ganna’paraka ussara’i tau, ammi sara’i siapara Kapenombangku?

YEHEZKIEL 16:20

ammu alai tu mai anakmu muane sia baine, tu mangka mupadadianNa’, ammu pemalaranni lako, la napokande. Tae’paraka nasundun tu gau’ salamu,

YEHEZKIEL 16:47

Apa tae’ ammu turu’ mannai tu bate lalanna sia tae’ muturu’ mannai tu penggauran megallianna, sangadinna tae’ namasai ammu mandumo kadake lan mintu’ penggaurammu.

YEHEZKIEL 34:18

Tang namosoporokomika ungkandei tu riu maluna dio padang lompo, ammi lullu’i lette’mi tu mai tang mipuranna; tang namosoporokomika unniru’i tu uai malinnong, ammi lutu-lutui lette’mi tu torrona?

YEHEZKIEL 8:17

Ma’kadami lako kaleku Nakua: Mutiromoraka to, e ma’rupa tau? Tae’paraka nasilasa tu penggauran megallian napogau’ to Yehuda, tu napogau’ indete, naurungan dukai tu tau iato mai umponnoi kamasa’garan tu tondok iato sia nenne’ umpa’dikki penaangKu? Tiromi, iatu tau iato mai untoe tangke anggoro’ sikandappi’ illongna.

HOSEA 2:15

La dadi allo iato, kadanNa PUANG, la mukua ussangaiNa’ muaneku, sia tae’mo ammu sangaiNa’: Baalku.

KADIBILANGAN 16:9

Tang silasaporokomika, kumua Kapenombanna Israel umpamarimbangankomi dio mai kasirampunan to Israel la umpopengkareke’komi lako Kalena, ammi toe pentoean dio kemaNa PUANG sia la bendan dio tingayona kasirampunan la ungkamayai tu tau iato mai,

PA’TOLE 7:1

Iake mangkamoko Nasolan PUANG, Kapenombammu, tama tu tondok, tu la munii rampo la muala, mupoapai, sia iake mangkami Naula’i tu mai bangsa buda dio mai tingayomu, iamotu to Het, to Girgasi, to Amori, to Kanaan, to Feris, to Hewi sia to Yebus, den pitu bangsa, tu marapuan sia makuasa na iko;

KADA OMBO’ LAKO RASULU’ YOHANES 2:20

Apa den apa Kusayuangko, iamotu mupopa’elo’na tu baine disanga Izebel ungganti kalena nabi, sia mangada’ anna umpapusa mintu’ taungKu ma’gau’ sala sia ungkande apa dipemalaran lako deata.

TO PARENGNGE’ 1:31

Tae’ naula’i Asyer tu to umpa’tondokki Ako sia Sidon sia Ahlab sia Akhzib sia Helba sia Afek sia Rehob.

TO PARENGNGE’ 10:12

to Sidon, to Amalek sia to Maon, tonna pakario-riokomi, ammi metamba lako Kaleku?

TO PARENGNGE’ 10:6

Napogau’ pole’omi to Israel tu apa kadake dio pentiroNa PUANG; umpenombai tu mintu’ Baal sia Astoret sia kapenombanna Aram, Sidon sia Moab, sia kapenombanna to Amon sia to Filistin, apa iatu PUANG naboko’imo sia tae’mo napengkaolai.

TO PARENGNGE’ 18:7

Ke’de’mi male tu tau lima narampo lako Lais. Natiromi tu tau dio torro marampa’ susi a’ganna to Sidon, manaman sia rapa’; tae’ tu to ma’parenta lan tondokna, ussussai tu tau iato mai, moi diona misa’ duka apa. Iatu katorroanna sikambela to Sidon sia moi misa’ tau tae’ bang nasikadamakan.

TO PARENGNGE’ 2:11

Napogau’mi to Israel tu apa kadake dio pentiroNa PUANG sia umpengkaolaimo mintu’ Baal.

TO PARENGNGE’ 3:7

Napogau’mi to Israel tu apa kadake dio pentiroNa PUANG, tang nakilalaimo tu PUANG, Kapenombanna, sia umpengkaolaimo mintu’ Baal sia Asyera.