1 DATU 16:29 - Sura' Madatu

²⁹ Iatonna taun ma’tallungpulo ngkarua tu Asa umparenta to Yehuda, dadimi datu tu Ahab, anakna Omri, umparenta to Israel. Iatu Ahab, anakna Omri, duangpulo ndua taunna umparenta to Israel dio Samaria.

1 DATU 16:29 ပူးပေါင်းရင်းမြစ်များ

1 DATU 16:21

Attu iato tipa’duami tu to Israel; sangsese malang lako Tibni, anakna Ginat, la unnangka’i datu, na iatu sesena malang lako Omri.

1 DATU 16:23

Iatonna taun ma’pentallungpulo mmisa tu Asa umparenta to Yehuda, dadimi datu tu Omri umparenta to Israel, sangpulo dua taunna. Annan taunna ma’parenta dio Tirza.

1 DATU 16:24

Naallimi tu tanete Samaria da’dua talenta salaka dio mai Semer, nabangunni tu kota dao tanete iato, nasangai Samaria, napasikona sanganna Semer, puangna tanete iato.

1 DATU 16:28

Mangkato tamami batu dilobang tu Omri dipasola nene’ to dolona, anna dipeliang dio Samaria, na Ahab, anakna muane, ussondai dadi datu.

1 DATU 16:30

Iatu Ahab, anakna Omri, umpogau’ apa kadake dio pentiroNa PUANG, mandu kadake anna iatu mintu’ to dolona.

1 DATU 16:33

Sia nagaraga siapa Ahab tu lentong kayu dipodeata; napatarru’ bangmi Ahab tu penggauran susito, naurunganni umpa’dikki penaanNa PUANG, Kapenombanna to Israel, mandu pole’ na iatu mintu’ datu to Israel dolona.

1 DATU 21:18

Ke’de’ko mumale lako sitammu Ahab, datu to Israel, tu torro dio Samaria; lanmo pa’lak anggoro’na Nabot, tu nanii male lako unnalai la napoapa.

2 OSSORANNA DATU 25:13

Apa iatu mintu’ surodadu, tu nasua Amazia sule, naurunganni tae’ namale sola parari, ke’de’ dio mai Samaria ullaoi ba’tu pira-pira kota Yehuda sae lako Bet-Horon, anna patei tu tau tallungsa’bu sia unnala pangrampa buda.

YEREMIA 41:5

saemi dio mai Sikhem sia Silo sia Samaria karua pulona tu to diku’ku’i danggo’na sia serek-serek pakeanna sia ditori’-tori’ kuli’na sia umbaa kande la dipemalaran sia dupa lako banuanNa PUANG.

HOSEA 13:1

Iake ma’kadai tu Efraim, tiramban tu tau, anna matande dio lu to Israel, apa natumang Baal, iamoto nakasalan, anna mate.

MIKHA 6:16

Belanna mintu’ tu apa napondok Omri dikaritutui sia mintu’ penggauranna to lan banuanna Ahab, sia lolangko unturu’ pa’timbanganna, kumua angKu popendadiko misa’ apa metirambanan sia iatu mintu’ pa’tondokkanna la Kupadadi misa’ apa ditatta; susimokomito la umpassanni tu kadilo’boanna taungKu.